استفتاء لطرد غلباوى من المنتدى

[kittyy]

على فكرة ياجماعة..

طرد غلبـــاوى مش هيحل أى مشكلة.. أنا شايفه أن لو فعلا غلبـــاوى موجود هنا لمهمة مــــا وطردناه وفضلنا نطرد فيه حتى لو سجل بأسماء جديدة . ممكن بكل سهولة وحلا للمشكلة دى من اللى بعتوه فى المهمة دى أنهم يخلوه يسجل من على IP Address جديد عشـــان مانقدرش نعمله Trace ومانعرفش أنه هوا.. دا لو فعلا الموضوع موضوع مهمة معينه هوا جاى ليها يبقى مش هيمشى لو عملنا أيه ..

أو حــــاجة تـــانية أسهل من كدا كمان.. يدخلوا حد تانى غيره سهلة جدا.. والحد دا ما يتكلمش كتير مع النـــاس ولا يشارك كتير عشان ما يتحطش فى الدمـــاغ ويعمل برضه نفس المهمة ولكن بحرص جدا عشان ما يحصلش معاه زى غلبـــاوى..

أنا شايفة أن طردة دا غلط وأنا عن نفسى مش موافقة عليه .. وخلوا بالكوا اللى جاى فى مهمة فعلا هيعملها من غير ما يعمل أعلانات عن نفسه انه ظابط ولا أنه رتبة ولا نيله..

أنا مازلت شايفه أن غلاباوى فعلا أخره يكون بيتمنظر برتبته هنا... لكن هوا مش جــــاى فى مهمة زى ما ناس كتير فاكرة ولا بتاع.. لأنه لو كان كدا ماكانش هيعمل Show حوالين نفسه بالطريقة دى لحد ما الناس يفتكروه جاسوس. الناس دى بتتصرف بحرص أوى مش هبل كدا عشان يكشفوا نفسهم..

وعلى فكرة بردو . أنا ملاحظة أن فيه نـــاس كتير جدا بتسجل فى المنتدى ومالهاش أى نشاط ولا مشاركات ولااااا باينة فى الصورة خــــالص.. ممكن حد يقولى دول هنــــــا ليه وبيعملوا أيه وبيسجلوا ومختفيين كدا ليه ؟ لو مسلمين أزاى ساكتين على بهدلة النبى بتاعهم.. ولو مسيحيين ما بيشاركوش ليه ؟؟