لا أدعو لقطع الجسور بيننا وبين الدولة

[elmafdy]

اخوتى الاحباء سامى و اشرف و K K و مكه كولا . . .

اولا كل سنه و انتم جميعا طيبين و بخير , و ربنا يبارككم و يحفظكم جميعا

ثانيا أنا معجب جدا بالموضوع المثار حاليا , و الحقيقه ان ما حدش فيكم غلطان , كل واحد شاف جزء من الحقيقه , و كل واحد برضه أغفل بعض النقط , و الحقيقه ان وجود مبارك ليه مميزاته و عيوبه , و ابتعاده برضه ليه مميزاته و خطورته , خصوصا ان فيه سؤال تانى مهم . . .

لو مبارك رحل مين اللى ها يحل محله ؟؟؟ هل ها يكون احسن و لا اسوأ ؟؟ هل ها يكون حد علمانى , و لا حد من الاخوان ؟؟

الملاحظه الوحيده الهامه جدا اللى انا عاوز اضيفها ان الوضع فى مصر حاليا مخيف جدا جدا جدا , مبارك و حكومته اللى طول حاجه و عشرين سنه حاكمين قبضتهم على البلد بمنتهى القوه انهاروا و بقوا فى مهب الريح قدام التيار الاسلامى المتمثل فى الاخوان , لازم نعترف جميعا ان الميول الاصوليه الاسلاميه بقت مغروسه بقوه جوه كل المسلمين فى مصر , انا شفت بعينيا كل المسلمين اللى حواليا و اللى ما لهمش فى السياسه خالص ازاى كانوا بيتخلوا عن سلبيتهم و بيروحوا الانتخابات النيابيه الاخيره و يسيبوا شغلهم و يخسروا فلوس و يتزاحموا و يتبهدلوا علشان ينجحوا مرشح الاخوان و يتكبدوا فى سبيل ذلك كل ثمين و غالى , و لولا ان حكومة مبارك و الشرطه مارسوا كل انواع العرقله و الارهاب كان الاخوان حصدوا كل المجلس و لأول مره تظهر اصوات اعتراض عنيفه على مبارك و يتجمع الشعب بنسب كبيره ضده , واضح زى ما قال اخى مكه فى فقرته دى

فى ظل ثقافة الشعب المتأسلم لمدة أكثر من ثلاثون عاما - أى لدينا الأن جيل من الشباب لم ينشأ ولم يعرف سوى ثقافة الأسلمه - من سيختار الشعب رئيسا فى حال الإطاحة بمبارك أو عائلته
بكل تأكيد ستخرج نتيجة الإنتخابات 99.99% لصالح (الإسلام هو الحل)

علشان كده انا شايف ان فيه مشكله كبيره , و هى ان بقاء مبارك او رحيله ممكن يكون غصب عننا , بمعنى تانى ممكن حتى لو اقتنعنا ان بقاء مبارك هو الانسب لينا يرحل غصب عننا بحكم ضعفه اللى بيزيد يوم بعد يوم قدام سطوة الاسلام اللى لغى و مسح عقول الجميع .

و الحقيقه ان الوضع ده اوحى لى بحل وحيد بس لازم نتحلى بأكبر قدر من الحنكه السياسيه علشان نحققه , وهو أننا نعلن اننا كفئه من الشعب مؤيدين بقوه لبقاء مبارك , او حتى تولى جمال - أنا شخصيا اتمناه - فى مقابل اخذ حقوقنا بجد و فى مقابل اصلاح حال الاقباط اصلاحا فعليا بقوانين و اليات لتنفيذها , لأننا غالبا ها نكون عن قريب القشه الوحيده اللى محتاج يتعلق بيها قدام انخفاض شعبيته و روح الرفض الاسلامى العام ضده .

