اكروبات

[Kyrillos]

تحت أمرك يا ميكو

بالنسبة لموضوع عرض الصفحة ، فدى مالهاش دعوة بالتحويل ، وإنما هى إمكانية فى الأكروبات نفسه ، يعنى هتلاقى مؤشر فيه نسبه مئوية بتغير منها حجم الصفحة (زي بتاع الوورد)

أما بالنسبة لجودة الخط فدى ترجع للـ Version بتاع نظام البوستسكربت اللى بتستعمله البرنتر اللى إنت حملتها للبرنامج. وأنا معاك إن الـ Apple personal LaserWriter دى بتستعمل Version قديمة، وإن فيه حاجات أحدث بتخلى الخط أوضح.

أنا اديتك البرنتر دى علشان نظام البوستسكربت بتاعها بيدعم العربى والإنجليزي وإن كان قديم

الحقيقة أنا باحتاج التحويل للـ بي دي إف فى ملفات غالبيتها مكتوبة بالإنجليزي علشان كده باستعمل برنتر تانية غير اللى قلت لك عليها بتستخدم Version أحدث من البوستسكربت

فلو مشكلتك مع الإنجليزى ممكن تستخدم البرنتر اللى أنا باستخدمها وهتلاقى الدريفر بتاعها هنا:
http://usa.canon.com/html/download/clbp460ps.html
نزل من الموقع ده الدريفر : C460PD.EXE

ده هيخلى الخط الإنجليزي واضح جداً وأحلى من بتاع الوورد كمان
بس مش هيحول الملفات اللى فيها عربى

أما لو إنت محتاج ملفات عربى وإنجليزي بكفاءة عالية فممكن تجرب برنتر أحدث من Apple برضه، يعنى مثلاً جرب تنزل البرنتر دى من الوندوز : Apple LaserWriter Pro
أعتقد إنها هتديك كفاءة أعلى لأنها أحدث من التانية

جربها وقول لى، ولو الخط مش واضح برضه، ممكن ندور على النت على نظام بوستسكربت حديث بيدعم العربى والإنجليزي

ملاحظتين:
1- الخط عندك كان غير واضح على الشاشة فقط، لكن لو جربت تطبع ، هتلاقى الطباعة كويسة جداً
2- جرب تغير أنواع الخطوط نفسها على نفس البرنتر القديمة، هتلاقى إن فيه خطوط واضحة جداً وخطوط أقل وضوحاً