اللجوء الدينى للاقباط

[esambraveheart]

المشاركة الأصلية بواسطة bianco

لحظة من فضلكم
أولا
العمل على تهجير الاقباط معناه إننا بنساعد المتأسلمين على خطتهم فى إخلاء مصر من أهلها الأصليين و تحويلها إلى مصرستان إسلاميه .
ثانيا
فين البلد الأجنبى اللى يقدر يستضيف 12 مليون من مختلف الأعمار و الثقافات و ما بيتكلموش لغته ويقدم لهم حياة كريمة بدون إحداث خلل إجتماعى و إقتصادى داخل هذا البلد؟
ثالثا
لو قلنا تهجير الأقباط لأكتر من بلد أجنبى معناه تشتيتهم و ضياع الهوية القبطية .
رابعا
مين قال أن كل الأقباط يقبل بترك بلده ويروح بلد غريبة وخصوصا كبار السن؟
وعلى فرض قبولهم للهجرة فهل كلهم عندهم الإمكانيات المادية للسفر و الهجرة ولا هتكون فقط هجرة للقادرين و الغلابة منهم يبقوا فريسة للإرهاب الإسلامى والتاريخ يعيد نفسه مثل ما حدث عند غزو العرب لمصر :
الغنى دفع الجزية وعاش مضطهد فى بلده
الفقير المؤمن فضل الموت على الدخول فى الإسلام والتخلى عن مسيحه
أما الفقير القليل الإيمان فتحول للإسلام خوفا من الموت و حبا فى الحياه و هو فى النهاية ضحية لأن أخوه المسيحى الغنى إلى حد ما تخلى عنه و لم يساعده .
الحل فى نظرى هو فضح الارهاب و كشفه و التمسك بتراب بلدنا و هويتنا و مساعدة أقباط الداخل بكل وسيلة وعدم تركهم لوحدهم .

كلام سليم..ترك البلد مش حل ..بالعكس بيزيد الازمه لان فقراء الاقباط بس همه اللي مش هايقدروا يهاجروا و للاسف الفقراء اغلبيه و في غياب اخوتهم الاغنياء حايكونوا ضعفاء محاصرين بلا حول و لا قوة و لا سند و لا ملجاء و لا معين و حايكونوا فريسة سهلة للمسلم الانتهازى الجبان المتجبر عديم النخوة الذي لا يتجبر و لا يستاسد الا علي الضعفاء و المستضعفين و المحاصرين العزل.

الحل يكمن في بسط النفوذ المادي و السياسي للنسور القبطية القوية المهاجره ..علي الداخل.. و تكثيف الضغوط علي مضطهدينا في الداخل و محاربتهم ليس في الخارج و من الخارج فقط بل في داخل مصر و من داخل مصر .

و يكفي ان استثمارات و اموال اقباط الخارج تستطيع ان تشترى ربع اراضي مصر و مشاريعها و شركاتها و تكوين تكتل قبطي جغرافي علي ارض مصر و التحكم في عصب الاقتصاد المصرى و توفير فرص العمل و الحياة من القبطي الغني المقيم بالخارج لاخيه القبطي الفقير المحاصر في الداخل لكي يستطيع ان يثبت و يقاوم و يصير قويا هو ايضا يوما من الايام فلاتضيع هويتنا القبطية و لا يضيع وطننا منا و نحن اصحابه و لا نتركه لغرباء ليحتلوه و يجبرونا اما علي الانزواء فيه كالعبيد الاذلاء و اما علي الهجرة منه كالمطرودين

[mina_]

عزيزى الاستاذ esambraveheart

من كلام سعادتك اقدر استنتج انك من المقيمين خارج مصر

كلامك جميل و انا كنت من انصارة لمدة سنين . بس مع الاسف الكلام مستحيل تطبيقة على ارض الواقع

ممكن تقولى اية اللى حصل مع نجيب ساويرس طلعوة كافر و جاسوس و محرض على احداث ماسبيرو و من كتر القرف اللى الرجل ابتدى يحول استثماراتة برة مصر

