موسوعة القضية القبطية في الداخل و الخارج .

[الذهبيالفم]

حافظ المرازي: إحنا وجهنا من خلال برنامجي دعوة للسيد الرئيس يكون معنا ضيفا فلم يُستجب لها فأرجو ألا تقدم للسيد الرئيس دعوة من خلال هذا البرنامج، تفضل.

مايكل منير: وبعدين أقول لحضرتك إن الأستاذ جورج لما قرأ اسم المؤتمر يمكن قطعه لآن اسمه المؤتمر القبطي الدولي الثاني للديمقراطية في مصر للمسيحيين والمسلمين فإذا كان اسمه فيه قبطي ولاَّ ما فيهوش قبطي المهم التوصيات اللي طلعت من المؤتمر، أعتقد إن حضرتك بتتفق إن التوصيات دي هي توصيات مصرية وزي ما أنت حضرتك قلت مش شايف أنا حتى مع الباشمهندس يوسف سيدهم بالنسبة للثمان نقاط الرئيسية أنا مش شايف وجهة اختلاف من اللي هو بيقوله في مصر عن اللي إحنا بنقوله هنا..

حافظ المرازي: طيب أستاذ ميلاد لك تعليق بالأخ أستاذ يوسف؟

ميلاد اسكندر: الحقيقة أنا مندهش جدا من كلام الأخ جورج، هل لما إحنا نعمل المؤتمر في واشنطن عشان نطالب بحقوقنا، ناس مواطنين أحرار أقباط ومسلمين اجتمعوا مع بعضهم نطالب بالحقوق لكل الأقليات الموجودة والمرأة من الضمن، هل دي تعتبر فرقة وفتنة؟ إذا كنت بتعتبر ده فتنة وفرقة إيه رأيك.. بتتكلم حضرتك كمان من الداخل إيه رأيك في الحزب الوطني اللي رشح اثنين من 444 مقعدا؟ فين الإصلاح من الداخل يا أستاذي؟ هل تعلم أن القبط كان ممثلين من سنة 1913 لسنة 1950 بنسبة من 12% أحيانا وصلت إلى 15% سنة 1931..

حافظ المرازي: طيب أستاذ ميلاد..

ميلاد اسكندر: ماذا حدث لهم بعد 1952 يا سيدي الفاضل؟

حافظ المرازي: طيب أستاذ ميلاد أنا سأعطي الأستاذ جورج بعد قليل الكلمة لكن بعد أن أسمع أستاذ يوسف، لكن ببساطة هو ليس ممثل الحزب الوطني الحاكم أو الحكومة أنت بتتحدث عن جورج إسحاق الذي يريد أن يغير هذا ويعتقد بأنه كل الفئات مغبونة وبالمناسبة أستاذ مايكل إذا أردت أن تحصل على ما قرأته اذهب إلى موقعك على الإنترنت وستجده هو منشور عليه موضوع دارفور..

مايكل منير: موقعي موقع نوائع اللي إنت بتتكلم عليه..

حافظ المرازي: هذا الهيئة التي رعت المؤتمر..

مايكل منير: يبقى فيه لبس في الموضوع.

حافظ المرازي: هناك لبس بينكم، أستاذ يوسف.

يوسف سيدهم: حسما للخلاف ده عشان الحقيقة ما تتوهش ذكر دارفور تم على لسان المهندس عدلي أبادير إنما لم يرد في الصياغة النهائية للقرارات..

حافظ المرازي: هو موجود لحد الآن على..

[الذهبيالفم]

يوسف سيدهم: اللي أنا عاوز أقوله أنه ما فيش اختلاف على السبعة قرارات اللي حضرتك تفضلت وقرأتها لكن اعتراضي أنه الديباجة المقدمة قبل الوصول للقرارات تم اغتيالها بدلا من الديباجة التي تتحدث عن أن التغيير.. الملتقى بيدعم جهود التغيير نحو الديمقراطية ونحو حقوق المواطنة ويؤيدها ويعمل في نفس الاتجاه، تم اختلاق المعركة مع النظام وأنا اعتبرته أنه شيء بيقطع الجسور للحوار، الشيء المهم جدا اللي تم تغييره أنا مش فاهم ليه لأنه بعد المقررات كان فيه أربع توصيات في غاية الأهمية، توصية بتتكلم على إنه المشاركون في المؤتمر يؤكدون أن التغيير من أجل المواطنة والديمقراطية هو شأن داخلي يجب أن يتم بين المصريين هو إنه.. التوصية الثانية إنه بندعوا الحكومة المصرية إلى عقد الملتقى الثالث في القاهرة والتوصية الثالثة إنه بندعوا المجتمع الأهلي المصري إلى أن يبادر بدعم أنشطة حياتية مشتركة بين المسلمين والمسيحيين وهو الأمر الغائب لأنه المظالم.. تراكم المظالم على مدى ثلاثة عقود أدى إلى انسحاب ما بين المسيحيين والمسلمين من دائرة العيش المشترك ودي مشكلة رصدناها لكن بنعتمد على المجتمع الأهلي مش كل..

