دير الانبا انطونيوس - القصة الحقيقية للمباحاثات

[iwcab-11]

الحقيقة الموضوع غامض .. هل الموضوع موضوع سور وأرض ، طيب مساحة الأرض دى قد إيه ؟ لأنهم بيقولوا بقالهم 10 سنين بيبنوا السور ، متهيألى المحافظ السابق حب يورط الدير برفض بيع الأرض علشان ما يقولوش ده ساعد الدير
وألا الموضوع إن الحكومة عاوزة تستولى على المنطقة وتديرها لحسابها ؟
دخلت موقع الأهرام علشان أشوف كاتبين إيه ومن الباحث جاب نتائج من سنة 99 وبتقول إن هيئة الآثار من فلوس المعونة الأمريكية صرفوا 16 مليون جنيه على ترميم الدير
فالمفروض اللى يعرف أصل الموضوع يكتبه علشان الناس تفهم لأنه فيه غموض رغم كل الرسائل المكتوبة دى

[knowjesus_knowlove]

فى قوانين الإنفتاح الإقتصادى أيام السادات أن الأرض تملك لمن يعمرها ولهذا قام العديد من المستثمرين بتعمير بعض الأراضى الصحراوية والتى تملكوها بوضع اليد. وأنا لا أرى أى فرق بين هؤلاء المستثمرين وبين رهبان الدير الذين عمروا هذه المنطقة إذا نظرنا إلى الأزمة القائمة من وجهة النظر القانونية.........

[sammy]

انت ياعم يوساب عاوز تنقطنا ولا حاجة؟
حكاية ايه اللى عاوز تعرف اصلها وفصلها؟
موضوع غامض والارض قد ايه واسئلة بصراحة كده تجيب الضغط اكتر مما هو فعلا موجود.
تعرف ابنى مرة شاف اخوه بيتخانق ولم يساعده ولما سألته ازاى ياواد تشوف اخوك بيتخانق وماتتدخلش؟
فاللى اصلى ماكنتش عارف ايه الحكاية ومين اللى غلطان؟
قوللى بقه اصل الحكاية وفصلها؟
بقوللك ايه بالله عليك لما مرة يكون عندك تعليق سخيف خليه لنفسك. انا يابنى عندى الضغط ارحمنى.
سلام وهداية من ربنا يكونوا معانا جميعا. والله يحرق كل وسيلة اعلامية زيفت وعى ومشاعر اى بشر.

[iwcab-11]

العزيز الأخ سامى
سلامتك من الضغط وسلامة كل اللى عندهم ضغط ومنهم أنا
أنا عارف إن الموضوع غلس ( موضوع هدم السور ) وإنه ضرب بعرض الحائط كل شىء نعتز بيه
شخصياً مش عارف تفاصيل الموضوع .. اللى عايز أقوله ( مش بالنسبة للموضوع ده ) عموماً يعنى .. إن فيه ناس وكلنا بنستسهل أحيانا إننا نعيش كأبناء العالم وليس أبناء الله وأبناء المحبة
الواجب ( عموماً مش بالنسبة للموضوع ده ) إننا بنعيش بالمحبة وليس لصراع طائفى

[yaweeka]

آه يا النافوخ بتاع الأنا
فينك يا كابيتوك

صراع طائفى؟
فيه ايه يا يوساب بس ؟
هو فين الصراع الكائفى ده؟ يعنى شوية أشاوس بيستعرضوا عضلاتهم على الرهبان العزل وتيجى تقول لى صراع طائفى؟
أما سبت إيه لكذاب الزفة مصطفى بقرى؟

دى صحرا يا عالم , والنبى صحرا والرهبان بيستصلحوها , ايه الغلط اللى عملوه؟
كام واحد من اشاوس البوليس وحرامية مجلس الشعب واضع يده على آلاف الأفدنة فى مناطق تصلح للزراعة ولا يتصدى له أحد؟

بصراحة الرهبان دول طلع رجالة جدا ويستاهلو ان الواحد يبوس ايديهم ع الموقف اللى عملوه ده

