هل توافق البابا فى حرمان من يزورون القدس من سر التناول؟؟

[The_Lonley_Wolf]

و أيه يعنى لما يشلحهم ؟ ؟ ؟
يعنى جايب لى قسيس بيخالف البابا و جميع الأساقفة و الرئاسة الكهنوتية كلها ...
واحد بكل الجرأة دى عشان يخالف كل دول ... و بعدين خايف لحسن يتشلح ؟ ؟ ؟
ازاى دى ؟

ايوة ايه المانع هو مش متفق مع البابا فى المبدأ و شايفه غلطان ميه الميه
لكن عارف ان البابا هايشلحه مش هايتناقش معاه بهدوء فخايف يتشلح و يبقى منظره هو اللى غلطان فى الاخر مش بس غلطان لأ ده هايبقى منظره فى الغالب داعر كمان لان دايما يتفهم فى وسطنا الارثوذكسى "منفتح العقل" أن القس اللى بيتشلح بيبقى لأسباب اخلاقية دايما
ده طبعا غير التشهير اللى هاينوبه هو و عيلته لما حاجة زى دى تحصل يببقى سيادتك مش عاوزه يخاف؟؟؟
ده انت شجاع اوى

أتمنى تكون فهمت أن القسيس اللى مراته جابت " بتيفور " لقريبك ده غلطان و ضميره تعبان

والله كويس فكرتنى البتيفور خلص من عندى اما انزل كمان شوية اروح اجيب شكرا ياجريجورى ياحبيبى

مش قصدى كده خالص
لكن قصدى بأختصار أن التصويت مش معيار لصحة قرار الكنيسة هذا
دى مجرد آراء مش هقلل من شأنها لكن مش هتآثر فى صحة القرار

ماقلتش ليه كده من الاول طيب و لما انت فاهم كده ايه اللى خلاك تقول:

التصويت مش حجة
أنت فى التصويت بتستغل محبة المسيحيين الطبيعية للأماكن المقدسة اللى لمست جسد المسيح

طيب فهمنى العبارة دى معناها ايه بالراحة كده وواحدة واحدة

طب ما هو المسيح موجود على المذبح
و موجود حيث أجتمع أثنان أو ثلاثة باسمه + حيثما اجتمع اثنان أو ثلاثة باسمي فهناك أكون في وسطهم (متى 18 : 20)
مش كده برضه ؟ ؟ ؟
و لا التناول ده مجرد تمثيلية ؟
و لا كلام رب المجد ده محرف أو مش دقيق ...... ؟ ؟ ؟

اللى فهمته من كلامى أن التناول مالوش لازمة و مفيش داعى نتناول لأنه تمثيلية؟؟
يااخى حرام عليك ده عنوان الموضوع بيقول "هل توافق على حرمان البابا لمن يذهب للقدس من التناول"
يعنى انا مش عاجبنى أن عقوبة الحرمان من التناول تبقى العصايا اللى البابا يأدب بيها الناس على ذنب ماحناش متفقين حتى على انه ذنب

ليه يا لونلى مش عايز الطوبى دى ؟ ؟ ؟
خلاص روح القدس و خدلك " طوبة " من أولاد الحجارة و ورينى أسرائيل هتعملك ايه
و ساعتها هتفتكر ان ابوك قالك بلاش دلوقتى عشان " سلامة دماغك "

انا مستعد أخد مليون طوبة فى دماغى من المسلمين لما امشى حسب عقيدتى و مبادئى أحسن ماخد مليون طوبى منهم و من البابا اللى فى صفهم

البابا بس هيبقى حارمك من التناول

ياراجل بس؟؟؟؟؟؟ ده الموضوع طلع بسيط اهو خالص

دى تضايقك أنت فى ايه ؟ ؟ ؟ يهمك أنت ايه البابا فى كده ؟ ؟ ؟

عادى خالص ولا تهمنى الصراحة
ان البابا كبيرنا العاقل الفاهم اللى عنده 90 سنة بياخد قرارات غلط ميه الميه زى دى ماتهمنيش خالص

