هل توافق البابا فى حرمان من يزورون القدس من سر التناول؟؟

[nabilms]

المشاركة الأصلية بواسطة The_Lonley_Wolf

أه مش عن أقتناع مباشر يعنى انما بما ان البابا مقتنع فأنت بالتبعية مقتنع ... نظرية حلوة برضو

الاخ العزيز لونلى
مين قاللك انه مش عن أقتناع والا انت بتنجم؟ انا مقتنع تماما بموقف قداسة البابا بدليل كتابتى لك عن بعض اسباب اقتناعى ودى من وجهة نظرى انا وايضا اقتناعى وايمانى ان اختيار البابا ده أختيار سمائى بحت وممكن تقرا عن تاريخ البطاركة

المشاركة الأصلية بواسطة The_Lonley_Wolf

بقى بالذمة ياراجل البابا شنودة حرم الناس من التناول عشان يشوف وش الشباب و مايروحوش اسرائيل؟؟ بقى ده كلام يقنع واحد عنده تخلف عقلى؟؟؟
ثم بالاولى بقى يطلع قرار بالمرة يحرم اللى بيروحوا اوروبا و أميركا لان كل دى اماكن بمقاييسك و مقاييس جلالته مليئة فسق و فجور

مش مسألة يشوف وش الشباب ويتناولوا ياما كتير فى مصر لا بتروح الكنيسة ولا بتتناول بالسنين
الكل يعلم ان اسرائيل لها وضع خاص امنيا يختلف عن اوروبا وامريكا وانا لا أتكلم عن الفسق والفجور لانهم موجودين فى كل مكان حتى فى مصر ولم اقل ايضا ان اسرائيل مليئة بالفسق والفجور فكل مكان بالعالم فيه الصالح والطالح وانت عليك الاختيار وهذا ايضا على ما أظن فكر قداسة البابا والا فعلا كان حرم كل من يغادر مصر الى اى دولة اخرى فى العالم وهذا لم يحدث

المشاركة الأصلية بواسطة The_Lonley_Wolf

يعنى الموضوع خوف من المسلمين بقى ماتقول كده من الصبح
ماهو ده اللى خايف منه البابا برضو

صدقنى مش خوف من المسلمين لكنه خوف على أولاده وأولاد الكنيسة انا أعرف اتنين مسيحيين واحد سافر لمدة ستة أشهر لإسرائيل واشتغل هناك لكن بعد ما رجع ماأترحمش من أمن الدولة وأتصادر باسبوره واتمنع من السفر مدة وكان لازم يعدى عليهم كل فترة معينة ويقدم لهم تقرير عن حياته وعمله اليومى ونبهوا عليه بعدم الذهاب بالقرب من سفارتى اسرائيل او امريكا
والتانى كان يعمل بشرم الشيخ وتعرف على اسرائيلية وجابت له فيزا زيارة لأسرائيل ولم يستعمله وذلك لمصادرة باسبوره أيضا من أمن الدولة وبعد رجوع الباسبور وجده مختوم بألغائه ولا يحق له عمل باسبور جديد الا بعد مرور عام أى بعد أنتهاء الفيزا الأسرائيلية مع كتابة اقرار انه لن يسافر الى إسرائيل
وبعد كده تقوللى خوف من المسلمين لا ده خوف علينا من البهدلة صدقنى

المشاركة الأصلية بواسطة The_Lonley_Wolf

طبعا هايدافع يقول ايه؟؟ ماهو المشكلة ان مفيش دفاع أصلا .... بس حلوة القرار السمائى دى :
ياولاد انا بابا يسوع بقولكم ماتروحوش القدس عشان المسلمين يفضلوا راضيين عنكم و مايقولوش عليكم خونة
و كمان عشان الشباب مايخشش اسرائيل اللى هى مكان وحش أوى كله خمرة و سجاير و ستات قليلة ادب
خليكم فى مصر ياولادى اللى هى عبارة عن دير كبير كله تقوى وورع

المسالة مش محتاجة دفاع منه هى محتاجة بس شوية ايمان باختيار السماء وليس التريقة
انا كتبت فوق وقلت ان كل العالم ملىء بالصالح والطالح ونحن علينا الاختيار وطبعا كلامك السابق لم يكن يقصده قداسة البابا

المشاركة الأصلية بواسطة The_Lonley_Wolf

العفو و ماتخافش ياسيدى ربنا هايعرف شغله معايا لو انا غلطان مش انت مقتنع بكده ولا دى كمان مقتنع بيها عشان البابا مقتنع بيها برضو؟؟

من مجمل الردود كده بتاعة الناس اللى وافقت على فكرة البابا واضح انهم صوتوا من باب "مادام البابا قال نشرب السم يبقى نبلبعه" و مش مهم هو صح ولا غلط
أى عملا بمبدأ "الخليفة دائما على حق" الأسلامى اللى بسببه تلاقى المسلمين دايما متخلفين و ياخدوا الحاجة على انها امر واجب النفاذ بلا جدال و لا نقاش والا وقعوا فى المحظور ووصموا بالكفر و الالحاد

صدقنى عن أقتناع وإيمان مع بعض
ومين قاللك انه مفيش نقاش أو جدال امال احنا بنعمل ايه دلوقتى



.