بسبب مرض الرئيس مبارك لم يستطع السفر الى

[pharon d'egypte]

مع احترامى لكل اراء الناس اللى عايزة مبارك يموت وبتتمنى موته امبارح قبل النهاردة

انا فاهم ان فى اخطاء كتيييييير حصلت فى عهده

بس ايه رايكم لو تخيلنا انه فعلا مات ممكن نتخيل النتيجة مع بعض؟

مين القوى السياسية اللى موجودة على الساحة فى مصر دلواقتى؟

هو فى ايه؟ انا رغم ان ضد اللى بيحصل ده كله لكن فى رايى ان ده افضل من اللى جاى

الايام اللى جاية على مصر بعد مبارك هاتكون ايام سودة وانتم عارفين كدة

انتو متوقعين من اللى بعد مبارك؟ ملاك من السما؟ لا طبعا ده هايكون الاخوان

او على احسن الفروض الحزب الوطنى (ده لو احنا محظوظين)

وبعدين ايه وحش فى عهد مبارك؟

عدم بناء الكنائس؟ يعنى قبل كدة كنا بنبنى كنيسة كل يوم؟ من زمان واحنا فى نفس المشكلة سواء مع مبارك او مع غيره

عملية اسلمة المسيحيين؟ ما دى كمان موجودة ومن زمان وكانت اكتر من عهد مبارك بس فى عهد مبارك كانت واضحة عشان التطور الاعلامى مش اكتر واسالو الناس الكبيرة وهما هايقولو ان المشكلة دى موجودة من زمان

اما على المستوى السياسى فانا شايف ان مبارك افضل رئيس من الناحية السياسية
فى عهده مصر لم تخوض اى حرب وكلكم عارفين ان لو اى حد مكانه كان عمل تلت اربع حروب

باختصار انتم عايزين ايه من مبارك؟

بتكرهوه من اى زواية؟ ولاى سبب؟

واللى هايجى بعده مستنيين منه ايه؟ وتفتكروا اى واحد بعده هاينفذ اللى انوا عايزينه؟