كل أسبوع قصة من قصص حوار الأديان

[مخاوي الليل]

المشاركة الأصلية بواسطة kittyy

الأخ مخاوى الليل - عليكم السلام ورحمة الله

انا اللى هسألك بمنتهى البساطة كدا . عاوزنا نرد علي ايه بالظبط ؟ انت شايف انهم قالوا حاجة فى الدين او فى العقيدة نفسها لنناقشها او نرد عليها ؟؟
هم اخترعوا قصة . وقالوا ان فيه قسيس واحد سألة ايه مفتاح الجنة قام ارتبك وقال مفتاح الجنة هو الشهادتين ..
ايه اللى محتاج للرد هنا او مناقشتة بما يتناسب مع عقل المسلم كما تقول ؟؟

انا كان نفسى تسأل سؤالك بشكل اخر . وتقولنا ياريت اجد عندكم الإجابة مثلاً على التساؤلات الأتية :
1-
2-
3-

لكن بمنتهى البساطة انا مش شايفة كلام فى العقيدة او الدين علشان نناقشة ونجاوب عليه ياأخى .. ولو انت محتاج رد على اسئلة معينة سؤلت فى هذا الموضوع واحنا مش واخدين بالنا منها ياريت تحددها علشان نحطلك رد عليها ..

طبعاً الزملاء هنا ردوا عليك بأن الكدابين ما يتردش عليهم اساساً لنهم افاقين ومدلسين و و . لكن انا مش هقولك كدا انا هقولك اسأل اى سؤال انت عاوز عليه اجابة واحنا نرد عليه . لكن فيما يختص بهذا الموضوع انا مش عارفة نرد على انهو جزئية بالظبط فى الكلام ..
وادينا كل يوم بنسمع قصص عن اسلام فلان واسلام علان واهى كلها حكاوى قهاوى . انا شخصياً نفسى واتمنى من كل قلبى ان لما حد ييجى يقول انا اسلمت يعطى سبب ويناقش ويقول علشان كذا وكذا وقريت كذا ودورت على اجابة عند كذا وكذا ومالقيتش وبعدين لقيت مرة تانية حاجة بتقول كذا ومااقتنعتش رحت سألت ومالقيتش اجابة عليها غير فى الاسلام فى الحتة كذا .. هوا دا الحوار وهوا دا الكلام اللى بيكون مُقنع . لكن واحد جاى يقول قصة عن واحد اسلم بدون ان يشرح القصة التى جعلته يسلم دا يبقى تأليف علطول . لأن مش اى حد ييجى يقولنا فلان اسلم هنصدقة وانتوا كمان لو جينا قولنالكم فلان تنصر برضه مش هتصدقوا الا اما تلاقوا اسباب مقنعة وحوار منطقى حصل مع هذا الشخص جعلة يغير حياتة كلها ومعتقداتة بأكملها ..

مش كلامى منطقى برضه ياأخ مخاوى ولا انت شايف ايه ؟

اخي العزيز :
أنا فاهم القصه كلها لا تحتاج لرد بس لما سألتكم من باب انّ القصه منتشره بأكبر المنتديات
واستغربت يعني انتشارها الفضيع لا يخلو منتدى الا اجد هذه القصه .
وقلت في نفسي لازم ادور مصدر القصه سواء من منتديات مسيحيه او علمانيه ..الخ
فوجدت ردكم هنا بموقعكم . وكنت معتقد ان القصه من مصدر موثوق فلمّا بحثت لم اجدها . و أزيدكم من اشعر بيت القصه ايضاً موضوعه بأحدى ساحات الجامعه اللي ادرس فيها ههههه بالمجله الاسبوعيه .