كارثه لعملاء انترنت فودافون و تى داتا و لنك

[just_jo]

وجارى تعديل الاسعار فى جميع الشركات على حسب اعلان وزارة الاتصالات المصرية اللى اجبرت الجميع على تخفيض الاسعار ابتدأئا من اليوم .

ملحوظة مهمة جدا ركزوا عليها ..
كالعادة ودا شئ مش جديد .. الحكومة المصريسة لما نزلت الاسعار حطت حاجة تنكد علينا .. والمرة دى عملو ((سياسة الترشيد)) ..

مفهوم سياسة الترشيد :
سياسة متبعاها الدولة لمنع نظام الوصلات وتبادل النت عن طريق التوزيع مرة اخرى .. طيب الدولة ازاى هتعرف ان انا مثلا موزع من الراوتر او من سوتشات خارجية ؟؟ طيب المصرى هو ابو الاختراعات وعلشان كدة عملوا زى نظام عداد لكل خط وهيتم حساب نسبة التحميل وحطوا حد معين للحطوط لو تحاوزتة يتم وقف الخط او تحويلة ل 64 kbs فقط .

الحد الموضوع من الشركة هو 100 جيجا وفى احتمال تقليصة ل 75 جيجا .. يعنى لو خط مثلا 2 ميجا وفية 20 مشترك زى ما معظمنا عندة وكل واحد حمل مثلا فى اليوم 3 جيجا الخط هيتوقف فى نص الشهر .
على كل حال هى خطوة كويسة جدا وفيها نقلة كبيرة لكن بالنسبة للمدن والمحافظات مش هتستمتع بالعرض دا اوى لان معظم المحافظات السنترالات عندها لا تحتمل خطوط اكبر من 2 ميجا .

------------------

بالنسبة لاصحاب لاسرعات البطيئة الخاصية دى مش هتأثر عليهم خالص لان مهما حملت مش هتقدر توصل للحد النهائى .. المشكلة كلها لاصحاب الخطوط ال 2 ميجا ونات طالع .. وخاصة لو عدد المشتركين فى الخط اكتر من 10 لان فى الحالة دى احتمال كبير جدا يوصلو للحد النهائى فى فترة قليلة جدا ..

------------------