حتى الان كل ما الناس تشوف رقم موبينيل بس بقولوا دى ارقام الكفرة

سميح ساويرس بيسحبوا الاراضى بتاعتة

كل رجال الاعمال الاقباط فى مصر بيواجهوا مصاعب فظيعة

انت مش قريت خبر انتحار عدلى ايوب المليونير من القرف اللى شافة فى البلد حتى انة اوصى يدفن برة مصر فى ايطاليا

و فية امثلة تانية كتيررررررررر لحد الاقباط اللى عندهم محلات دهب بيتم السطوا عليها

دة غير النعمة اللى الكل دلوقتى بيقولها الاقباط كفرة . دة حتى المفتى بيقول ايوة الاقباط كفرة و دة شى ما يزعلش

عزيزى .. صدقتى الموقف اسواء مما تتخيل بمراحل

هويتنا موجودة جوانا مش قى الارض محفورة جوة قلبنا ..

سلام المسيح

[mina_]

الاستاذ sant , engmms

افارم عليكم ... انتوا جبتوا اللى فيها ..

و مين قالك ان اللى معاة فلوس و عربية مبيفكرش يسافر ؟؟؟ انا اعرف ناس عندها محلات و حالتهم المالية ما شاء اللة و بياخدوا خطوات انهم يسافروا

انتوا ما قريتوش ان 30 الف من رجال الاعمال و الاطباء المشهورين الاقباط سافروا الفترة اللى فاتت ما بين استراليا و كندا و امريكا

لو الكلام اللى بتقولوة مظبوط مكانش ولا قبطى اخد فيزا لان اذا كان رجال الاعمال و المشهورين سافروا و مرجعوش يبقى احنا الغلابة حنرجع ؟؟؟

و خدوا بالكوا الحياة برة صعبة جدا .. الشغل ضعيف و لازم يكون عندك لغة كويسة يعنى لازم تنحت فى الصخر

احنا هنا بنحاول نفيد بعض و نفيد اى حد بيحاول يسافر

اعملوا اللى عليكوا و خلى عنكم الباقى على ربنا

[sant1]

ا/ مينا
زى ما حضرتك قولت ان رجال الاعمال والاطباء والصيادلة والمؤهلات العلمية العالية هى اللى بتاسافر لان الدول هى اللى هاتستفاد منهم .... مش واحد غلبان هايسافر اول ما ينزل من الطيارة يطلب لجوء ويحمل الدولة مصاريف ... مع العلم حاليا ان جميع دول العالم حتى امريكا بتطلب من حكوماتهم التقليل فى المصروفات ... وربنا بدبر الامور

[mina_]

استاذ sant

انت كدة فهمتها صح

ياما فية حد هناك يستضيفك و يتحمل مصاريفك ياما يكون معاك مبلغ تبتدى بية حياتك من غير ما تحمل عليهم

سلام المسيح

[engmms2011]

أخواتى مينا وسانت
عارف أنى كلامى ممكن يكون محبط ... لأنى بقدم على هجرة أمريكا من 10 سنييين ... وحاولت مع أستراليا ونيوزيلندا من 3 سنيين ... ومؤهلى معقول ودراستى علمية...وسنى 38 ... واللغة 70% ... ومع ذلك ربنا مش رايد ...لتكن مشيئته

ملحوظة::بالنسبة للأستاذ عصام براف هارت ... ماقبلتش أو كلمت حد من اللى فعلاً بالخارج اللى لما يقفله فى وشك ... مفيش شغل ... مش لازم تهاجر ... الحياة بره صعبه ... أكنك هاتروح وتقطع من رزقه ... ربنا موجود

[mina_]

استاذ emdmms

اجرائات الهجرة طويلة جدا ممكن توصل ل 17 سنة فى امريكا و 5 سنين فى استراليا دة لو جت اصلا اما احنا فبنتكلم عن الفيزا

فعلن الحياة برة صعبة دى حقيقة و الشغل صعب يعنى اللى يفكر انة حيروح ياكل اكلة حلوة و يتشغل شغلانة حلوة ميفكرش يسافر احسن مصر بلد الكسلانين و برة مش حتلاقى كدة برة الشغل 12 ساعة و باقى الوقت دراسة يعنى مش حتنام اكتر من 4 ساعات على اكثر تقدير
بس فى الاخر بعد 5 سنين حتكون النتائج كويسة و حتبتدى تحس انك بنى ادم مش ترس فى مكنة

