هل توافق البابا فى حرمان من يزورون القدس من سر التناول؟؟

[nabilms]

المشاركة الأصلية بواسطة The_Lonley_Wolf

ده كان قرار عشوائى بحت
عاوز تتخيل أنى اختارتك لهدف ما فى نفسى أذن أعتقد ان البارانويا حق مكفول للجميع
ثم انت صوتت يعنى فاهم وواعى و عارف انت صوتت ليه
و لو أنت اقلهم علما و مستوى صوتت ليه طيب؟؟

الاخ العزيز The_Lonley_Wolf

بالراحة يا حبيبى ماتبقاش متسرع وهجومى فى ردودك وبصراحة الاخ مكة كولا ### ما لاحظته من رده عليك بخصوص هذا الموضوع و أوافقه عليه خصوصا الفقرة التانية التى كتب يقول فيها.

المشاركة الأصلية بواسطة makakola

فى قرار قداسة البابا تصحيح لكثير من العقول التى خربت بفعل تأثير الإعلام الإسلامى والتواجد مع المسلمين والتعايش معهم، والظن بأن زيارة القدس هى واجب وأمر دينى تيمنا بالحج، بل وإطلاق البعض على أنفسهم لقب (مقدس فلان) كما يطلق المسلمون على أنفسهم لقب (الحج فلان)
وقرار قداسته موجه لهذه الفئة، فكما سبق ووضحت لك، لو كنت فى زيارة عمل لإسرائيل، وأثناء تواجدك هناك بسبب العمل قمت بزيارة للأماكن المقدسة هناك، لن يمسك قرار قداسة البابا
ولكن قراره موجه لمن يظن أن بيع أرضه وترك أبنائه، وتوجيه أسرته لخطر كرهها من جيرانها ظنا منه بأنه يؤدى واجبا مسيحيا

وعلى فكرة انا صوتت بالموافقة على قرار قداسة البابا حتى من قبل قراءة الموضوع لأننى مقتنع تماما بقرار قداسة البابا لأن أى قرار بيقرره بيبقى قرار سمائى بعد صوم وصلاة طويلة من أجل أتخاذ قرار يفيدنا ولا يضرنا

وكلنا يعلم أيضا انه لو لم يتخذ هذا القرار من البداية كنت سترى كثير من الشباب الذى بلا عمل او دخله قليل سيتجه الى اسرائيل بحجة زيارة القدس ومن بعدها لن ترى وجهه ثانيا سيفعل اى شىء للأقامة والعمل هناك وانت تعلم ان كلمة أى شىء هذه تحتوى على معانى كثيرة هذا بخلاف ان من بالداخل من المسلمين سيتهموننا بالعمالة والجاسوسية لصالح اسرائيل فأيهما أهون وأسهل على قلب قداسته فى الآختيار أن يتهمون شعبه المسيحيى بالخيانة أم تتهمه أنت بالنفاق لصالح النظام؟

أظن ان قداسة البابا أختار من البداية ولم يرد حتى الان للدفاع عن نفسه أو عن هذا القرار السمائى من زمان

وفى النهاية احب أشكرك على فتح هذا الموضوع (وإن كنت ألومك أيضا لآتهام البابا زورا بالنفاق للنظام) لآشكر قداسة البابا من خلال موضوعك هذا على أتخاذه هذا القرار الصعب من البداية ربنا يديم خدمته ويحفظ صحته لخدمة شعبه بحكمة وقوة داخلية من رب المجد يسوع المسيح .
وسلام محبة


ــــــــــــــــــــــــــــــــ
أعتذر لحذف بعض العبارات

[The_Lonley_Wolf]

انا عاوز اوضح حاجة انى فى كل رد بكتبه خصوصا بما يخص القضايا السخنة ببقى منفعل لأن ده طبعى لكن مش بشتم أو بقل ادبى و اللى يلاقينى بشتم يجيب الشتيمة و يخزق بيها عينى

بالراحة يا حبيبى ماتبقاش متسرع وهجومى فى ردودك

مش متسرع و لا هجومى كنت بس مستغرب من رده

وعلى فكرة انا صوتت بالموافقة على قرار قداسة البابا حتى من قبل قراءة الموضوع لأننى مقتنع تماما بقرار قداسة البابا لأن أى قرار بيقرره بيبقى قرار سمائى بعد صوم وصلاة طويلة من أجل أتخاذ قرار يفيدنا ولا يضرنا

أه مش عن أقتناع مباشر يعنى انما بما ان البابا مقتنع فأنت بالتبعية مقتنع ... نظرية حلوة برضو

وكلنا يعلم أيضا انه لو لم يتخذ هذا القرار من البداية كنت سترى كثير من الشباب الذى بلا عمل او دخله قليل سيتجه الى اسرائيل بحجة زيارة القدس ومن بعدها لن ترى وجهه ثانيا سيفعل اى شىء للأقامة والعمل هناك وانت تعلم ان كلمة أى شىء هذه تحتوى على معانى كثيرة

بقى بالذمة ياراجل البابا شنودة حرم الناس من التناول عشان يشوف وش الشباب و مايروحوش اسرائيل؟؟ بقى ده كلام يقنع واحد عنده تخلف عقلى؟؟؟
ثم بالاولى بقى يطلع قرار بالمرة يحرم اللى بيروحوا اوروبا و أميركا لان كل دى اماكن بمقاييسك و مقاييس جلالته مليئة فسق و فجور