عجبنى جدا الراهب الفتوة ده


ينصر دينك بجد , لو كنت معك لكن تضربت الظابط على قفاه وعطيته جديث معتبر لعائشة بالإضافة الى 3 زلطات , بس مش يمسح بيهم زى الرسول , كانوا على دماغ اللى خلفوه

[sammy]

اخى ياويكا
الراهب الراجل انفعل وغضب
المسيح نفسه انفعل وغضب وضرب البائعين فى المعبد
لكن تعمل ايه اذا كان فيه ناس اللى بيجرى فى عروقهم مش دم لكن ميه ساقعة
بالذمة مش حاجة تقرف؟؟؟

[iwcab-11]

أولاً الله يسامحك
ثانياً العمل اللى عمله البوليس عمل شرير جداً جداً .. بس أنا بأسأل .. إيه حجة الهجوم اللى عملوه : سور بدون ترخيص وألا أرض بدون ملكية ؟ أو غلاسة ومضايقة ؟
قالوا إن الدير عرض على المحافظ السابق شراء الأرض وهو رفض .. طيب إفرض إن المحافظ الجديد عاوز تمن الأرض ! إحنا مش عارفين تفاصيل الموضوع .. فأنا بأسآل عن التفاصيل .. آدى كل القصة

[sce37]

نشكر الله و نحمده
و أكيد سنشكر عبيد بعد الأقالات المنتظرة

يوساب الموضوع مشروح فى الرابط الأصلى بالتفصيل

[elnesr]

و أكيد سنشكر عبيد بعد الأقالات المنتظرة

نعم يا عزيزي (لن نشكر أحد) قبل الإقالات المنتظرة
بالعكس يجب تقديم أعتذار رسمي للدير عن ما حدث

فتحريك قوات (الأشاوس)و (المغاوير) لمضايقة دير أو كنيسة لمجرد أن المحافظ (طلعت كده في دماغه)
ليس بالامر البسيط الذي ينتهي بعودة القوات الظافرة الي مواقعها سالمة
بعد ان نفذت (طلبات اللي طلع في دماغ المحافظ)!!!!!!!!!!!!!!!!!

طيب خلونا نسأل سؤال: هل محافظ عرضة لتقلبات عقلية وعاطفية مثل هذه
يصلح لقيادة محافظة بأكملها ؟
أم يحتاج لتعديل وتهذيب إداري؟

أعزائي لا اوافق علي أي نوع من الشكر
فالموضوع لم ينتهي وانما هناك مسئول يجب أن يحاسب
لكي يتعظ كل مسئول قبل ان يتخذ قرار ضد الاقباط


النسر

[pavnoti]

Severe Attack on St Anthony Monastery
Detailed Report of the events of the 19th of August 2003

We have been infromed now with the following Detailed Report about what happened on 19th of August 2003:

1-Closing all the roads leading to the monastery, the "korimat" road 160 km away from the monastery, and "Al zaafarana" road.150 km away from the monastery, the authorities have closed all the roads leading to the monastery in order to isolate it from any communication with the world and prevent any kind of help or aid from reaching the monks, including food and water.



2-During these circumstances, father Axioce, and other 3 monks were driving back to the monastery, a police car came from behind, and tried to get them out of the road into the desert, but father Axioce succeeded in parking safely before his car would flip with its passengers, or hit the rocks.
Then the police officer seized the monks out of the car and treated them like dangerous criminals. He took away their personal cameras and mobile phones. He even tried to take away the car Keyes, which is owned by the monastery. But the monks refused to hand him the keys.
At this time there were 4 Italian tourists visiting the monastery, and they watched this shameful scene, which showed how the Egyptian government treats the Copts in Egypt.



3-After closing the road and attacking the monks, the Egyptian police went to the monastery to execute their terrorist operation, by force, using their heavy equipment to put down the fence of which protects the monastery against theft, but the monks were willing to sacrifice their lives to protect their monastery and face this unfair aggressive attack.