انا حابب انقل الواقع علشان محدش يتخدع

لو ليك اى تجارب فى موضوع الفيزا يل ريت تشارك بيها علشان نستفيد منها

سلام الميسح

[توماس2009]

سلام المسيح معاكم +++ حد يعرف ما هو الوقت المناسب لتقديم على طلب فيزا سياحية الى امريكا ل اسرة مكونة من 3 افراد وماهى الاوراق المطلوبة مع العلم سبق لى انى اخدت فيزا من 11 سنه وسافرت ورجعت بدون اى مشاكل هناك وجيت اجدد بعد انتهاء الفيزا اللى معايا معرفتش اجدد ومحاولتش تانى ف ايه رايكم احاول ادخل اعمل مقابلة انا واسرتى يمكن ربنا يسهل الحال ولا بلاش

[أبرهة العصبي]

mina_ أحييك على اصرارك يا
هتوصل صدقني

لو كنا في زمن غير الزمن المهبب ده كنا قلنا عيب ومنسيبش بلدنا والهجص ده
بس الواقع ان كلنا لازم نمشى النهاردة قبل بكرة
الواحد عايز ينزل في الصندوق بتاعه حتة واحدة كتيرة دي؟

في الموضوع ده متلاقيش احسن من العرب ولاد ***.. يا يصطادوا من شرم يا يصطادوا صينيات وفلبينيات

بالمناسبة فيه بت صحفية هايفة في الوغد كتبت "خبر" عن الموضوع اللي في المنتدى ده ونسيت اوريهولكو:


«الاضطهاد».. تأشيرة فقراء الأقباط لدخول أوروبا


«ياريت يا جماعة أي حد عنده معلومات عن الدول اللي بتقبل اللجوء الديني, يقولي عليها وكمان يعرفني أقدم إزاي؟» .. «إزاي أقدم طلب اللجوء الديني لكندا؟ وهل يوجد محامون مختصون في هذه الأمور ؟» .. «أنا سمعت إن كندا واستراليا فتحوا باب الهجرة للأقباط, هل الكلام ده صحيح أم لا؟ وإذا كان صحيح نروح فين ونجيب ورق إيه؟».. «ما هي إجراءات اللجوء الديني للولايات المتحدة؟ وهل تقديم الطلب من داخل أمريكا أم من خارجها؟».

