لا إكراه فى اللبس

[koukikou]

معلش يا K K بس يوساب كان قايل كلام كويس قوى فى موضوع ذهاب الأقباط للقدس - و هو هنا عنده حق إذا كان بيطالب بالحرية الإنسانية للكل - يعنى زى ما المسلمين هيعملوا اللى هم عايزينه فى فرنسا يبقى لازم المسيحيين هم كمان يعملوا اللى هم عايزينه فى السعودية و يبقى من حقهم يعملوا كنايس و يصلوا فيها زى ما المسلمين عاملين جوامع و مراكز إسلامية على قفا من يشيل فى أوربا و أمريكا - صح؟؟ و زى ما هم بيطالبوا بحقوق المواطنة كاملة فى أوربا اللى هم مهاجرين لها على كبر يبقى لازم يعطوا المواطنين الأصليين فى البلاد التى غزاها الإسلام و إنتزعها من أصحابها حقوقهم كاملة برضه - و ألا إيه؟
و كمان مادام بيصرخوا بالصوت الحيانى إن إصدار هذا القانون فى فرنسا هيكون ضد حقوق الإنسان يبقى لازم جماعة الأخوان المسلمين اللى مقوياهم و مشجعاهم و بتنظم لهم المظاهرات تطالب بتطبيق قوانين حقوق الإنسان دى فى البلاد الإسلامية و أولها حق كل إنسان فى حرية العقيدة و تغيير الدين - صح؟

و لما إنشاءالله يعملوا كده نبقى إحنا نقف جنبهم و نقول إن فرنسا لازم تلتزم بالحرية الإنسانية و تسيب المحجبات يغطوا راسهم و يعروا الباقىبراحتهم