ادخل الى السميولاتور

[The_Lonley_Wolf]

داخليا :

وسائل الأعلام المصرية و بعد أن فضحت القنوات الفضائية الموقف ستضطر الى اعلان نبأ الوفاة مع أذاعة أغنية "أول ضربة جوية فتحت باب الحرية" بتاعة على الحجار باين

و سيتم استنفار الجهات العسكرية و الامنية بصورة سرية

سيجتمع كبار المسئولين فى الدولة و يختاروا رئيس مجلس الشعب كرئيس مؤقت

الجماهير المصرية هاتعمل جنازة مهيبة زى بتاعة عبد الناصر و يمكن أشد لان الشعب المصرى خلاص اتبرمج على حركات النفاق دى اوتوماتك بقى يعملها من غير ماحد يطلبها منه


خارجيا :

بوش و الادارة الاميركية كلها هاتبقى فى ورطة و هايفكروا "ياترى نعمل انتخابات و يوصل الاخوان للحكم زى ماحصل فى غزة و الضفة الغربية و مايبقاش لينا حلفاء فى المنطقة؟؟ ولا نخون مبادئنا و قيمنا و نديها لجمال بانتخابات مضروبة بس نضمن مصر فى جيبنا؟ ولا نشوف حل وسط و نديها لواحد زى أيمن نور بانتخابات مضروبة بس برضو كده نبقى خوننا مبادئنا؟"
طبعا ده غير الاحساس الفظيع بالخسارة ان راجل من وزن حسنى رغم عيوبه كان مظبطلهم حاجات كتير فى المنطقة راح و مات

الاتحاد الاوروبى هايطالب بأنتخابات نزيهة لأختيار رئيس جديد و قد يكون العقبة فى وجه أميركا لتطبيق وجهة نظرها فى مصر

الدول العربية غالبا هاتبقى فى الطراوة و لو حاولت تعمل حاجة أو توصل تيار معين للحكم مش هاتعرف بسبب الأتحاد الأوروبى و أميركا