استفتاء على المادة الثانية على موقع الأهرام - برجاء المشاركة

[بيجو]

حاولت ادخل الموقع / لاكنة لا يفتح
هل الرابط ام انة علية ضغط
؟؟؟
///
وبعدين احنا تعبنا من الخلط
انا رئيى ان القانون الى بيحتاج شرع يقوية
هو قانون ضعيف
والاهم انة كدة هايكون كما لو انة عملة بوجة واحد
يعنى سلمولى ع الديمقراطية
ونلف تانى علشان نلحق نلف ديماً حوالين نفسنا
///
وربنا مع الجميع
شكراً

[Kyrillos]

للأسف الاستطلاع اتشال من الموقع ونزل استطلاع تانى عن تغيير الدستور كله.

واضع ان اعتراض طيور الظلام على الاستطلاع سمع معاهم ، لأنهم نقدوا الموقع بعنف وقالوا ازاى يعمل استطلاع عن حاجة من المسلمات ، لأن المادة دى (فوق دستورية).

[الخواجه]

لقد تم تغيير الاستفتاء فهو الان .. هل تحتاج مصر لدستور جديد؟

قمت بالمشاركة . و اعتقد علينا ا نكمل المشاركة بنعم مصر تاتاج لدستور جديد

[أبو هشام]

السلام عليكم
إخواني وأخوتي أقباط مصر مسلميها ومسيحيها
هل تسمعون عن الفقيه ابن تيمية ؟
متشدد وحنبلي المذهب ؟ صح؟
عندما هجم التتار على الشام زمان ثم انتصر عليهم المسلمون وكان فيهم الفقيه ابن تيمية
ودارت مفاوضات رد الأسرى ومعظمهم من أهالي القرى المدنيين فأطلق التتار الأسرى المسلمون فقال لهم ابن تيمية جميع الأسرى والمسيحيين مع المسلمين إن لم يكونو قبلهم .
هذه هي الشريعة الغير مطبقة في مصر .
شريعة الحق والعدل والمساواة والتي تتلخص في الحديث الشريف
" لهم ما لنا وعليهم ما علينا"
"من آذى ذميا فقد آذاني "
وهل تعلمون يا إخوتي أن لابن تيمية رأي قاطع بأنه لا جزية نهائيا على أهل مصر
لأنهم يتكلمون العربية ولا جزية على عربي .
والعربي ليس بجذوره ولا نسبه ولكن بلسانه كما أخبر النبي صلى الله عليه وسلم وعلى عيسى ابن مريم جميعا .
نحن لم نر من الشريعة شيئا حقيقيا في مصر سوى ما أخذ به قداسة البابا شنودة أمد الله في عمره ومتعه بالصحة والعافية وهي فقرة " يحكموا بما يدينون به"
الاسلام لم يكن في يوم عدو للمسيحيين ولن يكون .
فلا تتخذوه عدوا
ما ترون في السعودية وافعانستان ليس كاسلام مصر .
اسلام مصر يختلف جذريا .
اسلام مصر هو ما شاهدناه في ميدان التحرير
حب وتآخي وتآلف ولا يفرق بين مسلم ومسيحي ولا بين نقاب وسفور
الكل ذاب في حب مصر وتوضأ بنور الحرية

[yasser_1970]

انا مسلم وأجد أنه نعم ، حتى إذا كان بالإسلام شىء يتحدث عن الحب والمودة ، فاتباع الجماعات الارهابية ألغوا هذه الكلمات من قاموس الدين وما بقى إلا القتل ، اتمنى ان تزول غمة الجماعات الدينية الاسلامية عن مصر ويخيفنى جدا ان يتحكم فى البرلمان واحدة من الجماعات الارهابية

[محـ احمد مد]

++++++++ممنوع وضع روابط دعائية لمنتديات اخرى ++++++++

[الرومانى سيحه]

اعتقد اذا صنع دستورا مدنيا ليبراليا لآصبحت المادة الثانية بلا قيمة . لآنها تسقط عندئذ من تلقاء نفسها ولا معنى لوجودها . ومع ذلك ادفع عمرى مقابل سقوطها. رجاء محبة اسألكم المساعدة لآن رابط الآستفتاء لا يعمل. ولكننى اثق كل الثقة ان الله ماذال يعمل. امين

[الرومانى سيحه]

تم التوقيع ولكن على الدستور وتغييره وليس على المادة الثانية بالآخص

[mohammed abdelmeni]

عن الموضوع الخاص بمسألة المادة الثانية من الدستور :

