حيرة الاعلام المصرى بين النفاق والتطرف

[Mena0064]

يا أخ معتز تقدر تقوللى لية عمرو بن العاص إحتل مصر؟ يعنى لية تعب نفسة و أخد المشوار الطويل دة؟ إذا كان عايز ينقذ الأقباط من الرومان لماذا لم يرحل بعد أن ينظم جيش قبطى يحمى مصر مثلا؟ و إذا كان لنشر الإسلام لماذا لم يرسل دعاة؟ لعلك تعرف إن المسيحية إنتشرت فى مصر على يد رجل واحد.
إية الفرق فى نظرك بين الفتح الأمريكى للعراق و الفتح العربى لمصر؟ أنا بتستفزنى جدا كلمة فتح دى ذى ما تكون مصر دى قزازة كوكاكولا.
و تقدر توللى لماذا دخل المصريين فى الإسلام على حد قولكم أفواجا و هم الذين لم يجف دمهم من مذابح الرومان فقط لأن الرومان كانوا عايزينهم يغيروا إيمانهم قليلا. يعنى كأن عندك عشرة أولاد و جة واحد عايز ياخد واحد من اولادك قلت لة لا و دافعت عنهم بحياتك وبعدين جة واحد تانى ضربلك الأولانى و رحت كافئتة و إديتة أولادك كلهم و فوقيهم المدام كمان! تعقل إزاى دى فهمنى؟
و بعدين لا تخلط ما بين مسيحى و قبطى لأن قبطى معناها مصرى يعنى إنت يا قبطى يا عربى و يا مسلم يا مسيحى، و غالبا أنت قبطى مسلم و أنا قبطى مسيحى، يعنى المفروض تفتخر بقبطيتك و دة دليل قاطع إنت نسيت مين حتى أجدادك و بقت كل حاجة عندك مين مؤمن و مين كافر. يعنى لما إحنا شعرنا يشيب دفاعا عن حقوق الأقباط و المساواة بين كل المصريين إحنا فى الواقع بندافع عنك و عن كل مصر قبل ما التخلف يموت ولاد بلدى من الجوع، و إنت جاى تهاجمنا.
وبعدين جبت منين الكلام الخرافى عن طرد المسلمين فى المانيا و إيطاليا طب هاتلى دليل واحد إن التفرقة بالدين و أنا أرفع لك قضية تعيش منها كل حياتك مليونير، إية رأيك إن أنا كنت فى المانيا وقت سبتمبر المشؤوم و الناس قلبت الدنيا لما بوش هاجم أفغانستان، والألمان طلعوا بالآلافات إحتجاجا فى مظاهرات قفلت البلد يوم كامل، أما الشرق الأوسط و بالذات مصر قعدت الناس تستنكر و بس و إللى عايز يقوم بواجب طلع غلة فى الأقباط المسيحيين و كأننا المسؤولين عن فعلة ال**** بن لادن و عن تصرفات الأمريكان.
بصراحة ساعتها قعدت أتخيل، لو كانت الدول الإسلامية هى الأقوى عسكريا و قام شخص أمريكى بجريمة مثل التى قام بها ال**** بن لادن فى مصر مثلا ساعتها ما سيكون شكل الإنتقام المصرى؟ و هل كانت السعودية تقوم فيها مظاهرات إحتجاجا مثل ما قام فى أوربا؟ يا سيدى إنت بتتكلم فى إية بس! حاجة تقصر العمر...