4-When police forces reached the fence, bishop Yostos, head of the monastery, came out to talk peacefully with them, the police general who was in charge of this operation, pushed bishop Yostos' hand which carried the holy cross, in a way to fight him. The monks interfered with this action and protected their bishop.



5- The operation started to take action by moving towards the fence, but the monks and the workers stood to protect the first monastery in the world by throwing stones and rocks at the police forces to stop them.


6-After stones were thrown; the police forces began to retreat a little.
Monks started to pray and glorify god by saying ("keria lyson") Lord have mercy. They lifted their hearts to the lord Jesus Christ and asked for help of St Anthony, who founded the monastery in the fourth century.
The news network CNN sent their crew to cover the event, but they couldn't reach the monastery because all the roads were closed from a distance of 160 km as mentioned before.


7-the police forces started to insult the monks by saying dirty words and calling them names. They threatened them that they'll throw tear gas bombs at them, but all threats were useless as the monks were ready to be martyred defending their beloved monastery.

8-During all these events, the governor of the red sea was watching the situation closely from a helicopter. He flew over the monastery three times to make sure his orders were put into action.



9-At last, after Christian leaderships, local leaders and some organizations were involved, the police forces retreated, leaving behind anxiety in the hearts of; monks, workers, visitors and tourists of the monastery, and scare in hearts of all Copts in Egypt and the whole world.

**posted 22/8/2003 10:40 am **
من موقع دير القديس العظيم الأنبا أنطونيوس

http://geocities.com/stanthonywww/tracks.htm

[sammy]

أولاً الله يسامحك

اخى الحبيب يوساب صدقنى ما قصدتك ابدا بكلمة ان فيه ناس اللى بيجرى فى عروقهم ميه ساقعه
بصراحة انا قصدت اغلب الاقباط او تقدر تقول كلهم الا قليلا جدا
وسأحاول ان اوضح لك ما خفى عنك واعلمه تمام العلم
سند ملكية العقارات فى مصر والارض من ضمنها هو التسجيل فى الشهر العقارى
وخلافا لاغلب دول العالم التسجيل فى الشهر العقارى المصرى يتم على اساس شخصى وليس عينى
ازاى؟ اقوللك ياعزيزى
الشهر العقارى العينى يتتبع الارض نفسها والمعاملات التى تجرى عليها بحيث ان اردت ان تعرف حالة ملكية ارض معينة فيكفى ان تفتش عن صفحتها فتجد جميع المعاملات التى جرت عليها تحت بصرك
أما الشهر الشخصى فيتتبع تصرفات الافراد
لذلك تجد كثيرا فى مصر حالة اسمها تنازع الملكية على ذات قطعة الارض بمعنى تواجد اكثر من سند ملكية مسجل لذات القطعة باسماء مختلفة
والدولة المصرية اعلنت نفسها مالكة لجميع اراضى القطر الا ما ثبت ملكيته لغيرها
والسبب فى اتباع التسجيل الشخصى ان الارض المصرية لم تكن محددة وممسوحة فكانت الهبات من الباب العالى والواطى كلها تخرج كعطية بفرمان لشخص ما منذ الغزو العربى لمصر بغض النظر ان كان للارض ملاك اخرين من عدمه فيمتلك صاحب الفرمان الارض الممنوحة له بما عليها ومن عليها كخدام وعبيد فتكون اقطاعيته
ولان ناس كتير كانت تمنح لهم اراضى حتى لا يعرفون اين تقع ولان الفلاحين المصريين كانوا احيانا يهجرون الارض هربا مما يفرضه عليهم صاحبها الجديد الممنوحة له ارضهم من خراج فلم تجد الحكومات المصرية المتعاقبة من الاعتراف بوضع قانونى اسمه وضع اليد وهو فى عبارة مبسطة الارضص لمن يعمر الارض بدون منازعة من مالك مسجل لمدة خمسة عشر عاما او ثلاثين عاما للاحتجاج بوضع اليد فى مواجهة الورثة
ومؤخرا فقط تبنت الحكومة قانونا من حوالى اربعين سنة لا يعترف بملكية واضعى اليد على اراضيها بالذات والتى هى كل اراضى القطر ما عدا ماهو ثابت بملكية مسجلة كما اسلفنا الشرح