المفدى

[sammy]

ك. ك. حبيبى... سلامات
أنا فاكر إنى قريت تعليق كهذا لكن من غير القصيدة العصماء!!!
وبعدين أهو واحد تانى بيأيدنى أهو:
"لا أريد أن أعدد خطوات الدولة المصرية نحو القضاء على شكوى الأقباط من تآكل حقوقهم كمواطنين، أو على الأقل تخفيف حدة المشكلة. ولكننا نرصد فى ذلك الإتجاه خطوات عدة، ليس من بينها تعيين محافظ قبطى أو وضع ملف ترميم الكنائس فى يد المحافظين أو شىء من تلك الخطوات المحدودة معدومة القيمة والتى لربما تمنح اليوم وتحجب غدا. وإنما نرصد خطوات حقيقية تنبىء عن توجه الدولة لحلول فعلا جذرية تتجه نحو تفعيل حقوق الأقباط فى وطنهم مصر. أول تلك الخطوات هى تحييد الإعلام قدر الإمكان ويمكن رصد توقف الإعلام عن سب عقيدة الأقباط وهو السلوك الذى كان يصعب أن ترى عددا من صحيفة أو برنامج تلفزيونى يخلو منه. بل وأكثر من ذلك أفسح المجال لأقباط الداخل والخارج أيضا للصراخ بشكواهم، ومع إحترامى للأستاذ الإبراشى وغيره من الإعلاميين ممن أفسحوا للأقباط المجال فى ذلك، لا أظن أحدا منهم كان يستطيع أن يفعل ذلك ضد إرادة الحكومة المصرية. أيضا لا أظن إطلاقا أن الأستاذ كمال أبو المجد قد حضر لسويسرا وقابل كبير أقباط المهجر بمبادرة شخصية منه من دون توجيه سياسى"


http://www.elaph.com/ElaphWeb/AsdaEl...6/4/143050.htm

[rizk nabil]

الاخوة الاحباء
الاخ سامى كان قد كتب فى مكان اخر عن امكانية تكوين ما يشبه بالجمعيات المسيحية فى جميع البلدان التى يوجد بها اقليات قبطية وتقوم هذه الجمعيات على خدمة ومساعدة الجالية القبطية المغتربة من ايجاد سكن وعمل ودراسة ....
كما وتقوم هذه الجمعيات على المبادرة بتنظيم المسيرات السلمية للاحتجاج على الوضع القائم فى مصر كلما احتاج الامر الى ذلك دون الرجوع الى الكنيسة .
كما ويتم التنسيق بين هذه الجمعيات دوليا فى جميع شئون الاقباط وتعالو نتخيل معا قيام مظاهرات فى اكثر من ثلاثين دولة فى نفس اليوم تصب جميعها عند السفارات المصرية
منددة بارهاب الدولة المصرية على الاقباط مع اعادة هذه المظاهرات فى كل حالة اختطاف او قتل او حرق كنائس او منازل او محلات .......
اعتقد انها ستكون اكبر ورقة ضغط على الحكومة المصرية دون الانتظار ان تستدعى المصالح الامريكية الضغط على الحكومة المصرية وياسفنى اننى عندما طالبت ان يتم ذلك قبل ان نقوم بالمظاهرة فى اليونان فوجئت بالرد الجماعى انت تحلم ولكنهم حين شاهدوا ان اكثر من 2000 قبطى شاركوا فى المظاهرة عادوا وطلبوا ان نسرع فى انشاء هذه الجمعيات لكى لا تضيع اصواتنا هباءا ولذلك ارجو ان نبدء من خلال المنتدى فى تدعيم هذه الفكرة .

[sammy]

عزيزى الأستاذ نبيل
فيه مشكلة صغيرة لكن قاتلة لأى جهد قبطى.
المشكلة إن كل ثلاثة أنفار عملوا لهم جمعية...
آدى المشكلة.
ولما تقول لهم إتجمعوا يقول لك ماينضم التانيين معانا...
أصل إحنا اللى على الحق...!!!
ده غير محاربة لجان كنائس المهجر حتى لإعلان عن مثل ذلك...
أعضاء اللجنة عادة مش عاوزين دوشة عاوزين يلهفوا فى هدوء...
شىء مخجل.

[sammy]

ربنا يبارك فيك ياجريجورى ياعزيزى...
فعلا موضوع مهم ولم يأخذ حقه فى المناقشة.
شكرا لك.

[Gregory]

You are Welcome Anytime Brother Sammy