هذه عينة من الأسئلة التي تتردد كثيرا داخل المنتديات القبطية، بغرض جمع أكبر قدر من المعلومات الخاصة بكيفية الهجرة وطلب اللجوء الديني إلي دول الغرب، وفي استجابة سريعة, وفر القائمون علي هذه المنتديات كل المعلومات الخاصة بالموضوع بداية بتعريف اللجوء الديني وتعامل كل دولة معه وكيفية تقديم الأوراق لسفارات هذه الدول, مرورا بالأسباب التي يجب أن يتضمنها الطلب والإجابة عن الأسئلة التي تطرح علي الراغب في الهجرة, وكيفية التعامل في حالة الرفض ومدة تقديم الاستئناف, وانتهاء بوضع أرقام التليفونات والعناوين الخاصة بمفوضية شئون اللاجئين والمنظمات الحقوقية الدولية التي يمكن أن تقدم مساعدة في هذا الشأن.
ووسط موجة التساؤلات عن كيفية الهجرة جاءت ردود بعض أعضاء هذه المنتديات رافضة بشكل قطعي فكرة هجرة الأقباط بشكل ممنهج لدول الغرب, وداعية الجميع للتروي والتفكير جيدا في الأمر حماية للأقلية المسيحية التي لا تملك إمكانيات، الهجرة وستعاني الأمرين في حالة تركها بمفردها في وجه المتأسلمين- علي حد تعليقات البعض في هذه المنتديات.
فمثلا قال أحد أعضاء المنتدي ويطلق علي نفسه «BIANCO»: العمل علي تهجير الأقباط معناه أننا بنساعد المتأسلمين في خطتهم لإخلاء مصر من أهلها الأصليين، وتحويلها إلي مصرستان, وفين البلد الأجنبي اللي يقدر يستضيف 12 مليونا من مختلف الأعمار والثقافات وما بيتكلموش لغته ويقدم لهم حياة كريمة دون حدوث خلل اجتماعي واقتصادي داخل هذا البلد؟, وكمان تهجير الأقباط لأكتر من بلد أجنبي معناه تشتيتهم وضياع الهوية القبطية, وبعدين مين قال إن كل الأقباط يقبل بترك بلده ويروح بلد غريب وخصوصا كبار السن؟ وهل كلهم عندهم الإمكانيات المادية للسفر والهجرة ولا ستكون فقط هجرة للقادرين والغلابة يبقوا فريسة للإرهاب الإسلامي والتاريخ يعيد نفسه مثل ما حدث عند غزو العرب لمصر.. الحل في نظري هو فضح الإرهاب والتمسك بتراب بلدنا وهويتنا».
المحادثات التي تدور بين الأقباط حول الهجرة وطلب اللجوء الديني إلي الخارج, دفعتنا لطرح سؤال علي أهل الدين وكبار المفكرين والحقوقيين المسيحيين، وهو: هل يتعرض الأقباط لاضطهاد فعلي داخل مصر يضطرهم لترك بلادهم؟.
يؤكد الناشط الحقوقي ممدوح نخلة، رئيس مركز الكلمة لحقوق الإنسان، أنه عقب الثورة تحول التمييز الذي كان يمارس ضد الأقباط إلي اضطهاد ممنهج من الدولة, معتبراً الحكومة الحالية عاجزة من وجهة نظره عن الدفاع عن الأقباط وحمايتهم, يدفعهم لطلب اللجوء الديني إلي الخارج قبل أن يقضي عليهم داخل البلاد.
وحذر نخلة من استمرار تدهور أوضاع الأقباط قائلا: لو استمر الوضع علي هذا الحال ستزيد الهجرة, وسيهاجر من يملك المال ووضعه الثقافي والاجتماعي يسمح بذلك, وسيبقي في مصر المسيحيون الأكثر فقرا وتطرفا.
وكان للناشط القبطي كمال زاخر رأي مختلف عن نخلة, إذ نفي زيادة نسبة هجرة الأقباط عما كانت عليه قبل الثورة, قائلا: اللي بيحصل في البلد علي الكل, وكلنا اتعودنا عليه, والهجرة ليست مرتبطة بالأحداث الأخيرة, فقد بدأت منذ ثورة 52 نتيجة للمتغيرات السياسية والاجتماعية, وتطورت بتطور الأحداث, وأرفض الأرقام التي تطرح بشأن تزايد هجرة الأقباط عقب ثورة 25 يناير, فالإجراءات تأخذ وقتا طويلا قد يصل إلي العام, كما أن الهجرة ليست الخيار الأول والأهم لدي الأقباط.