انا تعبت اكمل لك بعدين
سلام

أولاً:على فكره يا "كوكىكو" عندما حاولت مناقشة الموضوع مع بعض الأصدقاء لم أجد أحد يعلم بالخبر !!!!!,

ثانيا:يا "يوساب" و يا "سامى",,,,سوء التفاهم إللى حدث ما بينكما كان من الأكيد إنه يحصل ما بين أخين غيورين على دينهم...طبيعى إن الموضوع بيدفع الواحد الى إنه يفقد أعصابه ,لانه موضوع """متكرر"""

ثالثا:بالبلدى كدا يا جماعه,سيبكم من موضوع أرض و موضوع شرا و خلافه
دلوقتى و كما نرى فى كل أنحاء هذا البلد ,,إن هيئة الآثار تبنى-بل و تزخرف و تجمل-أسواراً حول """كل"""
مواقع الآثار ,,,أما الآثار التى لم يبنى حولها أسوارا .. فهى تلك الواقعة فى وسط مناطق مأهولة بالسكان ,مثل بوابات سور القاهره,,,

و سلم لى على القلعه

[pavnoti]

القصة الحقيقية للمباحاثات التى قيل انها تمت بين الدولة و ممثلى الكنيسة يوم الخميس 20 اغسطس 2003

--------------------------------------------------------------------------------
8/25/2003

عندما تحدثت عن الماساة التى تمت يومى الثلاثاء و الاربعاء 18 و 19 اغسطس , كنت اعتقد ان الامر واضح و ان المصيبة التى حدثت كانت واضحة....

و عندما طلبت الحكومة عقد اجتماع مع رئيس دير الانبا انطونيوس يوم الخميس 20 اغسطس توارد الى الاذهان انها بصدد الاعتذار عما فعله احد ممثليها السيد اللواء رئيس جمهورية البحر الاحمر ( المحافظ سابقا )

و توارد للاذهان ان الحكومة بصدد معاقبتة عما فعل او إقالته و خاصة انه اساء الى سمعة البلد و السياحة

و توارد للاذهان ايضا ان الحكومة سترد الامور الى نصابها

توارد للاذهان الكثير......................

و لكن اليكم تفاصيل المأساة الجديدة او المصيبة الكبيرة

طلبت الحكومة الاجتماع مع رئيس الدير الاسقف الانبا يسطس و ممثل البابا الاسقف الانبا يؤنس فى احد فنادق الاسكندرية

و فى الميعاد المحدد فى الساعة الواحدة حضر الاثنان و لكن مالم يعرفاه ان الحكومة كانت عاملة لهم كمين ... إزاى ؟ ...

تبين ان ممثل الحكومة الوزير مصطفى عبد القادر وزير الدولة للتنمية الادارية و هو لواء ( شوفوا الصدف ) و محافظ الاسكندرية و هو ايضا لواء ( مش بقولكم شوفوا الصدف ) و طبعا عارفين ياشطار ان السيد اللواء رئيس جمهورية البحر الاحمر ( المحافظ سابقا ) هو ايضا لواء

يعنى بالبلدى ممثلى الحكومة هم ثلاث لواءات اصحاب و حبايب و تلاقيهم كمان دفعة واحدة

و حضروا و طبخوا الموضوع و كانت ريحة الطبيخ تقرف و هوا البحر ماقدرش يغيرها و عندما حضر الاسقف الانبا يسطس رئيس الدير و الاسقف الانبا يؤنس ممثل البابا كان فاضل يوكلوها لهم

اول حاجة قعدوهم فى الصالون , اصل البهوات مشغولين و طبعا ماقالوش ليهم مين البهوات لان الاسقفان مايعرفوش مين اللى هايقعدوا معاهم ... هما يعرفوا ان فيه ممثل حكومى هايقعد معاهم وبس ...

