لحظة حب وود وإخاء ورحمة ونظرة للمستقبل

[FiberOptics]

ملاحظة : انا كتبت الموضوع ده كرد على موضوع .. وكلن بعد اكتشفت انه ممكن يبقى موضوع .. واتمنى يعجبكم


صراحة يا جماعة انا اتصدمت لما لقيت ان المنتدى اغلب الموجودين فيه مصريين
ببس الي شايفه بيقول ان مش هو ده المصري الي يجرح في ابن بلده مهما كان خلافه ده حتى الكلام الغير قابل حتى لاسلوب نقاش متحضر
يا جماعة انتم مش شايفين ايه الي حاصل هنا انا شايف ان اغلب المواضيع هنا مجرد هزار وضحك وسخرية ومفيش اي حوار نحاول نصلح بيه أخطاء كتير حاصلة في مجتمعنا العربي مش حقول الاسلامي او القبطي حقول المصري .. لاني ملاحظ ان اغلبنا هنا مصريين انا بيتهيالي كده ولا انا غلطان .. انا اي نعم مسجل من مدة في المنتدى لكن لم تتسنى لي فرصة الاطلاع على محتوياته الا الان وبدافع الفضول ولكن بصراحة انا اتصدمت
انا على فكرة مسلم وليا اصحاب مسيحيين هم اي نعم مش كتير .. بس انا بحبهم وهم كمان بيحبوني .. واكيد كلامكم مش حيفسد صداقتنا على الاقل من ناحيتي
انا مش عالم في أصول او علوم الدين .. بس انا ححاول اوضح على اد ما اعرف واحاول افسر واوضحلكم بعض النقاط

بداية : مهما كانت الديانة .. وحتى إن لم يكن ما يؤمن به الانسان هو دين .. لو كان بيؤمن بفكرة .. أكيد ليه اسبابه وليه مبرراته الي لازم غيره يحترمها فما بالكم بمجموعة كبيرة من الناس بتؤمن بعقيدة معينة او فكرة معينة مش ده يستاهل مننا مهما كنا شايفن انهم غلط اننا نحاول نفرمل في تعدينا عليهم ونحاول نفهم هم بيقولو كده ليه او على الاقل لا نهاجمهم ونحاول نهد عقدية حياتهم كلها مبينة عليها .. ده حتى يبقى غلط
وهل المسيح عليه السلام حث في رسالته وكلامه وافعاله على هذا الخلق اللهو والعبث بافكار ومذاهب اخريين ولا حتى اي رسول او نبي من الانبياء كان يدعو للاستهزاء باي شخص مهما كان فكره او مذهبه .. الديانات السماوية ديانات رحمة ونور وثقافة نزلت عشان كل البشر وعشان تنظم علاقتنا ومجتمعاتنا وتحثنا على الحب والود والعيش بسلام
اخواني .. لايوجد
انا هنا مش بدافع عن اي حد .. بس انا عايز انقل الكلام عشان يبقى كلام ناس عاقلة بتكلم بعضها

عايز برضه اقولكم على حكاية .. هي يمكن في خيالي دلوقت نكتة من بعد الي شوفته هنا
انا من الاسكندرية وتقريبا في اول يوم من احداث العنف الي حصلت في الكنيسة الموجودة في محرم بك .. كنت وانا وصديق ليا اسمه مينا ماشين على مسافة بعيدة من الكنيسة وكنا ماشين بنضحك وبنتخيل لو حد تعرضلنا فعلا من المجانين سواء كان مسلم او مسيحي او بيقول كده على نفسه وهو اساسا متخلف .. مش عايزكو تفهمو من القصة دي الا شيء واحد ..
فيه قسم كبير من الشعب المصري .. خلينا نقول بشقيه مسلم وقبطي عايزين يعشو في سلام مع بعض بس المتعصبين او الاغبياء بيفسدو علينا لحظات صداقة وحب وإخاء احنا محتاجين نعشيها كشعوب عربية لازم تنهض وتفوق بقى من الصراعات الغبية دي .. وتحاول تخلق فرصة للحوار والمناقشة .. مش في مسلم ولا مسيحي .. الدين ده بتاع ربنا
تخلق فرصة للحديث عن المستقبل وعن اولادنا في المستقبل .. وحرام علينا كشعوب عربية كانت اراضيها المهد الذي مشت فيه حضارات وعلماء وقديسين حرام علينا نحرم أطفالنا واحفادنا بعد كده من انهم يعيشو بسلام ويستمتعو باراضيهم وحضارتهم .. ومتنسوش ان في يوم من الايام زي ما احنا دلوقت بنتكلم عن التاريخ .. حيجي وقت واحفادنا حيجيبو في سيرتنا حاولو بقى لما يجبو سيرتنا يذكرونا بالخير مش بالتخلف والغباء الي احنا عايشين فيه ده

