قبله على جبين د. سالم احمد سالم

[الاميره]

المشاركة الأصلية بواسطة waheedezzat

اول مرة احس ان ممكن يحصل حوار باحترام في الموقع ده
انا مسلم واكتر من مرة اقول ان بتركيزنا علي الحجات الوحشة اللي بينا هيكون سبب عداوة وبغض
لكن لو ركزنا علي الحجات الحلوة اللي بينا هنكون افضل
واهم الحجات دي ان احنا كلنا انسان بغض النظر عن دين او جنس
وثانيا كلنا مصريين بغض النظر بردو عن دين او جنس
شكرا لكل من يحترم نفسة ويحترم الاخرين

أنا متشكر جدا على إسلوبك الحلو يأخ وحيد وانا ما أقدرش أنكر إن فيه حاجات حلوه بس دى قليله جدا ونفسنا تزيد وتكتر هى المشكله لو إن كل واحد مسلم حاطط فى دماغه متاعب أخوه المسيحى كان أكيد هايكون فى إحساس بينا وبمشاكلنا أكتر من كده .
أنت بتقول نركز على الحاجات الحلوه طيب والحاجات الوحشه اللى تاعبانى جدا أعمل فيها إيه ... صدقنى يا وحيد إن مانتحمله نحن الأقباط فى مصر فاق طاقتنا بكثير ومعلش ماتزعلش منى ( اللى إيده فى الميه مش زى اللى إيده فى النار )
يعنى قولى إنت إزاى أتجاهل إن إبنى يعشق حاجه إسمها كرة قدم وعنده موهبه فيها فعلا بشهادة كثيرين ولكنه يستبعد عن هذا المجال بسبب عقيدته تخيل إنت ده يأثر على نفسيته أد إيه .
إزاى أتجاهل إنها لما جت بنتى تدخل الجامعه كان نفسها تدخل كلية الإعلام وكلنا قلنا لها لاء إيه لازمتها هو إنتى عمرك شوفتى مذيعه مسيحيه .
إزاى أتجاهل لما أكون أنا ملتزم فى شغلى وإيدى نظيفه والكل يشهد لى بذلك ثم أجد من هو أحدث منى فى التعيين وسمعته ليست فوق مستوى الشبهات والكل يعلم هذا ثم أجده يتدرج فى ترقياته فى مواعيدها حتى يصل الى مكانه لو إنه يوجد عدل فإنه لا يستحقها
وأظل أنا ( محلك سر )بالرغم من سمعتى الطيبه وكفاءتى فى العمل .
إزاى أتجاهل إن إبن أختى من صغره وهو هايموت علشان يدخل كلية الشرطه حتى كنا لما نسأله وهو صغير عايز تكون أيه لما تكبر يقول عايز أبقى ضابط ولما كبر فعلا وهو فى الثانويه الآن ومازال يريد تحقيق حلمه ولكننا كلنا نقف ضد هذه الرغبه ونقول له الكليه دى مش لينا إحنا
إزاى أتجاهل أن يبصق أحد على إبنتى وهى تسير فى الطريق لأنها تلبس سلسله بها صليب على صدرها ...أوصفلك إزاى شعورى لما لاقيتها داخله عليا بتبكى بحرقه بعد مارجعت من نص الطريق وما قدرتش تكمل مشوارها الى الجامعه .

** أتجاهل إيه وإلا إيه ياوحيد لازم الإخوه المسلمين يشعروا بنا و بآلامنا التى زادت وكثرت عن حد الإحتمال حتى نستطيع أن نتواصل سويا وأن نصل الى بر أمان نحيا عليه جميعا فى هدوء . عارف أنا إمتى هاأشعر إننا فعلا نبحر تجاه شاطئ الأمان هذا
لما أبدأ أقرأ أخبار كثيره مثل الخبر الخاص بالدكتور العظيم / سالم أحمد سالم فالإحتجاجات على هذه الأوضاع الخاطئه لا بد أن تأتى من إخواتنا المسلمين الشرفاء لأننا نحن الآقباط نحتج منذ أكثر من خمسين سنه ولا حياة لمن تنادى فربما نجد صدى لإحتجاجات الشرفاء أمثال ذلك الدكتور العظيم ... عندما تبدأ هذه الإحتجاجات فى التزايد فأعلم إننا بدأنا نضع أرجلنا على أول الطريق الصحيح نحو الحب ..
نحو النور .. نحو الحضاره ..نحو المدنيه والتقدم .. ونحو كل ما هو جميل لنا ولأبنائنا بإذن الله فالغير مستطاع عند الناس مستطاع عند الله

[ماهر عونى]

المشاركة الأصلية بواسطة الاميره

أنت بتقول نركز على الحاجات الحلوه طيب والحاجات الوحشه اللى تاعبانى جدا أعمل فيها إيه ... صدقنى يا وحيد إن مانتحمله نحن الأقباط فى مصر فاق طاقتنا بكثير ومعلش ماتزعلش منى ( اللى إيده فى الميه مش زى اللى إيده فى النار )

مرات قليله اللتى وجدت فيها حوار محترم كهذا واسمحوا لى بالمشاركه فيه والتعقيب.