سلام الله علينا جميعا
أحب أن أؤكد ‎- قبل البداية في الحديث ‎- أن مسألة الإسلام دين فقط أم دين و دولة ، هي مسألة اختلف فيها بعض علماء المسلمين ، البعض يقول دين فقط ، و البعض يقول دين و دولة.
بس فيه قصة مهمة جدا حصلت مع الدكتور مصطفى محمود ‎- الله يرحمه و أحب أقول القصة دي هنا لأنها في صميم موضوعنا ، و الحكاية إن بعض الناس قالوله [ ليه مش بتقول صراحة إن الإسلام هو الحل رغم إن كتاباتك كلها مع الإسلام ]
و كان رده : أي إسلام تقصدون ؟ إسلام الخميني ولا إسلام طالبان ولا ....ولا .... ولا.......
أعتقد إن رده هنا معناه إنه مش ضد الفكرة بشكل عام ، لكن ‎- على سبيل الفرض‎- يوم ما أحب أقول إن الإسلام هو الحل ، يبقى لازم يكون عندي رؤية واضحة لشكل الإسلام اللي أنا شايف إنه هو الحل
للأسف الشديد ، إحنا كمسلمين عندنا إختلاف في وجهات النظر في أمور كتيرة في الحياة الاجتماعية [ الكلام ده على مستوى الناس العاديين مش على مستوى العلماء ، و على فكرة برضو عايز أقول إن في ناس كتير شكلهم علماء و هما ولا حاجة ] المهم ، عايز أقول إن الخلاف ده بيكون في مواضيع جوهرية جدا ، زي مثلا العلاقة مع الآخر من غير المسلمين ، في ناس مثلا شايفة إن العلاقة مع الآخر لازم تكون سلمية من غير أي شكل من أشكال العدوان طالما إن الآخر مسالم هو كمان معايا ، و ده الصح طبعا ، و لكن للأسف في ناس آخرين بيحبوا الالتزام بأحكام معينه عن العدوان على الآخر ، و دي كلها أحكام كان ليها ظروف معينة ، و نزلت آيات تانية تلغيها علشان الظرف بتاع نزول آيات العنف إنتهى [ أنا عارف طبعا إن الأخوة المسيحيين بيقولوا إن محمد عمل آيات لأوقات الضعف و آيات تانية لأوقات القوة ] بس طبعا الحكاية مش كدة خالص ، و عموما ده مش موضوعنا دلوقتي ، الخلاصة إن الناس ديه مخها وقف عند الآيات اللي بتوافق رغباتهم الدموية و ماشافووش إن برضو في آيات تانية بتنادي بالسلام و مش بيحاولو يشغلوا دماغهم دقيقة واحدة.
الحاجة التانية اللي مهمة جدا هي مسألة المرأة في الإسلام ، هتفضل في البيت ولا هتروح الشغل ، هاتلبس نقاب ولا لا ولا ......ولا ..... طبعا كلها أمور رجعية أنا مش موافق عليها ، و أي مسلم فاهم الإسلام صح مش ممكن يوافق عليها .
ده غير حاجات تانية كتير ، اللي أنا عايز أقوله إن إحنا لازم كمسلمين نوصل لحل في الأمور الاجتماعية دي قبل ما نقول إن الإسلام هو الحل ، و أنا متأكد إن الإسلام في المستقبل القريب هيلاقي علماء مخلصين يقوموا بتنقية الإسلام من كافة العوالق التاريخية المزيفة اللي دخلت الإسلام ، علشان الإسلام دخل النفق المظلم أيام عثمان ابن عفان وللأسف ، لسة الإسلام محبوس في نفس الخندق من أكتر من ألف سنة ، علشان كل محاولات الإصلاح تم خنقها بواسطة النظم الحاكمة اللي بطبعها بتخاف من أي محاولة لزعزعة الاستقرار .
وأخيرا ، لو فرضنا إن محاولات الإصلاح في الفكر الإسلامي تمت بنجاح ، و تم اعتماد الإسلام كمصدر من مصادر التشريع ، يبقى لازم برضو يتم اعتماد الدين المسيحي مع الإسلام علشان ‎- ببساطة ‎- المسيحيين في مصر عددهم لا يقل بأي حال من الأحوال عن عشرة مليون ، و مستحيل تقدر تنكر وجود عشرة مليون بني آدم بجرة قلم.
و أخيرا برضو ، رجاء من الأخوة المسلمين اللي ممكن يقروا الرسالة دي ، بلاش يسيئوا الظن بيا ، لازم نعرف كلنا إن إعطاء الحق لأصحابه بيرفع راس الإسلام و المسلمين ، مش العكس ، و بلاش نستهين بحقوق الناس و في الآخر نستغرب و نقول ‎[ يا ترى المسيحيين غضبانين ليه ].
و السلام ختام .

[Zagal]

المشاركة الأصلية بواسطة mohammed abdelmeni

عن الموضوع الخاص بمسألة المادة الثانية من الدستور :

سلام الله علينا جميعا
أحب أن أؤكد ‎- قبل البداية في الحديث ‎- أن مسألة الإسلام دين فقط أم دين و دولة ، هي مسألة اختلف فيها بعض علماء المسلمين ، البعض يقول دين فقط ، و البعض يقول دين و دولة.
بس فيه قصة مهمة جدا حصلت مع الدكتور مصطفى محمود ‎- الله يرحمه و أحب أقول القصة دي هنا لأنها في صميم موضوعنا ، و الحكاية إن بعض الناس قالوله [ ليه مش بتقول صراحة إن الإسلام هو الحل رغم إن كتاباتك كلها مع الإسلام ]
و كان رده : أي إسلام تقصدون ؟ إسلام الخميني ولا إسلام طالبان ولا ....ولا .... ولا.......


و أخيرا برضو ، رجاء من الأخوة المسلمين اللي ممكن يقروا الرسالة دي ، بلاش يسيئوا الظن بيا ، لازم نعرف كلنا إن إعطاء الحق لأصحابه بيرفع راس الإسلام و المسلمين ، مش العكس ، و بلاش نستهين بحقوق الناس و في الآخر نستغرب و نقول ‎[ يا ترى المسيحيين غضبانين ليه ].
و السلام ختام .

ممتاز ياmohammed

ايضا المعروف ان التشريع الاسلامى هو تشريع وضعى اختلف فيه المذاهب الاربعه ... وللاسف اختلافاتهم لها مرجع واحد وهو القران والاحاديث

لما تتفقوا اى اسلام هو الحل نقدر نشوف هل ينفع يتحط فى الدستور ولا لاء.

وبعدين الشيخ احمد الطيب يبقى يطلع ويقول لامساس بالماده الثانيه