القبض على عامل بمكتبة مسيحية بعد تردد محمد حجازي عليها

[honeyweill]

6 مارس، 2008
ليلة القبض على المتنصريين.....قصيدة محمد حجازى
مشهد واحد
بيت متدارى ف حارة ف مصر
ليل........مكتوم
ضرب البوم تليفون للقصر
أيوة يا باشا
نعمل إيه؟
=هاتوا واطيه
_بس يابيه.....
=مفيش بسات
إصدر أمرى للحراسات
بسحل الكل ولاد وبنات
_أمر سعادتك
جارى ف الساعة
وانطلقوا ف قفل السماعة
بدر العسكر قلب الحارة
زى الغارة بدون أنذار
بس غريبة ف عز نهار
علنا كده قدام الناس
سحلوا ولاد ويا بنات
هوبا اتشالوا ع العربيات
كل ده ايه والناس ساكتين!
واحد قلبه جرىء متين
قاله يا بيه
=عايز ايه؟
انت واخدهم رايح فين؟
=مالك بيهم دول كافرين
سابوا الدين بقوا مسيحيين
_اه يا نهارهم زفت وطين
كفروا سعادتك بالإسلام؟
=ايوة يا أخينا
يلا يا عسكرى سوق قدام
مشيوا العسكر
اما الراجل فدماغه لف
وفضل يضرب كف بكف
قال يتحرقوا بجاز الكفرة
بص لبيتهم ونزل تف
لكن الحق لازم يتقال
ان الناس ماكانوش ساكتين
قعدوا يسبوا ف الكافرين
وكمان شاركوا وتفوا معاه
وجتتهم تنشال تنحط
cut
مشهد تانى
مبنى مباحث قمع الدولة
كاميرا 2 هتلف ف جولة
وتصور غرف التعذيب
لف الكاميرا
اعمل زوم ع الراجل ده
اكشن
احمد باشا بيقرا ملف
قام متنرفز
زق الكرسى
سب الدين والدنيا وتف
واتمطع وبصوت جبار
نده العسكرى قال:
يا حماااار

[honeyweill]

هاتلى الكــــلب اللى اسمه سمير
حالا جابوا سمير مسحول
نط الباشا ف كرشه قوام
_لساك رافض للإسلام؟
انت تطول؟
=صدقنى منيش عايز أطول
انا حبييت الرب يسوع
نفسى اكون وياه علطول
_انت اكيد انسان مخبول
=قول ما تقول
بس لا يمكن اسيب الرب
_اصلك ***
=وانت اخويا
اصل يسوع علمنى احبك
_اكتم بقك
واحد زيك يعرف حب؟!
=ايوة يا بيه
ضربوا المخبر
=_اوعى يا *** ترد عليه
قاله الباشا:بقولك ايه؟
ايه حكاية تنظيمكم ياض
=تنظيم ايه؟!
لسعوا المخبر:تانى يا*** ترد عليه
_سيبوا يا حمار
امال جايبوا انا اصلا ليه
=_امر البيه
_احنا مسكناكم مجموعة
ازاى بقى منتوش تنظيم
؟
=مجموعة ترنم وتصلى
وبتدى الرب التعظيم
مش تنظيم صدقنى يا بيه
_تكدب ليه؟
يبقى هتتكلم بالعافية
=وعايزنى سعادتك اقول ايه؟
_ان انتم عملا لامريكا
وغرضكم احداث الفتنة
=فتنة يا بيه؟!
فتنة ايه!!!
واحد وبيعبد ربه
انت ماسكنى بتهمة ايه؟
مش هتكلم
هاتلى محامى
_اوى يا روح امك
نبرة مخيفة,
زعق الباشا وقال:
يا خلييييييييييفة
=_ايوة يا باشا
الاستاذ نفسه ف محامى
قعدهولى ع السيخ الحامى
وابقى اندهلى ابص عليه
شكله وهوه بيصرخ تحفة
يلا بسرعة وغمى عنيه
من غير ليه
سادت الضلمة وغاب الشط
وسمير فوق السيخ انحط
cut
مشهد تالت
سجن بعيد ف الصحرا يا مصر
واحد منهم قال للتانى
ان سمير ده شهيد الرب
نطق التالت:ف الامجاد
راح نتلاقى لو احنا بعاد
والرابع:كان جبار بئس
والخامس:ما بيعرف يئس
والسادس:كان كله سلام
والسابع:قتله الإسلام
والصبح
فتحوا الزنازين
نده العسكرى قال:
تعييين
يلا يا تاركين الإسلام
عايز تقفوا صف تمام
واترصت كل الزنازين
بص هشام على دهشة خالد
قاله امين يا حبيبى امين
كل الناس هنا مرتدين
كل الناس هنا مش عارفين
ليه الإسلام عاملينله اقفاص
ليه الإسلام عاملينله سجون
ويقولوا علية انا مجنون!!!!!
يا خسارة يا مصر يا محروسة
معلش يا شمس يا شموسة
بعد العتمة وبعد الليل
شمس البر(يسوع)هتكون
نور لبلدنا ونور للكون
.....................
شعر:محمد حجازى

مدونة الوعي القبطي
http://copticawareness.blogspot.com/...post_9430.html

[honeyweill]

متخفش يامحمد حجازي او بيشوي العزيز الغالي كلنا معاك وكلنا بننشر ومهما هددوا وجية يعقوب القبطي هيضل هناك قوي تضرب في الظلام ولها تأثير يفوق الوصف تأكد من هذا احنا كمتنصريين غير معروفيين معانا سلاح مهم جدا وهو التخفي ومعرفة كل شيء والضرب في العمق


صلي من اجلنا

http://motnsrooncopts.blogspot.com/2...g-post_21.html

هددوا مدونة الوعي القبطي في المتنصرون الاقباط و مدونات تانية هتنشر ومش هنبطل نتكلم خلاص زمن السكوت ولا وفات والحي ابقي من الي مات