|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
04-05-2009
|
|||
|
|||
|
مشاركة: انقذونى من الاضطهاد المهلك
إقتباس:
كلامك صحيح يا اخي ان انا نفسي انزل ازور مصر. مصر فعلا وحشتني ووحشني كل شئ فيها بما فيها زبالة شوارعها و قطاعين طرقها و الناس الحلوين الطيبين و نيلها و كل شئ فيها. و لكن كل ما افتكر المواقف السيئة اللي عانيت منها في مصر و التطرف و الارهاب الاسلامي، و كلما افتكر كم كنت مستضعفا بلا سند يحميني كمسيحي في مصر، و كلما تذكرت كم من الفرص التي ضاعت مني بسبب ديني رغم تفوقي الدراسي، انتابني شعور اني محظوظ ان ربنا انقذني و اخرجني من مصر كما اخرج شعبه المختار. فيه ايه في مصر نقدر نحبه غير ذكرياتنا الجميلة؟ النيل حتي و ان كان ازبل نهر في العالم فهو مرتبط بذكرياتنا الجميلة و لهذا فقط نحبه و نتذكره... رغم اننا لا نهتم مثلا بكل انهار امريكا الجميلة النظيفة التي يشبه مائها الكريسال العصفور في نقاءه. حبنا لمصر و حنيننا ليها هو شئ مرتبط بهويتنا المصرية التي لن تغيرها الهجرة او الزمن. بغض النظر عن كونها بلد متخلف، و هذا واقع. و لكن اذا سألتني مثلا اذا انا اردت ان ارجع اعيش تاني في مصر هقولك لا. انا عمري ما حسيت بالامان في مصر بسبب ديني/طبقتي/ حالتي الاقتصاية. و جيت هنا امريكا اتعلمت شئ جديد بيسموه حرية و شئ ايضا اسمه امان و برضه شئ تالت اسمه كرامة و الف شئ و شئ. و لكن مصر هتفضل في قلبي للأبد. احنا بنحب مصر، لكن تعبنا منها، فقمنا هجينا لما جتلنا الفرصة. عقبالك و عقبال الجميع. تحياتي
__________________
كل من يشرب من هذا الماء يعطش ايضا (يوحنا 4 : 13) 
|
|
#2
04-05-2009
|
|||
|
|||
|
مشاركة: انقذونى من الاضطهاد المهلك
إقتباس:
كلامك زي كلام ولادي مرتبطين بانجلترا و شايفين مصر أقصى تقدير هتكون زيارات كل كام سنة انت شاب ومحتاج تتعلم و ولادك يتعلموا و تشتغل وتعمل فلوس كويسة وتعيش وتتبسط وبالتالي اختيارك صح بس المشكلة ان أنا مثلا عديت الستين و من جيل شاف مصر حلوة فعلا مفهاش كل المشاكل دي لكن انت اتولدت وعشت في العصر التعيس وكل جيلك كده ومستحيل تقتنع بمصر في الوضع الحالي ده والمشكلة الأكبر في مهاجرين من جيل تاني بيكونوا ملهمش اي ارتباط بمصر ومش فاهمين ابدا ايه عاجب ابوهم في بلد متخلفة زي دي وليه بيحب البلد الزحمة اللي حياة أهلها صعبة موت المهم أرجوك لازم ولادك يحبوا مصر ولازم ينزلوا اجازات عرفهم انهما مصريين اوعى تنسى وربنا معاك يا حبيبي.
|
|
#3
04-05-2009
|
|||
|
|||
|
مشاركة: انقذونى من الاضطهاد المهلك
إقتباس:
معلهش يا دوكتور ما اخدتش بالي ان حضرتك مهاجر و عايش في انجلترا، كنت فاكر انك لسه عايش في مصر ارض المطحونين. و دي اول مرة اعرف ان سنك فوق الستين. ياراجل ده كل كلامك رغم نضجه الواضح يدل علي شباب روحك.. انا لسه شاب صغير في العشرينات و متجوزتش. و لكن اوعدك لما اتجوز و اخلف ، هحكي لعيالي عن مصر و اخدهم زيارات كل سنة و اللا اتنين، و اخدهم علشان يزوروا كل الاماكن الجميلة في مصر بما فيها المدن السياحية الباهظة التكاليف التي لم استطع زيارتها عندما كنت في مصر.. و لكن مش متأكد لسه اذا ما كنت عايز اطفالي يتعلموا اللغة العربية ام لا.. لعلمك يا دكتور، انا لا اعتقد ان امريكا هي الجنة، و احيانا بزهق منها و من وحدتي فيها، و من بعض عاداتها و تقاليدها السخيفة و خايف اني مش هعرف اربي اولادي فيها. الجنس و الخمر و التفكك الاسري و مشاكل تانية كتير للاسف موجودة في الغرب كما تعلم و مش عارف هعمل ايه لما اجيب عيال. احيانا كتير بفكر انه هييجي اليوم اللي هتعب فيه من امريكا و اقوم اطفش لاي بلد تانية. الاحساس ده بينتابني كتير كلما فكرت في حياتي بعد الستين و ايه اللي مفروض اعمله لما اطلع علي المعاش؟ احيانا بفكر اني ارجع اموت في مصر، و احيانا افكر اني اروح اشتري بيت في اي بلد من بلاد امريكا اللاتينية لان الحياة فيها رخيصة و هادية بعيدا عن الدوشة في امريكا. لدرجة اني قررت تعلم اللغة الاسبانية العام الماضي و اشتريت مكتبة كتب و كورسات تعليم اسباني و بذاكر كل اسبوع و امارس اللغة مع زملائي في الشغل لحد ما بقيت بربنط في الاسباني. اسف اذا كنت خرجت عن الموضوع تحياتي يا دكتور و مرحبا بك في منتدي اقباط امريكا
