رئيس الجهاز المركزي للتعبئة والإحصاء: لـدينـا 2869 كنيســة و108395 مسجداً

[elmafdy]

عندنا اكتر من 108 ألف مسجد , ده طبعا غير عشرات الالاف من الزوايا و المساجد الصغيره بتاعة الاهالى و اللى تحت العمارات اللى مش داخله فى الحصر, و اللى ما تقلش عن 100 ألف تانى , فى مقابل حوالى 2800 كنيسه , يعنى النسبه ما توصلش لأتنين فى الميه او أقل . . . .

بينما احصائيات الكنائس بتقول أن تعداد الاقباط ما يقلوش عن 12 مليون جوه مصر , يعنى 15% من التعداد , فى مقابل 2% من دور العباده .

علما بأن الكنيسه هى المكان الوحيد اللى ينفع يتعمل فيه القداسات و الصلوات المختلفه سواء فى الاصوام او الاعياد , و هى المكان الوحيد اللى ينفع تعمل فيه اكاليل , و هى المكان الوحيد اللى ينفع يتعمد فيه الاطفال . . . بينما المسلمين بينفع يصلوا فى اى مكان , و ينفع يعملوا مصليات فى كل مكان فى الهيئات و الوزارات و المدارس و الجامعات و حتى محطات المترو .

يعنى الاحتياج الحقيقى للكنائس اضعاف اضعاف الاحتياج للمساجد . . . بس طبيعى ان الشيطان يتفزع من منظر الصليب و يبذل كل اللى فى وسعه علشان ما يشوفش صلبان مرفوعه فوق الكنائس و ما يشوفش ناس بتسبح و تمجد الله و بترشم علامة الصليب او بتهتف هليلويا .

بس برضه أبواب الجحيم لن تقوى عليها .

ربنا موجود

المفدى