حافظ المرازي: ما المشكلة أستاذ مايكل مع هذه المطالب؟ لماذا رفع هذه المقدمة وهذه المطالب؟

مايكل منير: ما فيش مشكلة على الإطلاق وأعتقد إن إحنا سهرنا مع بعض الليل كله وكتبنا هذه النقاط أعتقد وجهة نظر لبعض الحاضرين اعترضوا وقالوا إحنا مش عايزين إن إحنا ندخل في تفاصيل عن كل الحاجات اللي تتعمل واللي ما تتعملش فيه ناس بتتعامل مع الأمم المتحدة مثلا وقالوا وفكروا إن دي آلية دولية المفروض إن هم يبقى عندهم الحرية إن هم يتعاملوا معها ففي حالة إنك أنت.. أعتقد النسخة اللي كنا حطنها كانت بترغم تقريبا الحاضرين من عدم على إن ما حدش يعمل حاجة غير كل حاجة تيجي من مصر ودي حاجة مش ها تحصل لو حضرتك عندك وقت عاوز بس أرد على الأستاذ جورج على اختلافه في الآلية بتاعة النسبة المئوية أنا أعتقد إن دي نقطة مهمة وإن نحن يجب نوضح وجهة نظرنا فيها، أعتقد إنه لا يختلف معي إن الأقباط والمرأة والليبراليين مهمشين في الحياة السياسية في مصر فإحنا بنقول إحنا بنأخذ تجربة الولايات المتحدة في نظام التمييز الإيجابي اللي اتعمل في الستينات وبعديه شايفين دلوقتي إن السود مثلا والأقليات بيشتركوا في العمل السياسي بشكل أكثر..

[الذهبيالفم]

حافظ المرازي: لا يوجد في الولايات المتحدة.. عفوا قبل أن أعود لقد تأخرت على الأستاذ جورج، لا يوجد في الولايات المتحدة حصص في الكونغرس، عدد تمثيل النساء في الكونغرس الأميركي من الأقل بالنسبة للديمقراطيات الغربية حوالي 14%.

مايكل منير: بس هم وصلوا للحل وللمرحلة دي بعد ما كان فيه نِسب في كل حاجة عملوا قانون..

حافظ المرازي: لا يوجد فقط دخول الجامعات وبعض الوظائف والآن تحارب في كل محكمة أميركية في الولايات ويعتبر هذا تمييز ضد البيض وتحارَب، أنا لا أقول لك إنه هذا لا ينطبق من الممكن في دول عربية عملتها مصر في مرحلة من الفترات قامت بنسب لنساء في فرع منها..

مايكل منير: عندهم رئيسة العمال والفلاحين وحاجات زي دي..

حافظ المرازي: ولكن هذه ليست موجودة حتى في أميركا إلا في بعض الجامعات وفي بعض الوظائف المحدودة للغاية..

مايكل منير: جزء منهم، أنتم بتعمل إيه لما تبقى في مجتمع وأحد القيادات بتاع..

حافظ المرازي: تريد أن تعمل تصحيح انتقالي..

مايكل منير: الحزب الوطني اتفق معي إمبارح في مداخلة على إن ده اللي لازم يتعمل..

حافظ المرازي: طيب أستاذ جورج 26 محافظا لمصر، لا يوجد بينهم مسيحي، لا توجد قيادات عليا في الجيش، لا يوجد رئيس مجلس مدينة في مصر قبطي والحبل على الجرَّار كما يقولون لابد أن تُعيّضن من الرئيس كقبطي حتى تدخل مجلس الشعب ما الحل إن لم تكن هناك حصص؟

[الذهبيالفم]

