اهداء

المشاركة الأصلية بواسطة Mena0064

أخى ساويرس، إجابة سؤالك بسيطة، إحنا عشمنا فى الكهنة كبير لكن عشمنا فى حكمة قداسة البابا أكبر الف مرة. ثانيا أنا شخصيا لا أندهش لما كاهن يغلط لأن بصراحة الكاهن متزوج و لة أولاد و علية ضغوط مادية و من حقة يخاف على أمن زوجتة و أولادة فلا أتعجب كتير من أخطائهم. أما من وهبوا نفسهم للكنيسة زى الرهبان و الأساقفة و على رأسهم قداسة البابا فلا أفهم بيطمعوا فى إية و لمين؟ لا عندهم عيل ولا تيل و المفروض يعبروا عن رأى الشعب و يدافعوا عن مصلحتة ببسالة.
لما ييجى رأس الكنيسة و يقول كلام زى دة عايز باقى الناس تعمل إية؟

الكهنة رعاة ، وتحت ايديهم شعب ، بمعنى أنهم رأس شعب كنيستهم وممثلهم
الكاهن رجل الله ، أعطى حياته لخدمة المسيح وشعب المسيح ، سواء كان متزوج أو لا ، فهو من الاكليروس ، ومش هتفرق اذا كان من يتدخل في السياسة من الاكليروس كاهن أو راهب أو أسقف أو مطران أو بطريرك حتى ، فكل منهم راعي بشكل ما
الكاهن بشر والبطريرك بشر يا أخ مينا ، لا تنتظر أن يخطئ الكاهن وتعصم البطريرك

المشاركة الأصلية بواسطة Mena0064

هل تفتكر إنى فرحان بإنتقاد البابا أو مستنى لة ع الواحدة؟ هل تفتكر إنى بدور على جنازة علشان أشبع فيها لطم؟ صدقنى ما حدش غاوى نكد. بس للأسف النكد جاى لحد عندنا و من مين من راعى الرعاة زى ما إنت قلت.
أنا نفسى أعرف يا ساويرس هل إنت مقتنع فعلا إن قداسة البابا لم يخطئ بتاتا فى مسلسل ترشيح مبارك ده؟ من أول الورقة اللى مكتوب عليها "المجمع المقدس" إلى التذلل لمبارك فى إختيار الكلمات إلى نشر هذا فى الكرازة؟ هل إنت فعلا عقلا و باطننا مقتنع بأن ده يصح و يليق مع مهابة الجالس على كرسى مارمرقس؟

هنا نتفق على حاجة
سواء أخطأ أو لم يخطئ ، الموضوع ده ما يفرقش معايا ، لأن المسيح هو الديان ، ولن أتجرأ إني آخذ مكانه
ولو عملت زي بقية الأقباط وقلت ان البابا أخطأ ، كده كأني بكسر كنيستي وأفضحها وأقول للناس احنا مش صف واحد
طيب ليه؟؟ طالما ان عندي البديل السلمي الحضاري للاعتراض ، وهو الانتخابات
أنا أصلا محدش فرض علىّ حاجة
ولا قداسة البابا ولا أي من المطارنة والأساقفة وأنا حر في اختياري
ليه بقى الادانة؟؟؟؟
انا لازم أحافظ على كرامة كنيستي ولو كلفني كده دمي ، وما اسيبش الفرصة للمتسللين مهاجمي العقيدة انهم يتدخلوا في النص
ربنا معاك يا أخ مينا