و بعد طول انتظار خرج من جوة الوزير و سلم عليهم و سأل مين فيكم ممثل البابا فرد عليه الاسقف الانبا يؤنس و قال .. انا فقال له اتفضل معايا و شاور للانبا يسطس لو سمحت انتظر شوية و انتظر الاسقف الانبا يسطس كتيييييييييييييييييييييير............

و بعد ساعة ..... اثنين .... خرج الاسقف الانبا يؤنس و هو بيشر عرق , رغم التكييف المركزى . وقال له اصل السيد محافظ البحر الاحمر ( آسف اقصد السيد اللواء رئيس جمهورية البحر الاحمر ) مش عايز يقابله . على فكرة الكلام ده حصل بجد و مش هزار

يادى المصيبة الاسقف الأنبا يسطس , الرجل اللى اتهان هو و رهبان ديره و عاوزين يهدوا له ديره و سور ديره ييجى علشان يقابل مسئول الحكومة علشان يحل المشكلة و يعاقب المحافظ اللى عمل المشاكل دى كلها يكتشف ان القعدة تتم من غير حضوره و كمان بحضور المحافظ اللى عمل المصايب دى كلها

يعنى بالبلدى القاتل زعلان لان المقتول بيقول آى

لأ و كمان مطلوب منه انه ( يبوس ايد المحافظ ) , ولا بلاش بوس الايد , يعتذر كفاية

ولسه كمان . المفروض ان الاسقف الانبا يسطس يسترضى المحافظ الغلبان و يديله ثلثين الدير و فيهم السور كمان

ليه .......(و ده بجد و مش بهزار ) لان البيه المحافظ بيموت فى الشجر و عاوز يزرع شجر فى الجبل , لأ و ايه كمان .. ماعجبوش ولا متر فى المحافظة كلها الا اللى فى الدير وما حبكتش يزرع الشجر غير فى الدير , يا سلام ع الهمة والنشاط بتاع الباشا المحافظ

ساب المحافظة كلها بما فيها الغردقة عروس البحر الاحمر و محافظة البحر الاحمر وكل المدن اللى فيها و اللى محتاجة شجرة واحدة توحد ربنا....... ساب كل ده و عاوز يزرع الشجر فى الجبل

خلو بالكم عاوز يزرع شجر فى الجبل اللى مافيهوش ولا نقطة مية واحدة ,... يكونش ها يحط تمثال رمسيس هناك بالمرة عشان يرويها بالراحة؟

المهم سأل الاسقف الأنبا يسطس انا هاقعد مع مين . قالوا له خلاص , قعدنا . ....هانقعد ليه تانى هاهاهاهاها........ و على فكرة احنا كمان كلمنا البابا و قلنا له كله تمام .

ياللا . سلام ..... سلام

وكل ده و الاسقف الانبا يؤنس بيشر عرق ( يمكن التكييف لما سمع الكلام ده إتحرق ) واضح انهم اكلوا الراجل جوه و مصمصوه و قالوا له روح ياشاطر و عملوا مكالمة منظر للبابا اللى بيزور امريكا و مايعرفش ايه اللى حصل

الاسقف الانبا يسطس سمع الكلام بهدوء و مشى و الاسقف الانبا يؤنس مش عارف يتكلم , و آدى قعدة و السلام

بصراحة مش قعدة مية مية؟؟؟

الحكومة تعلن انها هاتتدخل لحل المشكلة و عمل قعدة مع رئيس الدير للإعتذار عما حدث من المحافظ . بس ده اعلان كدة وكدة .

