العصيان المدني ... محمد عبد المجيد ...(مدموج)

[knowjesus_knowlove]

المشاركة الأصلية بواسطة sammy

أنا أعترض... لأن نجاح العصيان المذكور أبشع من فشله... لأنه فى حالة نجاح العصيان أو حتى تبشيره بإمكانية النجاح سيدفع مبارك والمستفيدين للتحالف مع الجماعات الإسلامية وهاتبقى قصة مهببة بستين نيلة وساعتها الأقباط بس هما اللى هايقعوا فيها... عاوزين تعملوا عصيان مدنى ولا حتى انقلاب ماتعملوش حساب الأقباط إحنا اللى فينا مكفينا...

المشاركة الأصلية بواسطة sammy

أحب أقوللك ياسيد محمد نحن الأقباط لا نطلب العدل لأنه مستحيل مع مجتمع كالمجتمع المصرى الآن...
نحن فقط نطلب المساواة فى الظلم...
وهذا أقصى أمنياتنا...

المشاركة الأصلية بواسطة zagal

اللى كتب المقال هو من خارج مصر وبالتالى لو اصاب المتظاهرين مكروه لن يصاب هو باى ضرر ..

اللى ايده فى الميه مش زى اللى ايده فى النار.
وزغردى ياللى مانتيش غرمانه ..

ولعها ... ولعها ... شعللها ... شعللها

المشاركة الأصلية بواسطة fayoumy

المحترم الاستاذ محمد عبد المجيد

دعوتك للعصيان المدنى دعوه وطنيه صادقه و قويه....لا شك في ذلك علي الاطلاق...ولكن توقعك من الأقباط ان يكونوا من اول الملتزمين بالعصيان هذا شئ أخر...السبب واضح و بسيط...انا وانت والجميع نعرف تماما انه في موقف كهذا اول ناس يتعاقبوا بقسوه هيكونوا الأقباط لأنهم دائما كبش الفداء وهيكون هناك حجه للمتعصبين لمهاجمتهم ...سبب أخر هو الأحتمال القوى جدا ان الأخوان يسيطروا علي الحكم بسبب هذا العصيان ويبقي زى اللي جه يكحلها عماها...لا بد للأقباط من ضمان قوى واكيد ان مصر هتكون دوله ديموقرا طيه ليس فيها سياده لدين علي دين أخر وهناك ضمان لحقوق كل المواطنين

المشاركة الأصلية بواسطة pharo of egypt

موقع غبى .. لا يعطى إلا أنصاف الحقائق .. موقع أسلامى عنصرى المعدن متخفى خلف قناع ليبرالى (حاجة زى غربان الشمال) .. بهدف الوصول للسلطة .. وعندما يصلوا إليها يتحولوا إلى وحوش كاسرة أسوأ من سابيقيهم

مقياس أمانة ومصداقية من يتكلم عن أصلاح مصر هو فصل الأسلام تماما عن الدولة وأحلاله بديموقراطية علمانية مبنية على أساس المساواة بين جميع فئات الشعب

غير كده أنتم تسعون خلف أوهام وسراب )nop) (يادى المصيبة .. بتجيبوا سيرة الهباب ده تانى ليه؟) (bay:)

تحيات بلبل الجنوب

المشاركة الأصلية بواسطة zagal

انت فين ياعبد المجيد ...

ياترى ايه الاخبار .... ضيعت الناس و وقفت تتفرج عليهم من بعيد ؟؟؟؟

المشاركة الأصلية بواسطة karam

بعد إيه يا أستاذ محمد :

كلام جميل مقدرش أقول حاجة عنه ؛ لكن جاي متأخر جداً ؛ فالنظام المصري المخابراتي الذي يملك خبرات مؤامراتية كثيرة علي مدي عقود كثيرة من الزمن منذ ثورة ( العسكر ) هذه الثورة التي كنت أحترمها قبل أن تظهر أمامنا مساوئها التي تفوق حسناتها والتي لم يتحقق منها أي شئ علي الاطلاق ؛ المهم :

ما تريده باختصار هو أن يتكاتف الشعب المصري وهو ما تطالب بهِ منذ زمن وكل عام تقريباً وفي نفي هذا الوقت 6 أبريل ؛ الانتفاضة الشعبية الكبري والعصيان المدني الكامل .

هذا الأمر مستحيل الان وهو من أكبر المستحيلات علي الاطلاق ؛ وذلك في ظل وجود جماعة الاخوان التي أصبح عدد أفرادها ممن يحملون كرنيه العضوية بها إلي حوالي ثلاثة ملايين كما ( سمعت ) وأنا أسف لترديدي هذه الكلمة ( سمعت ) ولكن هذا الكلام ظاهر امامنا عملياً ؛ وهذا أيضاً غير التابعين للجماعة فالثلاثة ملايين لهم أتباع أخرون غير مسجلين رسمياً في كشوف الجماعة ولكنهم يعتبروا صف ثاني وهؤلاء يفوق عددهم علي الخمسة عشر أو عشرون مليوناً فكل فرد مسجل له من خمسة إلي عشرة أتباع ومشايعين له ؛ والدليل علي ذلك هو انتشار الحجاب بنسبة مئة في المئة وتحول الكثير من المحجبات إلي النقاب .