الأيادي الخارجية

جورج إسحاق: أنا بس عايز أرد على الأستاذ ميلاد في إنه أنا مش مع الحزب الوطني بالعكس أنا قوة معارضة وإنه في 444 ما يرشحوش غير اثنين هذا نقص في الرؤية وقصور وشيء.. يعني شكلهم بقى طائفي جدا وبايخ وأخذوا نصيبهم في نتائج الانتخابات، الحاجة الثانية إنه يعني الأستاذ مايكل رئيس رابطة الأقباط الأميركيين والأستاذ ميلاد رئيس رابطة الأقباط مُتخليها يا أخي رئيس المصريين.. رئيس رابطة المصريين في الخارج عشان نفك هذا الاحتقان يعني لو كنتم عاوزين تبنوا لقدام، الحاجة الثالثة المؤتمر يا أستاذ مايكل نحن لا نطالب أحد، نحن في مرحلة المنازعة وليس في مرحلة المطالبة، سوف نقوم بهذا وإحنا ما عندناش استعداد نعمل مؤتمر ثالث في القاهرة، نحن نرتب الآن لعقد مؤتمر على المواطنة في القاهرة وها ندعوك إليه وتتفضل تيجي لكن إحنا مش عجزة إن حد يجي يعمل لنا مؤتمر من بره لا إحنا ها نعمل مؤتمر هنا في القاهرة وها نرد على كل هذه المسائل، هذه المسألة بتاعة بقى ما فيش 26 محافظا وفي كده طبعا هذا قصور ونحن ضد.. يجب أن يُختار الناس على أساس الكفاءة، إذا إحنا بنتكلم على مواطنة حقيقية يجب أن يُختار الناس على أساس الكفاءة ويبقى فيه ثقة في الناس، فيه ناس متميزين يجب إن هم يأخذوا حقوقهم وسوف نناضل في هذا، يعني إحنا طبعا بقي لنا خمسين سنة ما بنتحركش أو كده متهيئ لي نتحرك فإحنا عايزين نبني يعني عايزين ندخل في مواجهة وإحنا داخلين في مواجهة وحركة كفاية قائمة بهذا في الشارع عندنا جبهة دلوقتي للمعارضة ها تعرض هذه الأمور يعني إحنا في بداية حراك سياسي لأنه الجو العام طبعا ما حدش قادر ينكر أن هناك جو عالمي متغير جو إقليمي متغير جو محلي متغير بس عايز أقول لك حاجة مهمة جدا إذا ما كانش إحنا اللي ها نغير ما حدش ها يغير لنا..

حافظ المرازي: أستاذ ميلاد؟

جورج إسحاق: إذا ما كناش إحنا موجودين في الشارع وبنقول كلمتنا وبنقول يجب التغيير ويجب تبقى دولة حرة ديمقراطية قائمة على أساس المواطنة الكاملة ما فيش حاجة اسمها ذمة ولا عهد والكلام ده كله إحنا رافضينه رفضا تاما، نحن مواطنين كاملي المواطنة وسوف نناضل في هذا وسوف ندفع الثمن هو كده الكلام نمشي لقُدام.

ميلاد اسكندر: يا سيد جورج.. يا جورج بك..

جورج إسحاق: أقول لك اشتغل أنت وأخواتك المسلمين داخل مصر..

ميلاد اسكندر: يا أستاذ جورج أنت بتتكلم من إحنا.. إن مصر مريضة ونحن في بداية الحراك السياسي أنت في سنة 2005 ولسه يا دوبك بتدور على حقوق الأقباط وحقوق الأقليات سنة 2005 في الوقت اللي بتُنتهك فيه كل الحريات في مصر وبعدين تقول لي أصل أنا ما ليش دعوة بالحزب الجمهوري ما لكش دعوة بالحزب الجمهوري..

حافظ المرازي: الحزب الوطني الديمقراطي.

[الذهبيالفم]

ميلاد اسكندر: الحزب الوطني الديمقراطي أنا آسف ما لكش دعوة به إنما ده اللي يفعله السيد الرئيس محمد حسني مبارك وحزبه ما بيديش الأقباط الحقوق بتاعتهم حتى دورات المياه في الكنائس يا سيد جورج يلزمها أمر من رئيس الجمهورية ما هذا يا سيد جورج؟ وبعدين تقول لي حراك سياسي وإحنا في البداية يا سيد جورج إحنا في هذا المؤتمر لم نطلب أي تدخل دولي زي ما هو في أفغانستان أو العراق أو لم نطلب أي تدخل زي ما هو في كوسوفو بالرغم من اللي حصل في الكُشح وبالرغم من المذابح اللي حصلت في أبو قرقاص وبالرغم من المذابح اللي بتحصل للأقباط.

