لن أزور القدس إلا ويدي في يد شيخ الأزهر ....(مدموج)

[iwcab]

تحية للجميع
مافيش مانع من عدم الذهاب للقدس لكن يعلنوا إن الأسباب هى سياسية

[Mrs 2ana 7or]

المشاركة الأصلية بواسطة iwcab

تحية للجميع
مافيش مانع من عدم الذهاب للقدس لكن يعلنوا إن الأسباب هى سياسية

اعتقد ده اصل الموضوع كله .... ليه البابا ميطلعش يقول انا بمنع الاقباط من زياره اسرائيل بسبب انهم سرقوا الدير مننا ونجيب اصل قصه الدير رغم انى مش شايفه ان نهب الدير مننا يفرق كتير عن نهب مصر كلها مننا بل اظن انه بالمقارنه شيئ بسيط جدا وبلاها كلام عن حبايبنا المسلمين وايدنا فى ايدهم والتماحيك فيهم اصلا لان هم اول ناس رايحين جايين يبرطعوا هناك ده حتى السياحه العلاجيه زادت هناك بفضل المصرين حبايبنا اللى عزموا علينا ندخل القدس ايدهم فى ايدنا واحنا قلنا لا برده ليه معرفش
المشكله انى بحس ان تصريحات زى دى مش بتحترم عقلنا وتساؤلاتنا اللى لو انقالت نبقى وحشين ومعندناش ولاء للكنيسه ومش بعيد نترجم
من الاخر ليعلن السبب صراحه انه بسبب الدير ونلغى موضوع ايدهم فى ايدنا دى لانها حجه عفا عليها الزمن فى وقت اكبر راس اسلاميه بتعلن ان مواجهه العدو جبن يعنى بالعربى الكلام علينا يا جاره وبقى شكلنا يكسف بجد حتى قدام المسلمين
نفسى نبطل ندفن راسنا فى الرمل ونواجه .... نواجه اسرائيل بموضوع الدير ونواجه المسلم بارهابه علينا فى مصر مش ندور وشنا الناحيه التانيه ونقول كفا امشى جنب الحيط احسن واتقى شرهم لان فى كل الاحوال شرهم علينا علينا مع الاسف

[yaweeka]

موضوع الدير ممكن حله بسهولة جدا لو ان البابا قلل من تصريحاته العدائية لليهود

فى التسعينات من القرن الفائت عرضوا ارجاع الدير للأقباط فى مقابل السماح لهم بزيارة اسرائيل لكن البابا اصر على انه لازيارة للقدس الا ويده فى يد شيخ الازهر

طيب اهو مبارك رايح يزور شارون فى مزرعته وياكل من لية الخرفان بتاعته كمان ، والسعودية ستقيم علاقات تجارية مع اسرائيل وباكستان ستقيم علاقات دبلوماسية مع اسرائيل

خلينا احنا ماشيين ورا الفشخرة الكدابة ونكسب عداء العالم فى الوقت الذى يلعب فيه المسلمين بالبيضة والحجر ويجلسون على الطاولة مع اعداءهم

الواحد ها يجيب كام مرارة بس

[yaweeka]

من قال إن التطبيع مع إسرائيل حرام!!
الزقازيق * نبيل طلعت:
استمرارا لتصريحاته وآرائه الحكومية والمثيرة للسخط العام أكد الدكتور محمد سيد طنطاوي شيخ الأزهر أنه ليس هناك ما يحرم التطبيع مع إسرائيل.
وقال * خلال زيارته لمحافظة الشرقية بمناسبة عيدها القومي *: إن التطبيع يجب أن يكون مقصورا علي تبادل المصالح والاحتياجات مع إسرائيل طالما أن منتجاتها أرخص من أي دولة أخري.
وحول رأيه في اتفاقية الكويز التي تم توقيعها قال شيخ الأزهر: إن هذه مسألة اقتصادية لا دخل للأزهر بها.
وعن العمليات الاستشهادية وقيام البعض بتفجير أنفسهم قال شيخ الأزهر: إن كل من يفجر نفسه في أي عدو اعتدي علي الأرض فهو شهيد سواء كان في فلسطين أو غيرها أما من يفعل ذلك في أي مكان يوجد به مدنيون عزل وآمنون فهو من المجرمين


http://www.elosboa.com/elosboa/issues/442/0500.asp