لكن ياريت تكون فاهم أن مفيش ولا قبطى واحد كان هيسمع كلام البابا لو ضد الكتاب المقدس
فاهم ؟ ؟ ؟

لا ماهو باين ان كل الناس مقتنعة بكلام البابا و بتنفذه

الآنبا بولا أول السوح ظل أكثر من تسعين عام لم يرى وجه انسان
و حينما ظهر له المسيح وقت نياحته قال له ... كفاك تعبا يا حبيبى بولا ...
مقالوش ... ماروحتش القدس ليه يا ولد ؟ ؟ ؟ ...

يابنى انت مصر على انى بقول ان الحج الى القدس فريضة على كل مسيحى مش عارف ايه مصلحتك انك تغير معنى كلامى

انا بقول ان عيب لما البابا اللى هو البابا يستغل كونه بابا فى وضع عقوبة دينية على جريمة سياسية (حسب عرف الحكومة المسلمة المتعصبة الارهابية) تخرج خارج نطاق سلطاته الدينية البحتة
معنى كده انى بطالب بالذهاب الى القدس والا جهنم و بئس المصير ؟؟!!

مادام الموضوع فى المنتدى العام يبقى موضوع عام
لو عايزه للمسيحيين بس ... يبقى تطلب ننقله لمنتدى " الخواطر المسيحية "
و خلى بالك أنا واحد من المشرفين على منتدى " الخواطر المسيحية " ... يعنى ممكن أحذفه هناك

فعلا انت عقلية ارثوذكسية بحتة ياجريجورى
هى المنتديات متقسمة حسب المواضيع اللى هاتتكتب فيها ولا حسب الاعضاء اللى هايردوا عليها
ولا انت من الاخر متضايق انى كتبت موضوع زى ده فى العام و كنت عاوزه فى منتدى ميت عشان مايتشافش من المسلمين؟؟؟
لا ياجريجورى لا احنا اقوى من اننا اذا بلينا نستتر
احنا واثقين من ديننا و من عقيدتنا و مش معنى ان البابا غلط ان المسيحية كلها غلط

[Gregory]

المشاركة الأصلية بواسطة The_Lonley_Wolf

ايوة ايه المانع هو مش متفق مع البابا فى المبدأ و شايفه غلطان ميه الميه
لكن عارف ان البابا هايشلحه مش هايتناقش معاه بهدوء فخايف يتشلح و يبقى منظره هو اللى غلطان فى الاخر مش بس غلطان لأ ده هايبقى منظره فى الغالب داعر كمان لان دايما يتفهم فى وسطنا الارثوذكسى "منفتح العقل" أن القس اللى بيتشلح بيبقى لأسباب اخلاقية دايما
ده طبعا غير التشهير اللى هاينوبه هو و عيلته لما حاجة زى دى تحصل يببقى سيادتك مش عاوزه يخاف؟؟؟
ده انت شجاع اوى

كل ده مش حاجة قصاد واحد شايف أن الكنيسة ماشية غلط
لو كان القسيس ده كويس كان عمل زى أثناسيوس ... العالم كله ضدك يا أثناسيوس و أنا ضد العالم ...
لو كان فعلا شايف أنه بيعمل حاجة صح كان وقف ضد الكنيسة و قال رأيه
مش من تحت لتحت بس

المشاركة الأصلية بواسطة The_Lonley_Wolf

والله كويس فكرتنى البتيفور خلص من عندى اما انزل كمان شوية اروح اجيب شكرا ياجريجورى ياحبيبى

شفت بقى ؟ ؟ ؟
ربنا مش مبارك لك فى البتيفور راح خلص بسرعة

المشاركة الأصلية بواسطة The_Lonley_Wolf

إقتباس:
مش قصدى كده خالص
لكن قصدى بأختصار أن التصويت مش معيار لصحة قرار الكنيسة هذا
دى مجرد آراء مش هقلل من شأنها لكن مش هتآثر فى صحة القرار


