01-11-2005
|
|
Moderator
|
|
تاريخ التّسجيل: Dec 2004
المشاركات: 1,705
|
|
أخى العزيز غلاباوى
الفار كان فى جزيره و اخر مركب ممكن يروح فيها مشيت و ماكانش عارف يروح ازاى , قام التمساح قال له " اركب على ضهرى و انا اوصلك " , الفار خاف و قال له " انت اكيد ها تاكلنى " , التمساح وعده و حلف له انه مش ها ياكله , و فعلا اتفقوا و الفار ركب على ضهر التمساح و ابتدوا يعدوا الميه , و هما ماشيين التمساح قال للفار " بطل تعفر عليا تراب يا فار" , قام الفار قال له " اعفر ايه , احنا فى البحر " , قام التمساح قال له " اهى لماضتك دى هيه اللى ها تخلينى اكلك " .
مش عارف انت اليومين دول مقضيها لماضه و غلبه مع الناس كده ليه , فين يا عم الكلام الحلو و الاراء الناضجه القيمه بتاعتك , و لا اقتنعت زيى ان التهييس هو اللى ماشى اليومين دول .
عموما كل سنه وانت طيب و اتمنى لك عيد سعيد انت والعائله الكريمه , و ما تتقلش فى الكحك علشان يفضل لى حاجه تعزم عليا بيها.
المفدى
|
النمط المتطور