وأضاف: الاضطهاد كلمة كبيرة وما يعانيه الأقباط تمييزا شديدا لابد أن نقرأه جيدا ونعالجه, قبل أن تحدث حرب أهلية بالبلاد, لكن كلمة الاضطهاد تروج لأسباب أخري.
وشدد ماجد حنا نائب رئيس حزب الجبهة ورئيس لجنة الوحدة الوطنية بنقابة المحامين علي أن ما يتعرض له الأقباط ليس اضطهادا , فهم يشعرون أنهم لا يحصلون علي كافة حقوقهم مما يدفع بعضهم إلي الهجرة لعله يحصل علي حقوقه هنا, وهناك طالبو هجرة يختلقون فكرة الاضطهاد الديني لأنهم يرغبون في العيش خارج البلاد.
وأكد أن النظام السابق في أواخر عهده بدأ في ممارسة الاضطهاد ضد الأقباط، وبالتحديد منذ أحداث العمرانية بعد استخدامه الرصاص الحي وقتله 3 أقباط, إلا أن الوضع بعد الثورة زاد, فاستخدام السلاح غير مقنن والأمان غير موجود والفوضي عمت البلاد.
وأضاف أن هجرة الأقباط زادت بعد الثورة بنسبة 50% علي الأقل, مشيرا إلي أن سوء الأوضاع بالبلاد وغياب دولة القانون دفع جميع المصريين للتفكير في الهجرة وليس الأقباط بمفردهم.
وقال المحامي والناشط الحقوقي ممدوح رمزي: المسيحيون يشعرون بالاغتراب داخل مصر وعدم الأمان والخوف علي مستقبل الأبناء مما يدفعهم للهجرة، وأرفض ادعاء عدم تعرض الأقباط للاضطهاد, فحالتهم المادية ميسورة وأفضل من غيرهم وهجرتهم بسبب شعورهم بأن حياتهم وحياة أبنائهم مهددة في أي لحظة.
واعتبر رئيس مركز المليون لحقوق الإنسان والمتحدث الرسمي باسم «أقباط من أجل مصر» هاني الجزيري أن الاضطهاد ضد فئة معينة يكون برفع السلاح في وجه أبناء هذه الفئة, وهو ما حدث مع الأقباط عندما رفعت الدولة السلاح في وجههم في نوفمبر 2010 أثناء أحداث العمرانية، وفي أحداث ماسبيرو الشهر الجاري.
وكشف عن استغلال بعض الأقباط الفقراء، لما يحدث في مصر لطلب حق اللجوء الديني إلي الخارج بدعوي الاضطهاد, قائلا: من الأقباط من يدعي الاضطهاد للفوز بالهجرة, ومنهم من يكون مضطهداً فعليا, لكن الأغنياء حتي لو مضطهدون لا يطلبون اللجوء الديني في أغلب الأحيان لكنهم يهاجرون مباشرة , محذرا من سيطرة التيار الديني المتشدد علي مقاليد الحكم, قائلا: لو ملك التيار الديني البلاد نص البلد هتمشي مسلمين ومسيحيين لانهم هيكفروا الكل.
الدكتور صفوت البياض رئيس الطائفة الإنجيلية قال: لا أستطيع القول بأن أقباط مصر مضطهدون, فلا توجد قوانين تدعو لاضطهاد المسيحيين, وهناك مساواة بين قطبي الأمة داخل التشريعات, كما أن الدولة أصدرت قانون التمييز للتصدي لبعض الممارسات الخارجة ضد الأقباط والمسلمين.
وأضاف: هناك مشكلات يعاني منها الأقباط لا نستطيع إنكارها, ولكن هذه المشكلات لا ترقي لكلمة اضطهاد, والهدف الأساسي لكل مهاجر البحث عن فرص عمل بسبب الأوضاع الاقتصادية المتدهورة داخل البلاد.
«ادعاء الاضطهاد وطلب حق اللجوء الديني شماعة للهجرة والعيش بدول أوروبا وأمريكا, والمسيحيون لا يتعرضون للاضطهاد ولكن للتمييز, فالاضطهاد غير موجود وليس من طبيعة المسلمين اضطهاد المسيحيين, وما يحدث الآن رذيلة التمييز التي ورثناها نتيجة تراكمات عصور طويلة من الجهل والتخلف» هكذا عبر القمص يوحنا قلته النائب البطريركي للأقباط الكاثوليك عن رأيه في موضوع هجرة الأقباط.