ماقلتش ليه كده من الاول طيب و لما انت فاهم كده ايه اللى خلاك تقول:

إقتباس:
التصويت مش حجة
أنت فى التصويت بتستغل محبة المسيحيين الطبيعية للأماكن المقدسة اللى لمست جسد المسيح


طيب فهمنى العبارة دى معناها ايه بالراحة كده وواحدة واحدة

مفيش حرف من كلامى مش مفهوم
مش لاقى حاجة أشرحها ... ياريت توضح سؤالك

المشاركة الأصلية بواسطة The_Lonley_Wolf

فعلا انت عقلية ارثوذكسية بحتة ياجريجورى
هى المنتديات متقسمة حسب المواضيع اللى هاتتكتب فيها ولا حسب الاعضاء اللى هايردوا عليها
ولا انت من الاخر متضايق انى كتبت موضوع زى ده فى العام و كنت عاوزه فى منتدى ميت عشان مايتشافش من المسلمين؟؟؟
لا ياجريجورى لا احنا اقوى من اننا اذا بلينا نستتر
احنا واثقين من ديننا و من عقيدتنا و مش معنى ان البابا غلط ان المسيحية كلها غلط

يا سيدى يعنى معرفش أهزر معاك
و كمان تقسيم المنتدى حسب المواضيع فعلا و بالتالى يكون عليه تقسيم الأعضاء
لأن مش كل المواضيع لكل الأعضاء
فى حاجات للمسيحيين بس فى حاجات سياسة بس فى حاجات للطفل و المرأة بس و كده يعنى
و مش قصدى نخبى حاجة عن المسلمين لأن المسلمين أول ناس ضدك أنت يا لونلى
عموما
بأختصار و من غير أعادة كلام كتير أقول فى نقط محددة
1 قرار الكنيسة هذا قرار كنسى أساسا أتفق مع هدف سياسى
2 هذا القرار لكل أقباط العالم مش مصر بس
3 لا يمكن لكاهن أن يحالل قبطى للذهاب للقدس لأنه بذلك يخالف رئاسته الدينية و كنيستنا كنيسة نظام و ترتيب و ليست فوضى
4 البابا فى قراره هذا يستخدم سلطان الكهنوت الممنوح له من رب المجد
+ الحق أقول لكم كل ما تربطونه على الأرض يكون مربوطا في السماء و كل ما تحلونه على الأرض يكون محلولا في السماء (متى 18 : 18)
علما بأن البابا لم يستخدم سلطانه هذا فى موقف ضد الكتاب المقدس
5 المجمع المقدس المكون من جميع الأساقفة و المطارنة وافق على هذا القرار
6 يقول الكتاب
+ امتنعوا عن كل شبه شر (تسالونيكي الأولى 5 : 22)

[The_Lonley_Wolf]

1 قرار الكنيسة هذا قرار كنسى أساسا أتفق مع هدف سياسى

غلط

2 هذا القرار لكل أقباط العالم مش مصر بس

بديهى انه ياخد اقباط المهجر فى الرجلين عشان مايبانش انه بيمسح جوخ للمسلمين

3 لا يمكن لكاهن أن يحالل قبطى للذهاب للقدس لأنه بذلك يخالف رئاسته الدينية و كنيستنا كنيسة نظام و ترتيب و ليست فوضى

4 البابا فى قراره هذا يستخدم سلطان الكهنوت الممنوح له من رب المجد

صح بس للاسف بيستغلها غلط زى الظابط اللى بيستغل انه مثلا ظابط شرطة عشان يفرض عليهم دين معين مثلا

5 المجمع المقدس المكون من جميع الأساقفة و المطارنة وافق على هذا القرار

امال ازاى تلات ترباعهم مش مقتنعين بيه؟؟؟

امتنعوا عن كل شبه شر (تسالونيكي الأولى 5 : 22)