خلونا نكبر بقى .. ونتفاهم ولو لمرة واحدة .. عشان نستمتع بحايتنا ومنقضي حياتنا نسمع اخبار موت وحرب ودمار .. خلونا نسمع عن نشاطات ومحبة وإخاء ورحمة ونور وعلم وحرية


بقلم : اسماعيل ... FiberOptics

[موسي الأسود]

صراحة يا جماعة انا اتصدمت لما لقيت ان المنتدى اغلب الموجودين فيه مصريين
ببس الي شايفه بيقول ان مش هو ده المصري الي يجرح في ابن بلده مهما كان خلافه ده حتى الكلام الغير قابل حتى لاسلوب نقاش متحضر

اولا اهلا بك في منتدي اقباط الولايات المتحدة الأمريكية

يا جماعة انتم مش شايفين ايه الي حاصل هنا انا شايف ان اغلب المواضيع هنا مجرد هزار وضحك وسخرية ومفيش اي حوار نحاول نصلح بيه أخطاء كتير حاصلة في مجتمعنا العربي مش حقول الاسلامي او القبطي حقول المصري .. لاني ملاحظ ان اغلبنا هنا مصريين انا بيتهيالي كده ولا انا غلطان .. انا اي نعم مسجل من مدة في المنتدى لكن لم تتسنى لي فرصة الاطلاع على محتوياته الا الان وبدافع الفضول ولكن بصراحة انا اتصدمت

ولماذا الصدمة أخي !
وماذا نفعل نحن فقد صدمنا منكم و بافعال اخوانك المسلمين من اعتداءات علي الكنائس و هدم وحرق و قتل و خطف بنات و اضطهاد في كل مكان في المدرس - العمل - التعيين - حتي وسائل المواصلات وجدنا هناك الاضطهاد فلماذا لم تصدم من ذلك ايضا .
لماذا لم تصدم ونحن في عام 2006 ولا نستطيع بناء دورة مياة بكنيسة الا بتصريح من معالي الرئيس . لماذا لم تصدم و قد كثر المتخلفين عقليا يهددون الكنيسة و المصلين الأمنين العزل من السلاح . لماذا لم تصدم و الدولة تعامل المسيحيين بالكبت الاعلامي .
احكم بنفسك هل هناك مساواه بين القبطي و المسلم في مصر .

انا على فكرة مسلم وليا اصحاب مسيحيين هم اي نعم مش كتير .. بس انا بحبهم وهم كمان بيحبوني .. واكيد كلامكم مش حيفسد صداقتنا على الاقل من ناحيتي
انا مش عالم في أصول او علوم الدين .. بس انا ححاول اوضح على اد ما اعرف واحاول افسر واوضحلكم بعض النقاط

يا سيدي العزيز مرحبا بك في اي مكان بمنتدانا

بداية : مهما كانت الديانة .. وحتى إن لم يكن ما يؤمن به الانسان هو دين .. لو كان بيؤمن بفكرة .. أكيد ليه اسبابه وليه مبرراته الي لازم غيره يحترمها فما بالكم بمجموعة كبيرة من الناس بتؤمن بعقيدة معينة او فكرة معينة مش ده يستاهل مننا مهما كنا شايفن انهم غلط اننا نحاول نفرمل في تعدينا عليهم ونحاول نفهم هم بيقولو كده ليه او على الاقل لا نهاجمهم ونحاول نهد عقدية حياتهم كلها مبينة عليها .. ده حتى يبقى غلط

وماذا يقول الاسلام في الكتاب المقدس الذي توصفونه بالتحريف ان مجرد الدفاع عن الكتاب المقدس هو هدم للعقيدة الاسلامية . اخي لا تحزن فهذه حقيقة مؤكدة ولابد من الاعتراف بها انتم تدعون علينا مثل هذا و من حقنا الدفاع فلا تعتبر ذلك اهانة والا اعتبرنا ادعائك اهانة موجه لعقيدتنا .

وهل المسيح عليه السلام حث في رسالته وكلامه وافعاله على هذا الخلق اللهو والعبث بافكار ومذاهب اخريين ولا حتى اي رسول او نبي من الانبياء كان يدعو للاستهزاء باي شخص مهما كان فكره او مذهبه .. الديانات السماوية ديانات رحمة ونور وثقافة نزلت عشان كل البشر وعشان تنظم علاقتنا ومجتمعاتنا وتحثنا على الحب والود والعيش بسلام
اخواني .. لايوجد

اخي انت كما أعلمتنا انك جديد بمنتدانا فمن اين لك ان هناك كلام لهو وعبث ان الكلام الذي تدعي عليه بذلك موثق بالكتب و الادلة المادية الاسلامية فحدد اللهو و العبث من فضلك و لا يكون كلامك عائما .