[mina_]

الاخ توماس

موضوع حصولك على الفيزا قبل كدة حاجة كويسة جدا ولازم تقولها

بص انا سامع اخبار كويسة اليومين دول عن امريكا قدم و ربنا معاك

بس قدم حساب بنكى محترم و قول انك عايز تقضى الكرسمس هناك

خد بالك مفيش مواعيد قبل شهر فى السفارة

مهم برضة الفيش و تترجمة

سلام المسيح

[توماس2009]

عزيزى الاخ مينا شكرا لمحبتك واهتمامك صليلى كتير +++

[engmms2011]

أ/مينا

الحساب البنكى فى حدود كام ... وأيه الأخبار الكويسه .. يعنى بيبقلوا كل اللى بيقدم

لأن مهتم ... شكراً لتعب ومحبة الجميع

[mina_]

بص الناس بتقول 60 الف انما الاضمن 100 الف او اكتر

و يا ريت يكون فية عقارات

سلام المسيح

[maxpayne]

كل اخواتي في الرب
سلام المسيح معكم

باختصار و بلا كثير من المقدمات لقد تابعت كل كلمه قيلت في هذا الموضوع منذ مده و كنت اتابع التعليقات فيها منتظرا اللحظه المناسبه لأدلو برأيي فيه و اشارككم تجربتي لعل من بينكم من يسمتع و يستفيد حتي لا يكرر نفس اخطائي و يتلافاها فينجح و يساعدنا لننجح معه فلقد تحمست لفكره الهجره لنيوزيلندا و حاولت ان ابحث في شتي الطرق التي يمكنني بها الذهاب الي هناك و كان دافعي الاول و الاخير هو حث و الحاح احد الاخوه في هذا الموقع بالذات لشبابنا المسيحي علي الهجره الي هناك و كأن باب الدخول لنيوزيلندا من السهوله حتي ان كل المشاكل ستتلخص في البحث عن وظيفه او مسكن او ... الخ و لم اكن ادري ان المشكله اعمق من هذا بكثير و ان هذا الاخ المتفائل اغفل نقاطا بالغه الاهميه في هذا الموضوع اكتشفتها بنفسي عند قيامي به و ارجو من الاخوه السائلين و القارئين لهذا الموضوع ان يقراوا كلامي بالحرف و ان يفهموه و يتانوا قبل القيام باي خطوه لانني كنت في موقف صعب و لم اجد لي من يرشدني او يوجهني و حتي عندما ارسلت لهذا الاخ علي الخاص لم اجد منه ردا سريعا او بطيئا حتي فقدت الامل في ادني مساعده ووجدتني يائسا محبطا مكتئبا لما سارت الامور عكس ما توقعت و عكس ما امتلئت بالامل من كلام الاخ المفرح الخيالي و الذي هو بعيد كل البعد عن الواقع الذي مررت به عند محاولتي السفر لنيوزيلندا

انا شاب متخرج حديثا من كليه مرموقه و فكرت عند انتهائي منها في سرعه الهروب من هذه البلد المنكوبه المشئومه مصر و عندما كنت ابحث عن اي خيط يساعدني اين ابدا و لاين اذهب وقع في يدي هذا الموضوع الذي كتبه الاخ في هذا المنتدي بالذات و تحمست و انتشيت و شعرت ان الامر من السهوله لدرجه ان دخولي لنيوزيلندا سوف يكون مساله وقت و بعدها تتفتح امامي ابواب الجنه الواعده الجميله التي مننا بها الاخ في كل كلمه من كلماته في موضوعه و ذهبت للبحث عن طريقه للدخول لنيوزيلندا فوجدت ان شروط الهجره معقده الي اقصي الدرجات بالنبسبه لشخص مثلي حديث التخرج لا يملك اي سنين خبره مطلوبه كشرط اساسي من شروط الهجره و لغته الاتجليزيه الجيده غير معترف بها لهم طالما انها ليست مثبته بشهاده معينه كالايليتس من مركز معين كالبريتيش كاونسل و انني تجاوزت فيها ايضا ليفيل معين و هو ما جعلني متيقن ان كل هذه الامور ما هي الا بيزنيس بين قنصليات الدول الطالبه لهذه الشهاده و بين هذه المراكز لاننا كما نعلم لا وجود لاي مكان في مصر يعطي من الشهادات ما هو مقبول في اي دوله اجنبيه حتي لو كانت شهاده لغه و حتي الحصول علي مثل هذه الشهادات امرا صعبا و ليس مجد علي الاطلاق لان اللغه ممارسه و ليست عده نقاط و شهاده بلا قيمه لا تجعلني قادرا حتي علي التحاور مع طفل في ابتدائي في اي بلد

المهم انني حاولت ان اجد طريقه للتحايل علي هذه الشروط للدخول الي نيوزيلندا فاهتديت الي منحه من احدي كليات اللغات في نيوزيلندا بمبلغ معقول فقدمت في هذه المنحه لدراسه اللغه الانجليزيه لمده شهر و حولت المصروفات المطلوبه و التي استقطعت مني الكثير من العمولات للتحويلات و خلافه و حصلت علي كل الاوراق التي تفيد انني سجلت في هذه الكليه و ان لي كورس معتمد من الاداره العامه للمعاهد و الجامعات في نيوزيلندا و ان كورسي في ميعاد محدد و انني ساسكن في المدينه الجامعيه الخاصه بهذ الكليه

