يا حوسة ملحوسه : مبارك مات في 2004

[net_man]

طبعا فى حاجات تلخبط .... يعنى شوفوا الخبر ده :

بالصور شاهد شبيه مبارك يؤدي دوره في فيلم وثائقي عن الساعات الأخيره بالقصر

بعد بحث طويل، عثر فريق عمل الفيلم الوثائقي "الليلة الأخيرة في قصر الرئيس" علي شبيه للرئيس السابق حسني مبارك، ليؤدي دوره في الفيلم الذي يتناول الساعات الأخيرة قبل مغادرة الرئيس السابق قصر الرئاسة في 11 فبراير الماضي.

المفارقة أن "دوبلير مبارك" لا يشبهه في الشكل فقط، لكنه أيضاً أحد أبناء محافظة المنوفية، فضلاً عن اسمه "سعيد مبارك"، الذي اعتبره شبيه الرئيس السابق عبئاً ثقيلاً عليه، حيث يتعرض بسببه لتعليقات ساخرة، لدرجة أن البعض طالبه بتغيير اسمه بعد تنحي الرئيس، إلا أنه أكد اعتزازه باسمه الذي وٌلد به ولم يستفد منه أيام الرئيس.

وقال "مبارك الدوبلير": "كنت الأقرب شبهاً للرئيس مبارك منذ توليه منصب نائب الرئيس، لكنني تعمدت البعد عن وسائل الإعلام، خاصة بعد تنحي الرئيس"، مؤكداً أن هذا التشابه كان يعرضه لمواقف "ملهاش لازمة".

وأكد مبارك الشبيه أنه تلقي عدداً من العروض لأداء شخصية الرئيس في أفلام، وليس لديه مانع من الظهور، بشرط أن يكون العمل جاداً وموضوعياً ولا يحمل إهانة للرئيس السابق أو تجميلاً له.

وقال أحمد فتحي، مخرج الفيلم - بدأت الإعداد له منذ الإطاحة بالرئيس مبارك، لكن كانت المشكلة الكبري تضارب المعلومات حول الساعات الأخيرة في قصر الرئيس، لكنني تمكنت من تجميع معلومات من مصادر مختلفة تحكي ماذا حدث قبل مغادرة الرئيس، والمشكلة الثانية - حسب فتحي - هي من يقوم بدور الرئيس، لكن التشابه بين "سعيد مبارك" والرئيس السابق شجعه علي مواصلة العمل.


كما ان هناك اكثر من شبيه :

[المعلم يعقوب القبطى]

سئل أحدهم أعتقد كان محمد عبده
عن السياسه فقال
ألا لعنه الله على السياسه
ولعنه الله على سَاسَ وسَائس ويَسوس ومَسوس

وشغل اللعب على عقول الشعب المصرى ولهوه بملاعيب شيحه وشغل حلمبوحه وسيده العمشه وسميره صديقه الطلبه

الحاوى لعب فى الجراب وطلع للشعب المصرى حكايه الدوبلير
وشويه ها يقولك فين الكتكوت ويطلع الكتكوت من ودنه
وبتاع التلات ورقات يقولك فين السنيوره

[BIANCO]

الشبه قد يكون كبير جدا في الملامح و تقسيم الوجه و شكل الدماغ .
لكن الصوت وطريقة الكلام الرخمة و النطاعة و العجرفة فالحق يقال البقرة الضاحكة ليس له شبيه و لا مثيل

[net_man]

حبيبى المعلم يعقوب القبطى مشكور على مرورك الكريم

المشاركة الأصلية بواسطة BIANCO

الشبه قد يكون كبير جدا في الملامح و تقسيم الوجه و شكل الدماغ .
لكن الصوت وطريقة الكلام الرخمة و النطاعة و العجرفة فالحق يقال البقرة الضاحكة ليس له شبيه و لا مثيل

بجد نكته

بس لان كل شىء جايز ممكن يقول دا واكل سد الحنك

[elmafdy]

يا نت مان يا حبيبى أنت بتصدق برضه الهجايص دى

أنا بحكم معرفتى بيك متأكد انك مش مصدق الكلام ده , بس بتنشره من اجل انك تشركنا فى خبر طريف قريته و حبيت اننا نعرفه احنا كمان .

بتاع الجولوجيا ده واضح ان طبقات الأرض المختلفه عملت له بارومه فى دماغه و خلته يهرتل , او يمكن يكون بيضرب صنف عالى أخر حاجه بيخليه يعمل دماغ صح .

لو مبارك مات من 7 سنين زى ما بيقول الاخ بتاع الجيولوجيا ده , يبقى كان ليه التمسك بالدوبلير و الحرب من اجله , ما كان ممكن الوزاره تضحى بيه فى الوقت المناسب و يحافظوا على مناصبهم و كراسيهم , و ازاى كان الاخ الدوبلير ده عايش مع سوزان و ولاده فى بيت الريس و بيتصرف عادى جدا كده , و ازاى ما حدش من اللى عارفين الحقيقه دى اداله كتف و مسك الحكم بداله.

غالبا أخونا بتاع الجولوجيا ده اتفرج على مسرحية الزعيم و نام بعدها من غير ما يغطى ضهره كويس , قامت قلبت معاه من مسرحية الزعيم لمسرحية تخاريف .

المعلم يعقوب القبطى كتب:

الحاوى لعب فى الجراب وطلع للشعب المصرى حكايه الدوبلير
وشويه ها يقولك فين الكتكوت ويطلع الكتكوت من ودنه

هو انا غبت عن مصر كتير قوى كده ,
اصل على أيامى كان الكتكوت مالوش ودان يتمسك منها
كان الحاوى بيطلع أرنب يمسكه من ودانه مش كتكوت

كده عليك واحده يا حبيبى يعقوب .

المفدى

[makakola]

الراجل طلع زي الأسد ما عندوش حتى زكام

صوته على العربية نفس صوته أيام العز