عشان كده كان مايعملش حركة زى دى و يبقى فى مواجهة شبهة النفاق للمسلمين و مسح الجوخ لهم

[Gregory]

رد على نقطة نقطة

1 يعنى أنا بكدب و لا البابا بيكدب ؟ ؟ ؟

2 كمان بقيت تعرف النوايا ؟ ؟ ؟

3 بتضحك على كلام الأنجيل ؟ ؟ ؟
+ و ليكن كل شيء بلياقة و بحسب ترتيب (كورنثوس الأولى 14 : 40)


4 مفيش دليل

5 مين قال كده ؟ ؟ ؟

6 محصلش

[The_Lonley_Wolf]

1 يعنى أنا بكدب و لا البابا بيكدب ؟ ؟ ؟

البابا بيكدب

2 كمان بقيت تعرف النوايا ؟ ؟ ؟

أيوة

3 بتضحك على كلام الأنجيل ؟ ؟ ؟

لا بضحك على كلامك انت

4 مفيش دليل

نوعية القرار فى حد ذاته دليل و دى المصيبة

5 مين قال كده ؟ ؟ ؟

غالبية القسس اللى سألتهم و اللى سمعت عن رد فعلهم تجاه اللى راحوا هناك و لو عاوز تقول انى كداب لك مطلق الحرية مفيش اى مشاكل

6 محصلش

أيه بالظبط اللى ماحصلش ؟؟؟

[Gregory]

أحب أوضح لك حاجة مهمة يا أستاذ لونلى ...
أنا بدافع عن موقف للبابا لأنى مش شايف أنه غلط
أوعى تفتكر مثلا أنى مجرد تابع لكلام البابا من غير فهم
لأنى عارف أن البابا أنسان و حرب الشيطان عليه أقوى من الحرب اللى عليا أو عليك
و أحتمال طبعا أنه يغلط أحتمال موجود دايما لأنه بشر و ليس أنسان بلا خطية و لو كانت حياته يوما واحدا على الأرض

هل سمعت يا أستاذ لونلى كلام البابا بخصوص هذا القرار فى العظة اللى حطيتها قبل كده ؟ ؟ ؟
و لا أنت رافض لمجرد الرفض لأى شئ من جهة البابا

[para`o]

أهلا يا جماعة انا هتكلم بصدق و صراحة و اللى يزعل يزعل الموضوع بتاع منع الناس اللى هتزور أسرائيل من التناول حرام و هو موقف خاطئ دينيا من قبل البابا فقانون الكنيسة الرسولية تقول ان الحرم الخاطئ لأنسان مظلوم إذا كان متعمدا فيقع الحرمان على الحارم و لما كان البابا يعرف ان حرمانه باطلا دينيا فحرمانه يقع على نفسه هذا من وجهة النظر الدينية
أما من وجهة النظر السياسية فما يقوله البابا فى مثل هذة المناسبات و هو أصبح أسطوانة مشروخة عن وحدتنا الوطنية و يدينا فى أيدى اخوتنا و دير السلطان و الذى انتزعه السفاح صلاح الدين من اللاتين و منحه للقبط فكل هذا يدخل فى نطاق النفاق السياسى و ان كنا صادقين مع انفسنا لا نستطيع تصنيفه بشكل آخر هناك ردود كثيرة على تصريحات البابا من اول دير السلطان إلى فلسطين المحتله مرورا بتخوين الأقباط لكن المجال لا يتسع اليها هنا
و انا أقول أن حرمان البابا أشخاص من التناول غير جائز مسيحيا و على فكرة أنا أعرف عشرين أسرة من أبرشية أسيوط ذهبوا إلى القدس هذا العام و الشركة السياحية التى اخذتهم مملوكة لقبطى أسيوطى و قد تم أخذ الحل و البركة من نيافة الأنبا ميخائيل مطران اسيوط و أسد الصعيد
و سلملى على الحرمان .................