أمريكا تؤيد حظر نشاط "الإخوان المسلمين" في مصر

[elmafdy]

اخوتى المسيحيين فى المنتدى
لى زميل و صديق مرشح للكهنوت , هو حاليا مهندس فى موقع و يذوق المر فى عمله من مجهود لتوتر لأرهاق لشد عصبى لشمس لتراب لكل الوان البهدله , كنت اتحدث معه عن انه سيصبح كاهنا و ينال من العز و التكريم و ربنا ها يتوب عليه من الهندسه و البهدله , ربنا يوعدنا , فكان رده لى فى منتهى العمق , اذا قال لى " انت دلوقتى مسئول عن نفسك بس و ها تتحاسب عن نفسك بس , انا بقى ها اقف قدام المسيح فى يوم الدينونه اقدم حساب وكالتى , شعب كنيستى بالكامل , ناس ما اعرفش اساميهم و ناس ممكن اكون شفتهم مره واحده , او حتى ناس سمعت عنهم و ما شفتهمش , كل دول ها اتسأل عنهم , كل واحد فيهم ضاع او ضل انا ها اتسأل زيه بالظبط , شفت بقى انا فى وضع صعب أزاى "
انا أردت ان اقدم هذا الحوار بنفس كلماته لاخوتى الذين يدمنون الصفه المصريه الشهيره و هى نقد الحكام و الرؤساء فى كل المجالات , متخيلين ان الامر بتلك البساطه التى يرون بها الامور , و أود ان أسألهم , هل لو انت فى مكان البابا شنوده , ما هى الامور التى ستفعلها و هو لم يقم بها , هل ستأخد موقف اكثر تشددا مع الحكومه و رجال الدوله , و اذا كانت نتيجة ذلك عمليات ارهابيه قتل فيها عشرات المسيحيين فى اى مكان نائى داخل مصر , فالكنيسه لا تمتلك اى قوه بوليسيه تدافع بها عن نفسها و لا عن رعاياها , هل ستتحمل ان تسائل عنهم , بالتأكيد البابا شنوده منذ ترك العالم و لبس ملابس الرهبنه قد مات عن العالم , و بالتالى لا يخشى شيئا و أى موقف يأخذه لا يكون بغرض خوفه على نفسه مثلا او طمع فى رضا اى جهة ما , صدقونى يا أحبائى ان مثل هذا المنصب مسئوليه تنوء تحتها الجبال .

ملحوظه اخيره :عزيزى بوبا , انا فى الحقيقه من مواليد القاهره و لم أزر اسيوط سوى مرات قليله , لكن ما اعرفه ان جدودى كانوا يسكنون فى شارع يسمى شارع الهلالى , هل تعرفه يا بوبا ؟؟؟

و الرب يبارك و يهدى الجميع

المفدى