صدقنى او صدقينى يا اخت اميره اننا جميعا ادينا فى النار , مسلميين ومسيحيين , وما تعانون منه هو نفس ما نعانى منه نحن المسلمون .

المشاركة الأصلية بواسطة الاميره

يعنى قولى إنت إزاى أتجاهل إن إبنى يعشق حاجه إسمها كرة قدم وعنده موهبه فيها فعلا بشهادة كثيرين ولكنه يستبعد عن هذا المجال بسبب عقيدته تخيل إنت ده يأثر على نفسيته أد إيه .

ونحن المسلمون نستبعد عن هذا المجال بسبب عدم وجود ( الكوسه ) الواسطه , ولكن لا يمكن ان ننكر ان هناك بعض اللاعبين المسيحيين اللذين اخذوا فرصتهم امثال هانى رمزى وحسام غالى وسامح اليداروس وغيرهم , وبهذا يصبح البعد عن المجال بسبب عدم وجود كوسه وليس بسبب العقيده .

المشاركة الأصلية بواسطة الاميره

إزاى أتجاهل إنها لما جت بنتى تدخل الجامعه كان نفسها تدخل كلية الإعلام وكلنا قلنا لها لاء إيه لازمتها هو إنتى عمرك شوفتى مذيعه مسيحيه .
إزاى أتجاهل لما أكون أنا ملتزم فى شغلى وإيدى نظيفه والكل يشهد لى بذلك ثم أجد من هو أحدث منى فى التعيين وسمعته ليست فوق مستوى الشبهات والكل يعلم هذا ثم أجده يتدرج فى ترقياته فى مواعيدها حتى يصل الى مكانه لو إنه يوجد عدل فإنه لا يستحقها
وأظل أنا ( محلك سر )بالرغم من سمعتى الطيبه وكفاءتى فى العمل .

تجاهل كما تجاهلت انا وغيرى , فما حدث لك حدث لى وحدث لغيرنا , ولكنه ايضا ليس بسبب العقيده , ولكن بسبب ان اللى اخدوا اماكننا لديهم القدره على ممارسه الفهلوه والنفاق والرقص للرؤساء , وايضا ليس بسبب العقيده .

المشاركة الأصلية بواسطة الاميره

إزاى أتجاهل إن إبن أختى من صغره وهو هايموت علشان يدخل كلية الشرطه حتى كنا لما نسأله وهو صغير عايز تكون أيه لما تكبر يقول عايز أبقى ضابط ولما كبر فعلا وهو فى الثانويه الآن ومازال يريد تحقيق حلمه ولكننا كلنا نقف ضد هذه الرغبه ونقول له الكليه دى مش لينا إحنا

كليه الشرطه للجميع مسلمين واقباط , وانا ايضا لم يستطع اخى الالتحاق بكليه الشرطه , لان اللواء اللى كان واسطه مكنش فى موقع مرموق , ولكنى شخصيا اعرف عددا من الرتب الاقباط , سواء لواءات او ظباط صغار , ويكفى ان رئيس لجنه الدفاع والامن القومى بمجلس الشعب اللواء فتحى قزمان مسيحى , وانا اعرفه شخصيا واعرف ابناءه, وحرمه شقيقه جورج سعد الثرى المعروف.

المشاركة الأصلية بواسطة الاميره

إزاى أتجاهل أن يبصق أحد على إبنتى وهى تسير فى الطريق لأنها تلبس سلسله بها صليب على صدرها ...أوصفلك إزاى شعورى لما لاقيتها داخله عليا بتبكى بحرقه بعد مارجعت من نص الطريق وما قدرتش تكمل مشوارها الى الجامعه .

دى فعلا حاجه تزعل وتغيظ , لكن نعمل ايه اذا كان بعض الناس متخلفين ومش عارفين دينهم , هذا الشخص كان يجب ان يعاقب على حدا , بان ابنتك كان لازم تقلع اللى فى رجلها وتناوله عشر جزم على دماغه جزاء فعلته .