دخلت علي الموقع الخاص بنيوزيلندا لاحاول ان اقدم اوراقي و اختيار الفيزا المناسبه لي و بالطبع اول خيار متاح هو ان اخذ فيزا كطالب فوجدت العجب العجاب لما فيها من شروط متعنته لا يمكن باي حال من الاحوال ان تكون موجهه لطالب لا يملك قوت يومه و هو ذاهب للدراسه و تحسين مستواه و تحصيل مواد و بالطبع ساترك لخيال القاريء تخيل ما هي هذه الشروط و يمكنكم ان تجدوها في موقع السفاره النيوزيلنديه و لكنني ساذكر منها هنا علي سبيل المثال و ليس الحصر انني يجب ان اثبت ان لي روابط ببلدي الام مصر يضمن ان رجوعي في نهايه الكورس مؤكدا و من هذه الضمانات ان يكون لي عقار باسمي او عقد سياره او ... الخ من هذه الامور لتعجيز اي شخص يريد ان يذهب الي هناك كطالب و ليس كرجل اعمال !

المهم لم ادع الياس يتسلل لقلبي و واصلت البحث و التنقيب للالتفاف علي هذه الشروط المجحفه و المتخلفه من دوله المفروض فيها التقدم و العلمانيه و تشجيع الطلاب من كافه انحاء العالم للدراسه و العمل علي تيسير طلبهم للفيزا و تذليل العقبات و ليس العكس و بالفعل تمكنت ان اعرف ان القانون يسمح لي بالتقديم علي فيزا للسياحه اذا كانت الدراسه في مده اقل من 3 اشهر فتوكلت علي الله و اختارت هذا المسلك و ملات الاوراق و ارفقت به كل المرفقات المطلوبه علي موقعهم ( كان حجزت تذكره مؤكده المواعيد للذهاب و العوده و كشف حساب مالي يفيد انني قادر ان اعيل نفسي طول فتره اقامتي هناك الخ ) و ارسلت الورق للسفاره الوحيده التي تخدم منطقه الشرق الاوسط و مقرها دبي بالامارات و انا تحدوني اللهفه و الامل في الحصول علي فرصتي في التعلم و في فتح افاق و مجالات كبيره امامي و احسست ان النجاح قاب قوسين او ادني

و لكن لقد رايت من سوء المعامله ما جعلني اكره هذه البلد و كل مسئوليها من كبيرهم لصغيرهم حتي وصل بي الحال للاكتئاب و اليأس من خروجي من هذا المستنقع مصر لاي مكان بالعالم مهما كان لان اول درس صدمني و تعلمته من هذه التجربه انه لا دوله تريد ان تدخل اي مصريين لها مهما كانوا و هذا يشملنا كمسيحيين ايضا و ان نيوزيلندا تسمح لدول الخليج التي تذهب لنشر الاسلام هناك بالدخول بدون تاشيره و تطلق عليهم دول بدون فيزا كالسعوديه و غيرها و لكن عندما ياتي الامر الي مصر او المصريين ستجد اشد انواع التعصب و العنصريه تجاهنا و عملهم الدؤوب علي تعطيل اوراقنا و عدم السماح لنا بالذهاب لهناك مهما كان نوع الفيزا المقدمه و عدم ثقتهم بنا ابدا

لقد اخذ ورقي اكثر من المده المطلوبه حتي احصل علي ردهم المفروض ان فيزا الطالب او السائح لا تزيد مده الرد فيها عن 40 يوما اما اوراقي اخذت ما يقارب الاربع اشهر و ما بين الاخذ و الرد و العنجهيه من الموظفين بالسفاره و اللف و الدوران بي حتي وصل بهم الامر الي ان جعوا اوراقي تنتهي صلاحيتها سواء معاد الكورس او معاد حجز تذاكر الطيران و عندها فقط ارسلوا لي الرفض علي طلب التاشيره متعللين ببعض الاسباب الغير منطقيه بالمره ليداروا وجههم القبيح و عنصريتهم تجاهي و اخطائهم المهوله في عمليه البت في اوراقي و غباء موظفيهم الذي شهدته

