انتخبوا أيمن نور و لا تنتخبوا مبارك

المشاركة الأصلية بواسطة eljaoaga

بعد ازنك يا اخ ساويرس---- الاخ ياويكا تدخل الكنيسه سببه الاول والاخير ضعف او انعدام الوجود السياسي للاقباط فلو فيه وجود سياسي قبطي فعال في مصر لكان دور الكنيسه محدود جدا -- ولاكن الان الكنيسه تلعب الدوريين-- ففي الناحيه الدينيه لا خلاف -- اما في السياسه هنا المشكله -- فالعيب فينا - والكنيسه بدورها عن قناعه او عن ضغط او عن تفادي للمشاكل- اخدت هدا الموقف -- انا شايف ان العيب فينا كمدنيين مش قادرين نواجه الموقف من غير الكنيسه -- الحل فينا ازاي ده المهم بيننا لازم يكون الحل سلام المسيح

رأي ممتاز
وسبق وقلته
المسلمين بيقسموا المجتمع كله على حسب الدين
لذلك بيعاملوا الكنيسة على انها هي المتحدث الوحيد باسم الأقباط جميعهم
لذلك ممكن يضغطوا على الكنيسة وممكن يهددوا الكنيسة بحاجات كتير ، حرق كنايس ، مذابح للأقباط ، فضايح ، .... الخ الخ ، سياسة قطاع الطرق يعني ، عشان ياخدوا اللي عايزينه
الحل ، عايزين واحد قبطي من الداخل يكون عنده روح القيادة ، ويقدر يتكلم باسم الأقباط بدون خوف ، عشان يخفف من الضغط الحكومي على الكنيسة ، وأفضل انه مايكونش من الاقباط الأرثوذكس ، عشان الحكومة ما تضغطش على الكنيسة باصدار قرار بحرمانه أو حاجة
فيه حل كمان ، نختار حزب من الأحزاب يوافق مبادئنا ، وليكن حزب مصر الأم ، ونتكتل فيه ، بحيث نخليه مع الوقت ، الناطق باسمنا سياسيا ، ويتحدث مع الحكومة ويفاوضها باسم الأقباط
ايه رأيكم؟؟