في ذكري أحداث الاسكندرية

[مواطنة]

بعد التحية أستاذ/morco
الدستور مرة واحدة وبعد ما أقول رأي احنا بندور على حاجة ملموسة نقدر نغيرها بأدينا

أما بالنسبة لموضوع الأمن بأمانة أنا مشفتش حاجة زي كده أنما ما أراها أمام عيني
في المكان الذي أعيش فيه أن العساكر بيقفوا أمام الكنائس 24 ساعة حماية وفي زي سور أمن أمام الكنيسة المسيحين بيدخلوا عادي يصلوا
ممكن المنع له أسباب
ممكن تشرحلي حصل ليه المنع؟

أما بالنسبة للمعاملة دي أهم حاجة بالنسبة لي لأن دي الحاجة التي فعلا ممكن نغيرها
فكر معايا
زمان كان الديانتان بنفس المبادئ ليه لم يكن يوجد نفس التعصب من كلا الطرفين؟؟
لأن دلوقتي في هجوم غير طبيعي من الغرب على الاسلام
من قتل لمواطنة مصرية مسلمة في ألمانية(مروة الشربيني)
ورسم صور مسيئة للرسول (صلى الله عليه وسلم)ومش كده بس والمتاجرة ببيع الصور
وتعذيب للمسلمين في سجون الغرب (سجن أبو غريب)
ولما ألمانيا تعمل نشيد للكرة في عبارات مسيئة للرسول
ولما ولما....
لما المسلمين يشوفوا كدة طبعا رد الفعل متوقع حيكون أيه بس الحاجة التي تفوت عن أذهانهم أن المواطنين المسيحين في مصر ملهمش دعوا والأنتقام يكون من صاحب العمل ومن واجبكم أنكم توضحوا لنا أعتراضكم على هذا ودي وسيلة الغرب عشان يسحنا على بعض
احنا 80 مليون عندك كم واحد متعلم منهم؟؟؟؟عشان يفكر كده من كلا الطرفين
ولكن للأسف في منكم ماحدث للمسلمين هم فارحين بيه وعينة منهم الموجودين على الموقع ده وحضرتك بتشوف المداخلات والكلام
البابا شنودة راجل محترم يوم الصور أعلن غضبه عليها و نريد أن تساندوه وبينولنا أنكم بتحبونا عن حق لأنه عايز يحقق ما نتكلم عنه
وعشان مفيش حد من المسيحين أو المسلمين عايز يفهم وهو ده التعصب
حنفضل كده
دى رأي أن المشكلة حلها بأيد الطرفين
أما ماحدث في أي مكانا كان أكرر أعتذاري كصفحة جديدة للبدأ من جديد
وأعتذاري مش ضعف
ولو قلتلي بجمل الاسلام ومفهمتش رسالتي زي أستاذ/agent smith 3
ما قدرش أقول غير الحكاية حتقفل على(يا أبو زيد أكنك ما غازيت)
وبكرر لو كل واحد طبق دينه صح (المسيحية أو الاسلام)
وميهتمش بكلام الغرب ويفهم أنهم مش خسرانين حاجة وبعمايلهم لو سمعنلهم احنا الذين سوف نخسر بعض
حقولك حكاية حصلت لي شخصيا (شخص رايح أسيوط لكلية الهندسة وبيدور على سكن عشان الدراسة ولما سأل في بيت قالوا له في غرف فاضية للتأجيرلما دخل قالوا له ما أسمك
قلهم فلما طلع مسلم قالوا له بالنص(مفيش عرف فاضية ياحبيبي))على فكرة كان أخويا
دى مثال للتوضيح أن في تعصب من كلا الطرفين والمفروض أنه مرفوض من كلا الطرفين
والسلام عليكم ورحمة الله وبركاته