الجديد

[iwcab]

مش عارف فى القرن الكام ظهر مصطلح ( التنوير ) ، وهو يعنى إعادة أسباب أى حدث لأسباب طبيعية ومادية وليس لأسباب روحية أو إلهية ، يعنى لو إنتشر مرض يبقى ده بسبب الميكروبات وليس بسبب الغضب الإلهى ، ولو وقع زلزال تبقى صفائح القشرة الأرضية تحركت نتيجة إختلاف الضغط فى باطن الأرض وليس لخطيئة أهل المكان
فإذا نسب إنسان أسباب الأحداث لأسباب روحية وإلهية يبقى ده إنسان مظلم ، لكن لو نسب أسباب الأحداث لأسباب طبيعية ومادية يبقى إنسان متنور
فالتنوير هو إنكار عالم الروح والإنغماس فى عالم المادة والمحسوس
ولما أنكروا وجود العالم الروحى نسبوا وجود الإنسان للتطور الطبيعى وحده ، وبالتالى الإنسان هو مشابه للحيوان أو فصيلة من فصائل الحيوان