و الحقيقة انها عملت قعدة مع روحها و قررت ان الدير و رهبانه غلطانين و لازم يدوا فرصة للمحافظ الغلبان يمارس هوايتة فى التدمير و التخريب و هدم الدير على سوره على رهبانه و على الاسقف الانبا يسطس اللى ماقعدش مع حد عشان ما يقولش للقاتل آى , اصل القاتل مشاعره رهيفة ومش ها يتحمل , وعليه انه يختار اى طوبة من السور او الدير اللى المحافظ عاوز يهدهم و يخبط فيها دماغه و لو قال آى ماحدش هايكلمه و الرهبان يشوفوا لهم جبل تانى بعيد عن الجبل بتاع المحافظ علشان مايصطبحش بيهم ولا يشوف خلقتهم

مش قلت لكم مأساة

طبعا الاسقف الانبا يؤنس اللى يقابله و يسألة , مرة مايبقاش عارف يقول له إيه , على فكرة انا انصحة انة يروح ديره يروق دمه شوية قبل ما المحافظ اياه ما يحط عينه عليه و خاصة ان ديره فى البحر الاحمر برضو

و الأسقف الانبا يسطس بيسأل نفسه , لما الحكومة مش عايزة تقعد معايا , طلبت منى الحضور ليه؟

الرهبان قالوا ده ديرنا و مالناش مكان تانى نروحه يبقى نموت هنا احسن و فى اى وقت تقرا التحليل لبعض و لو عاوزين يدوسونا احنا جاهزين للاستشهاد

مش قلت لكم مأساة جديدة و مصيبة كبييييرة

لا الحكومة قعدت مع حد ولا حاجة , و هيييييييييييييييه ... ضحكنا عليكم

وطبعا السيد اللواء رئيس جمهورية البحر الاحمر ( المحافظ سابقا ) خرج نافش ريشه على الآخر ومارضيش يسلم على الاسقف الانبا يسطس و مشى

ومعاه السادة الزملاء و الاخوة اللواءات اللى بيطيبوا خاطره يا عينى لأنة شاف وش الاسقف الانبا يسطس و معنى كده ان القعدة ماكانتش قعدة ولا يحزنون ولا حتى وقفة

وحتى هذه اللحظة لم يتم وقف السيد اللواء رئيس جمهورية البحر الاحمر ( المحافظ سابقا ) عند حده ومين عارف ممكن يعمل إيه بين يوم و ليلة , حتى الآن الموقف معلق , و البابا مش عارف الحقيقة لانه مسافر , ملحوظة لابد منها: اللى طلب بناء السور اصلا هم المحافظ السابق و مباحث امن الدولة خوفا من العمليات الارهابية و المستندات اللى بتقول كدة تسد عين الشمس و متقدمة فى قضايا كتييير ضد المحافظ المرة دى مالقيتش دموع علشان ابكى المأساة الجديدة و ماعرفش اقول إيه لكن على رأى اخواتنا المسلمين ( حسبى الله و نعم الوكيل ) فيك يا اخى آسف ..اقصد يا فخامة السيد اللواء رئيس جمهورية البحر الاحمر ( المحافظ سابقا )

ملحوظة تانية

حنى هذه اللحظة مازال المحافظ مصراً على هدم السور , أهى طقت فى دماغه وخلاص وما تسألش ليه , و كل موظفيه و الشرطة و مباحث امن الدولة و محافظ الاسكندرية التى تمت المقابلة بحضوره , الكل عارف و متأكد من ذلك , و هو بيقول ده عينى عينك




كاتب المقاله( lol_56) لايعبر عن رأي المنظمه*

http://www.copts.net/arabic/detail.asp?id=145

[fanous2102]

كده الموضوع هايقلب بغم...بس ع الحكومه لانهم مش فاهمين وماتعلموش درس المخروم..ومهران....قريب جدا المحافظ ....ده...بح

[john_602003]

When I have read what have been written about the true story of negotiation, Regarding St Anthony monastery, I have felt very angry about this mentally sick, I mean the governor of the red sea, What is this evil planning to do should be spread all over the world, we have to let all the churches around the globe know what the mentally sick wants to do to the oldest monastery on the world, We should do something before the disaster happens, We have to write all to Hossny Mobarek , informing him about what his crazy man will do to Egypt reputation and tourism, we have to stop those evil people of touching the oldest monastery on the world, they have to know god is there, he will prevent evil of touching his people, monasteries and churches, we all trust on him.
Sorry to write in English, as I have not got Arabic version.