بدون الدخول في تفاصيل لم ايأس و حاولت البحث عن حقي و لم اقف مكتوف الايدي فرفعت شكاوي عديده لكل المسئولين في نيوزيلندا بدءا من الحاكم العام و رئيس الوزراء ووزير الخارجيه ووزير الهجره ووزير العمال و وجدتهم اشد بيروقراطيه من المصريين بل ان شكواي كانت تاخد مسارات و تحويلات في دوائر مفرغه حتي تصل لنفس الشخص في كل مره و الذي ارسلها لمدير الفرع في دبي حتي يكون من ينظر شكواي هو جلادي نفسه و اخيرا اجده يحابي موظفه علي و لا يعطيني حقي الذي استحق و يرد علي بمنتهي البرود بانه لم يحدث اي خطا منهم و هم اسفون و اسفهم هذا جل ما يستطيعون فعله معي و عندما استشطت غضبا من هذا الرد رفعت الشكوي لرئيسها في العمل و هو المدير الاقليمي لمنطقه الشرق الاوسط وجدته يحابي لها ايضا و يرد علي بنفس البرود و لا مبالاه انه لم يحدث اي خطا و ان اسفهم هو اقصي ما استطيع ان اخذه من حق علي مالي الذي اهدر ووقتي الذي بدد و انه اعلي سلطه في هذه المساله و كان لسان حاله يقول ريح نفسك مالكش عندنا حاجه

الان انا لا ادري ماذا افعل هل اذهب لاحزاب معارضه ام ارفع دعوي قضائيه ضدهم ام اسحب فلوس الكورس بعد كل هذه الخسائر الماليه الفادحه التي منيت بها و اعلن فشلي و ياسي و استسلامي لدوله غبيه كنيوزيلندا تفتح ابوابها علي اتساعها لمن يملك المال من المسلمين الاغبياء حتي و لو كانوا سيدمرون بلدهم و ثقافتهم و تراثهم و دياناتهم و تغلق الباب علي شاب مسالم مسيحي مثلي كل ما يبتغيه في حياته هو فرصه يبدا منها و ان يعيش في سلام و هدوء و امان

في نهايه مقالي الطويل هذا اقول و اكرر ان المشكله ليست في ماذا سنفعل لو وصلنا هناك و لكن المشكله ان نصل هناك و نجد من يساعدنا او يفتح لنا الباب لندخل و ان نحصل علي الفيزا التي اصبحت دربا من المستحيل و من الصعب الحصول عليها مهما حاولنا و اعتقد انها اهم و اخطر خطوه يجب ان نتجاوزها لندخل اولا ثم نتدبر امورنا فيما بعد اعتقد هذا افضل من ان تحمسنا بلا طائل و نصطدم باول و اصعب عقبه فيصيبنا احباط و ياس و مراره و اكتئاب شديدين كما حدث معي و جعلني افقد الامل ان استطيع ان اخرج او يكون لي حياه خاصه اكونها بنفسي هنا او حتي في نيوزيلندا او اي بلد اخري من التي تسمح بدخول المسلمين افواجا ليدمروها( لاننا كما نعلم ان مصيبه الدول الغربيه عبوديتها للقرش و الذي يجعلها تتحالف مع الشيطان نفسه في سبيل ان يدخل الي جيبها بضعه دولارات بغض النظر عن ما الذي سيفعله بها الشيطان ) و تغلقها علينا نحن الذين نبحث فقط عن الحياه الكريمه و الانسانيه و احترام الحقوق و كل هذه المعاني الساميه التي حرمنا منها في وطننا و يبدو اننا سنحرم منها حتي اللحد
سلام المسيح معكم و كل اخواتي المسحيين و الرب ينجحكم جميعا في كل ما يمتد له يمينكم

اخوكم
ماكس بين

[mina_]

الاستاذ max

انا كنت متابعك على موضوعك عن نيوزيلاندا و كنت كتبت تعليق بلاستفادة من خبرات الناس اللى سفرت

انا متهيالى انك مشيت صح اوى و دة مش مطلوب حاليا.. السياحة افضل طريق و من هناك اعمل اللى انتى عايزة

اكيد الحصول على الفيزا صعب بس حنعمل اية ما بليد حيلة لازم ندخل و نجرب

المسيح يصبرك و يفتحلك طريق احسن ان شاء اللة

يا ريت حد يكون اخد الفيزا يقولنا اية اللى حصل معاة قى السفارة و اية اللى بيبصوا علية

سلام المسيح