فلو حتي تكاتف الشعب المصري ونجحوا في ما تريده يا أستاذ محمد وهو ما يحتاج إلي المصريين الأن لينقذهم من أهوال حكم مبارك وعائلته في المستقبل ؛ فهل سيسكت الاخوان عن المطالبة بالحكم بل الاستيلاء عليه بالقوة ؟؟؟

هل تعرف ان الاخوان ينتظرون المبادرة من الشعب المصري في إضعاف النظام بحركة مثل التي تطرحها سيادتك علي المصريين حتي يضربوا ضربتهم ويستولوا علي الحكم ؟؟؟؟

وحينها سيندم الشعب المصري علي ما فعله لأنهم سينتقلون من السيئ إلي الأسوء والأسوء .

لماذا سكت أنت كل هذه المدة منذ خروجك إلي النرويج ولم تطرح رؤياك منذ زمن ؟؟؟

أنا أسف فالعيب ليس منك فالعولمة التي تأخرت علينا وعلي شعوبنا المقهورة وهذا التأخير كان من مخططات النظام حتي لايقف في مواجهة مع شعبه أو حتي يضيع عليه فرصة التنوير والدخول في لعبة السياسة وابداء رايه في ما يحدد مصيره ؛ وهذا هو ما أراده النظام لهذا الشعب .

فقد تأخر ندائك كثيراً وضاعت الفرصة والحل الان ليس في يد أحد غير إله السماء .

المشاركة الأصلية بواسطة ديديموس

من يومين وأنا قاعد بفكر في حالي
طقت في دماغي فكرة
قلت ايه اللي هيحصل لو الإخوان مسكوا البلد؟

أنا في نظام مبارك ممكن أعمل التالي :
1- أقول اللي عايزه من على الانترنت ولا مخلوق هيفكر أصلا يدور عليّ - فيه حرية تعبير بس محدودة
2- ممكن أنتقد الإسلام ورسول الإسلام براحتي - وأمن الدولة ولا المخابرات بيهمهم الحاجات دي أصلا وهيطلعوا عيني لو اتكلمت في السياسة بس
3- أعرف متنصرين أمن الدولة عارف انهم متنصرين بيضيقوا عليهم وبيراقبوهم بس محدش فيهم اندبح
4- رغم المعاناة الشديدة اللي بنعانيها عشان نبني كنيسة فمع ذلك بنبني من وقت لآخر

ايه اللي هيحصل لو مسكوا الإخوان البلد؟

1- تبقوا قابلوني لو عرفنا نبني كنيسة، ده إذا ما هدوش كنايس وقتلوا كهنتنا لرفضهم الإعتراف بنبوة محمد
2- تبقوا قابلوني لو عرفتوا تخشوا على الانترنت - كل المواقع هتتقفل وأولها المنتدى ده - بحجة أنه بيقول كلام مش كويس على محمد
3- تبقوا قابلوني لو لقيتوا أكل في البلد لأن جراد الإخوان هيحولوها للسعودية وتخرب مصر وتحيا مكة والمدينة
4- هيفلتروا الإنترنت واللي هيكتب كلمة زي مثلا "الإسلام كخة" هيدبحوه في ميدان عام عشان يبقى عبرة لمن لا يعتبر (بيحارب الله ورسوله)
5- هيبقى فيه عهد جديد من قطع اليد والرقبة والرجم ما شاء الله الشريعة الإسلامية السمحاء
6- تبقوا قابلوني لو متنصر عاش لحد تاني يوم من معموديته هيدبحوه ويولعوا في الكاهن والكنيسة والشعب اللي فيها
7- يمكن يخلونا ندفع الجزية

وفي هذا أنا أؤيد الكنيسة تماما في موقفها من تأييد نظام مبارك - مع إنه نظام غبي وفاشل وديكتاتوري وزبالة - لكن لازال أحسن من نظام الإخوان

ولو اتفتح الموضوع على البحري صدقوني الإخوان هم اللي هيكسبوا
لأنهم ممكن يجمعوا الآلافات في دقيقة تحت اسم القرآن قال ومحمد قال والناس جهلة غبية أمية بيصدقوا أي حد بيتكلم في الدين

المشاركة الأصلية بواسطة knowjesus_knowlove

فى خبر عاجل

أعلنت وكالات الأنباء الأسوشيتيدبرس عن نجاح حركة العصيان المدنى فى مصر وقلب نظام حكم الرئيس المصرى حسنى مبارك وفراره إلى أمريكا
وقد تجمعت الجماهير العاصية حول قصر القبة إنتظارا لوصول الزعيم والقائد الملهم بالعصيان فضيلة الشيخ طائر الشمال محمد عبد المجيد قادما على جناح السرعة من منفاه بالنرويج


وسنوافيكم بالمزيد من الأنباء لاحقا

إنتم فين ياعقلااااء الأقباط ؟؟؟

كل تحذيراتكم راحت على فشوش بسبب بعض الأقباط السُذج الذين إنضموا لثورة الخراب ....
ياااااخساااااارة ...