هذا بخلاف ان من بالداخل من المسلمين سيتهموننا بالعمالة والجاسوسية لصالح اسرائيل

يعنى الموضوع خوف من المسلمين بقى ماتقول كده من الصبح
ماهو ده اللى خايف منه البابا برضو

أظن ان قداسة البابا أختار من البداية ولم يرد حتى الان للدفاع عن نفسه أو عن هذا القرار السمائى من زمان

طبعا هايدافع يقول ايه؟؟ ماهو المشكلة ان مفيش دفاع أصلا .... بس حلوة القرار السمائى دى :
ياولاد انا بابا يسوع بقولكم ماتروحوش القدس عشان المسلمين يفضلوا راضيين عنكم و مايقولوش عليكم خونة
و كمان عشان الشباب مايخشش اسرائيل اللى هى مكان وحش أوى كله خمرة و سجاير و ستات قليلة ادب
خليكم فى مصر ياولادى اللى هى عبارة عن دير كبير كله تقوى وورع

وفى النهاية احب أشكرك على فتح هذا الموضوع (وإن كنت ألومك أيضا لآتهام البابا زورا بالنفاق للنظام)

العفو و ماتخافش ياسيدى ربنا هايعرف شغله معايا لو انا غلطان مش انت مقتنع بكده ولا دى كمان مقتنع بيها عشان البابا مقتنع بيها برضو؟؟

من مجمل الردود كده بتاعة الناس اللى وافقت على فكرة البابا واضح انهم صوتوا من باب "مادام البابا قال نشرب السم يبقى نبلبعه" و مش مهم هو صح ولا غلط
أى عملا بمبدأ "الخليفة دائما على حق" الأسلامى اللى بسببه تلاقى المسلمين دايما متخلفين و ياخدوا الحاجة على انها امر واجب النفاذ بلا جدال و لا نقاش والا وقعوا فى المحظور ووصموا بالكفر و الالحاد

[makakola]

المشاركة الأصلية بواسطة The_Lonley_Wolf

انا عاوز اوضح حاجة انى فى كل رد بكتبه خصوصا بما يخص القضايا السخنة ببقى منفعل لأن ده طبعى لكن مش بشتم أو بقل ادبى و اللى يلاقينى بشتم يجيب الشتيمة و يخزق بيها عينى

المشاركة الأصلية بواسطة The_Lonley_Wolf

بقى بالذمة ياراجل البابا شنودة حرم الناس من التناول عشان يشوف وش الشباب و مايروحوش اسرائيل؟؟ بقى ده كلام يقنع واحد عنده تخلف عقلى؟؟؟

أنا إنسان إقتنع بهذا الكلام، لماذا تصفنى الأن بأننى أقل من المتخلفين عقليا؟

المشاركة الأصلية بواسطة The_Lonley_Wolf

خليك صريح و هات من الاخر و قوول أنه بينافق النظام
بس تفتكر ان صح انه يبقى منافق حتى لو بينافق النظام؟؟

هل هذه شتيمة أم لا؟
لو كانت وصفا فهل تسمح لأعضاء المنتدى بوصفك أم لا؟

المشاركة الأصلية بواسطة The_Lonley_Wolf

ياولاد انا بابا يسوع بقولكم ماتروحوش القدس عشان المسلمين يفضلوا راضيين عنكم و مايقولوش عليكم خونة

هل يجرؤ أحد أن يقول عن نفسه السيد المسيح له كل المجد لتتعامل مع المسيح بهذه الطريقة؟

[كشكش بيه]

عموما انا ضد فكر البابا الشخصى فى انه لن يدخل القدس الا ويده فى يد المسلم فكل واحد حر.
يعنى كان الاخ المسلم اخد حد منا وهو رايح الحج؟ دول حتى بيمنعوا دخول حد قبطى هناك، عموما اذا ده كان رآى قداسة البابا فهو رآى له وحده وهو غير ملزم لأحد وطالما ان بيت المقدس مفتوح للاقباط فهذا خير لهم.
اما عن الاعتذار العلنى فى الجريدة كشرط للصفح فهذا ضد مبدأ العقل واذا كنا نلوم على الغير عدم استخدامهم لعقولهم فلا يجب ان نكون نحن ضمن هذه الفئة لان ماجدوى الاعتذار فى جريدة، وعموما انا انشاء الله سوف اذهب للقدس فى 2007 القادم انشاء الله

[El-Basha]

وكلنا يعلم أيضا انه لو لم يتخذ هذا القرار من البداية كنت سترى كثير من الشباب الذى بلا عمل او دخله قليل سيتجه الى اسرائيل بحجة زيارة القدس ومن بعدها لن ترى وجهه

Dear nabilms

This is a new one....I never heard this reason before.

If we have too many unemployed poor youth, we will need to solve this problem not stopping them from finding any hope for a good life.

من بالداخل من المسلمين سيتهموننا بالعمالة والجاسوسية لصالح اسرائيل

I do not think our youth are good enough to work as spays for Israel, for a simple reason they have too many people working for them within the Egyptian Government

Do you think God will be happy to see many COPTS staying in Egypt with no Jobs, future or food than going to find work in other countries like USA, Israel, Golf or even in Saudi?

I hope you can see my point.....
God Bless you

[The_Lonley_Wolf]

وعم

وما انا انشاء الله سوف اذهب للقدس فى 2007 القادم انشاء الله

ياااااااااه بالسهولة دى انت مضحى بالتناول؟؟