__________________
كل من يشرب من هذا الماء يعطش ايضا (يوحنا 4 : 13)
|
|
#4
05-05-2009
|
|||
|
|||
|
مشاركة: انقذونى من الاضطهاد المهلك
إقتباس:
انا كنت فاكرك عجوز شوية بس انت طلعت من دور ولادي  ربنا يحميك وتفرح بشبابك لا اسف ولا حاجة يا ابني الحبيب همومك ومشاكلك دي انا فاهمها كويس واتمنى انك تكون ماشي كويس في شغلك وبتحافظ على صحتك المهم اوعى تتجوز امريكانية حاول على قد ما تقدر تتجوز بنت مصرية وجاليتنا في اميركا كبيرة نشكر ربنا بس تكون من بيت كويس يعني وانت فاهم لما تتجوز ويكون في حب وتفاهم الملل والزهق بتاعك هيروح والفراغ النفسي هيتحسن وهتحس بسعادة كبيرة لان الوحدة فعلا في الغرب كابوس كبير تربية الولاد مشكلة فعلا واقترح عليك في مرحلة المراهقة انهم ينزلوا لمدة سنة واحدة مصر وده مهم قوي انا عملت كده مع ولادي عشان يعرفوا الناس في بلدهم عايشين ازاي وان الاباحية دي مش صح وان الشذوذ ده مش حرية شخصية المشكلة ان المدرسة والمجتمع بيحطلهم standard غلط لحاجات كتير وكونهم يشوفوا مصر ويعيشوا فيها فترة ولو قليلة عيشة وحياة مش مجرد اجازة ده بيصحح حاجات كتير ومهم جدا المهم بس انت حاول تتجوز وعيش حياتك بالطول والعرض ومتكتأبش يا رجال دانت في عز شبابك والحياة قدامك والدنيا مستنياك ربنا معاك يا حبيبي ..
|
|
#5
05-05-2009
|
|||
|
|||
|
مشاركة: انقذونى من الاضطهاد المهلك
إقتباس:
ربنا يخليك ليا يا رب افكارك جميلة بخصوص تربية الاولاد و فكرة اني اخدهم يعيشوا في مصر سنة و اللا اتنين. انا لو اقدر اتجوز دلوقت كنت اتجوزت، و لكني مازلت طالب في الجامعة و عايش علي قروض الحكومة الفيدرالية يعني من الاخر عيل صايع في نظر اي بنت مصرية. يعني انزل مصر اقول للبنات العرايس ايه؟ انا معايا هاي سكووووووووووول و لسه طالب في الجامعة؟ و لو اي بنت رضيت بيا من مصر اكيد هتبقي بنت نص نص. فمن الافضل ليا ان انتظر سنتين بعدما اتخرج و ابقي عريس محترم هههههههه و ساعتها فرصي في الجواز من فتاة مناسبة هتزيد، لأني عندما تأتي للبنات فاني ميعجبنيش العجب و الا الصيام في رجب. اما بخصوص بنات الجالية المصرية هنا، فمع احترامي الشديد لهن، فمعظمهن تأمرك قلبا و قالبا. تسيطر علي الكثيرات منهن الثقافة الامريكية التي غالبا ما تكون مدمرة للتكوين المتماسك للأسرة. خاصة ما يتعلق بافكار المساواة المطلقة مع الراجل و انها تحط راسها براسه و كل الكلام الفارغ ده، و ده من وجهة نظري قد يؤدي الي الطلاق يوما ما، و هذا جل ما اخشاه. انا عايز بنت مصرية اصيلة لم تفسد و لم تتعرض للثقافة الغربية بوجه عام و الامريكية تحديدا. تحياتي
__________________
كل من يشرب من هذا الماء يعطش ايضا (يوحنا 4 : 13) آخر تعديل بواسطة Aphex ، 05-05-2009 الساعة 10:32 AM
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| انا مسيحي اعاني من الاضطهاد ......(مدموج) | vandam_33 | المنتدى العام | 8 | 14-03-2008 01:26 PM |
| قناه امريكية تتكلم عن ابونا زكريا و الاضطهاد في مصر | the way | المنتدى العام | 37 | 27-02-2007 07:58 PM |
| وصل الاضطهاد للاقباط فى مصر الى كل مكان حتى شركات القطاع الخاص | جون المصرى | المنتدى العام | 2 | 14-09-2006 08:24 AM |
النمط الشجري