حافظ المرازي: أستاذ ميلاد، آخذ كلمة أيضا أخيرة من الأستاذ مايكل منير وأقول إنه إذا كان هذا هو الموضوع لماذا بعض العناصر الموجودة والمدعوة للمؤتمر عناصر مرتبطة بما عُرف باليمين الصهيوني المسيحي المعادين للعرب؟ حتى بعض من تكتب معهم مثلا النهارده أنت لك مقال في الواشنطن تايمز مَن الذي كتب معك مقالك في الواشنطن تايمز عن الديمقراطية في مصر؟ مستشار في السفارة الإسرائيلي سابقا نير بامس..

مايكل منير: لا.

حافظ المرازي: لا تعرف مع مَن تكتب؟

مايكل منير: أعلم مع مَن أكتب هو ليس مستشار السفارة الإسرائيلية ولم يكن مستشار السفارة..

حافظ المرازي: لا.. كان مستشارا للسفارة الإسرائيلية لشؤون الأكاديمية وعلى.. الآن على قائمة المتحدثين للسفارة الإسرائيلية إذا ذهبت إلى موقعهم على الإنترنت؟

مايكل منير: اللي أعرفه أنا أعرف..

حافظ المرازي: وهل لديك مقال لك معه..

[الذهبيالفم]

مايكل منير: اللي أعرفه أنا أعرف..

حافظ المرازي: وهل لديك مقال لك معه..

مايكل منير: أنا أعرف نير من حوالي سنتين وتقابلنا في مؤتمر.. أحد المؤتمرات، تعاملي معه مش على إنه هو إسرائيلي أو يهودي أو مسلم أو مسيحي إحنا نتعامل في منطلق مفكرين وكتاب فموضوع إن أنا كل واحد أقابله في حياتي أروح أعمل (Check) عليه أشوفه هو كاتب في..

حافظ المرازي: بس أنت رجل بمكانتك الآن يعني مَن الذي..

مايكل منير: أنا أول مرة أعرف إن هو مستشار في السفارة الإسرائيلية وبعدين هو مش أميركي ولا هو حتى مش عايش هنا في أميركا..

حافظ المرازي: هو إسرائيلي.

مايكل منير: هو دلوقتي بيدرس في إسرائيل لكن هو مقابلتي معه إنه كان هنا، أنا أكتب..

حافظ المرازي: طيب آخذ نصف دقيقة منك كلمة أخيرة ونصف دقيقة من الأستاذ يوسف لأختم البرنامج.

مايكل منير: فموضوع الكتابة وبأكتب مع مين يعني بص إحنا قلنا وواضحين في الموضوع ده لا عايزين يتعاملوا مع إسرائيل ولا عايزين يتعاملوا مع أي دولة ضد مصر ولا عايزين أي حاجة إلا رفعة مصر ولا بنشتغل إلا لمصلحة مصر.

حافظ المرازي: أعتبر هذه كلمتك الأخيرة شكرا أستاذ مايكل، أستاذ يوسف في نصف دقيقة؟

يوسف سيدهم: لا برضه أنا بأقول إنه ذِكر الأمم المتحدة هو استقواء بالخارج وكان يكفي إن إحنا نهيب بالنظام في مصر بأن يتذكر المواثيق الدولية لحقوق الإنسان التي وقَّع عليه وسأعود لمصر لأعمل في هذا الاتجاه.

[الذهبيالفم]

حافظ المرازي: شكرا جزيلا لك، الأستاذ يوسف سيدهم والأستاذ جورج إسحاق من القاهرة والأستاذ ميلاد اسكندر والأستاذ مايكل منير كانوا ضيوفنا في هذه الحلقة من برنامج من واشنطن عن مؤتمر الأقباط في واشنطن، أشكركم ولديّ العديد من البريد الإلكتروني بالطبع وقت البرنامج لن يسمح لقراءتها لكن يمكنكم أن ترسلوا تعليقاتكم وسنحاول في الحلقة القادمة أو حلقة أخرى أن نقرأها، كان هناك أيضا تعليقات كثيرة على حلقاتنا السابقة عن اليمن والعلاقة مع أميركا والديمقراطية في اليمن، أشكركم جميعا، أشكر كل من ساهموا معنا في تقديم هذه الحلقة من مكتب الجزيرة في القاهرة وهنا في واشنطن وبالطبع زملاءنا فريق البرنامج في الدوحة مع تحيات الجميع وتحياتي، حافظ المرازي.

http://www.aljazeera.net/NR/exeres/7...05745E2D83.htm