المشاركة الأصلية بواسطة الاميره

** أتجاهل إيه وإلا إيه ياوحيد لازم الإخوه المسلمين يشعروا بنا و بآلامنا التى زادت وكثرت عن حد الإحتمال حتى نستطيع أن نتواصل سويا وأن نصل الى بر أمان نحيا عليه جميعا فى هدوء . عارف أنا إمتى هاأشعر إننا فعلا نبحر تجاه شاطئ الأمان هذا
لما أبدأ أقرأ أخبار كثيره مثل الخبر الخاص بالدكتور العظيم / سالم أحمد سالم فالإحتجاجات على هذه الأوضاع الخاطئه لا بد أن تأتى من إخواتنا المسلمين الشرفاء لأننا نحن الآقباط نحتج منذ أكثر من خمسين سنه ولا حياة لمن تنادى فربما نجد صدى لإحتجاجات الشرفاء أمثال ذلك الدكتور العظيم ... عندما تبدأ هذه الإحتجاجات فى التزايد فأعلم إننا بدأنا نضع أرجلنا على أول الطريق الصحيح نحو الحب ..
نحو النور .. نحو الحضاره ..نحو المدنيه والتقدم .. ونحو كل ما هو جميل لنا ولأبنائنا بإذن الله فالغير مستطاع عند الناس مستطاع عند الله

واذا كنت انا وبرغم ما القاه هنا من شتيمه وبهدله وسب لدينى ورسولى ومعتقدى , ومع هذا لا افرق فى معاملتى لمرؤسينى من مسلمين واقباط , ويشهد الله انى اعطى كل ذى حق حقه , ولا اتعامل ابدا معهم من منطلق عقائدى , وهذا لسبب بسيط اننا اصدقاء فعلا , وصدقنى او صدقينى فمعظم المسلمين مثل سالم احمد سالم .

لكن مين قالك انه لا يحدث كثيرا مثل ما حدث من سالم هذا؟؟ يحدث كثيرا ولكن لان سالم استاذ جامعى فقد تم نشر الخبر فى الصحف , ولكن هل سيتم نشر خبر انى انا مثلا اعامل مررؤسينى من الاقباط بعداله وحياديه؟؟؟؟

عموما تحياتى الخالصه لك

[الاميره]

واذا كنت انا وبرغم ما القاه هنا من شتيمه وبهدله وسب لدينى ورسولى ومعتقدى , ومع هذا لا افرق فى معاملتى لمرؤسينى من مسلمين واقباط , ويشهد الله انى اعطى كل ذى حق حقه , ولا اتعامل ابدا معهم من منطلق عقائدى , وهذا لسبب بسيط اننا اصدقاء فعلا , وصدقنى او صدقينى فمعظم المسلمين مثل سالم احمد سالم .

لكن مين قالك انه لا يحدث كثيرا مثل ما حدث من سالم هذا؟؟ يحدث كثيرا ولكن لان سالم استاذ جامعى فقد تم نشر الخبر فى الصحف , ولكن هل سيتم نشر خبر انى انا مثلا اعامل مررؤسينى من الاقباط بعداله وحياديه؟؟؟؟

عموما تحياتى الخالصه لك[/QUOTE]

[COLOR="Magenta"]

شكرا يأستاذ ماهر لردك ولاأرائك المتحضره وأنا متأكده طبعا من إنه يوجد مسلمين كثيرين شرفاء لا يرضون بالظلم أمثال الدكتور العظيم سالم أحمد وربنا يزيد من هذه العقليات المستنيره والقلوب النظيفه حتى نضم أصواتنا لصوت بعض لنطالب حكومتنا بالحريه وإحترام آراءنا وإنسانيتنا تلك الأشياء المهمه التى نفتقدها جميعا فى مصر مسلمين ومسيحين .. فهيا بنا نطالب بتطبيق قوانين حقوق الإنسان فى مصر حتى تتحقق المساواه التى ستجلب المحبه والنفوس الصافيه الجميله فنشعر إننا جميعا أبناء وطن واحد ننتمى له ونحبه .. وأنا أسفه على التأخير فى الرد فقد كانت لى مشكله
فى الدخول للمنتدى [/COLOR وعلى فكره العضويه فى المنتدى كانت بأسم أخى وأنا أستخدمها الأن بدلا منه حتى لا يختلط عليك الأمر وشكرا