انا هنا مش بدافع عن اي حد .. بس انا عايز انقل الكلام عشان يبقى كلام ناس عاقلة بتكلم بعضها

يا سيدي مرحبا بك للمرة الثانية

عايز برضه اقولكم على حكاية .. هي يمكن في خيالي دلوقت نكتة من بعد الي شوفته هنا
انا من الاسكندرية وتقريبا في اول يوم من احداث العنف الي حصلت في الكنيسة الموجودة في محرم بك .. كنت وانا وصديق ليا اسمه مينا ماشين على مسافة بعيدة من الكنيسة وكنا ماشين بنضحك وبنتخيل لو حد تعرضلنا فعلا من المجانين سواء كان مسلم او مسيحي او بيقول كده على نفسه وهو اساسا متخلف .. مش عايزكو تفهمو من القصة دي الا شيء واحد ..
فيه قسم كبير من الشعب المصري .. خلينا نقول بشقيه مسلم وقبطي عايزين يعشو في سلام مع بعض بس المتعصبين او الاغبياء بيفسدو علينا لحظات صداقة وحب وإخاء احنا محتاجين نعشيها كشعوب عربية لازم تنهض وتفوق بقى من الصراعات الغبية دي .. وتحاول تخلق فرصة للحوار والمناقشة .. مش في مسلم ولا مسيحي .. الدين ده بتاع ربنا

قصة جميلة فعلا وماذا فعل صديقك مينا بعد حرق كنيسة العصافرة لسه بيضحك علي خيبته . المتعصبين والاغبياء المسلمين هم اللذين يعرفون امور دينك ودنياك وانت اعترفت انك غير مطلع كليتا علي امور دينك اذن فلست متعصب فهل سياتي يوم لك لتطلع علي امور دينك و تقرأ سورة التوبة آية 29 لتتعلم امور دينك السمح .

تخلق فرصة للحديث عن المستقبل وعن اولادنا في المستقبل .. وحرام علينا كشعوب عربية كانت اراضيها المهد الذي مشت فيه حضارات وعلماء وقديسين حرام علينا نحرم أطفالنا واحفادنا بعد كده من انهم يعيشو بسلام ويستمتعو باراضيهم وحضارتهم .. ومتنسوش ان في يوم من الايام زي ما احنا دلوقت بنتكلم عن التاريخ .. حيجي وقت واحفادنا حيجيبو في سيرتنا حاولو بقى لما يجبو سيرتنا يذكرونا بالخير مش بالتخلف والغباء الي احنا عايشين فيه ده

استاذي الفاضل هات لي مسيحي ارهابي .. هات لي مسيحي حرق مسجد .. او قتل شخصا داخل المسجد .. هات لي مسيحي يضطهد مسلم . لن تجد . أتعرف لماذا لأن ايماننا ليس كذلك بل ايماننا محبة الآخر بل محبة الاعداء فهل ايمانك مثل ايماننا .

خلونا نكبر بقى .. ونتفاهم ولو لمرة واحدة .. عشان نستمتع بحايتنا ومنقضي حياتنا نسمع اخبار موت وحرب ودمار .. خلونا نسمع عن نشاطات ومحبة وإخاء ورحمة ونور وعلم وحرية

صدقني انا نفسي كل مصر تعيش في سلام ومحبة و اخوية لكن أتضمن ان الحكومة المصرية تعطي حق الاقباط لهم مستقبلا و تلغي الخط الهمايوني . اتضمن ان لا يظهر متخلف مسلم آخر و يقتل شيخا مسنا وهو يقول فداك ابي وامي يا رسول الله .
اخي فلنتكلم بالعقل و القلب معا و ليس بالقلب فقط فالقلب لغة احادية لا تنتظر منها سوي الكلام فقط بدون فعل
فماذا فعلت انت بعد احداث الاسكندرية وبحسب كلامك انك اسكندراني .

[jesus_4_us]

الأخ العزيز فايبرأوبتيك FiberOptics

موضوعك يحمل قيمة عظيمة لكن دعنى أرد عليك من إسمك

دعنا نقسم نوعية البشر كشنابر نظارات

فإنك ستجد شنبر بلاستيك وشنبر معدن ودة بيختلف حسب نوع المعدن وقيمته المادية

وستجد أيضا من أجرى عملية ليزر لتحسين الرؤية

وستجد من يعانى من كاتراكت

لكن الأصعب هو من يعانى من سرطان فى العين

لذلك كل نوعية تحتاج الى طبيب العيون الخاص بها والجراح المداوى

لذلك كل واحد بيختار العدسة التى تلائم نظره

يعنى واحد عنده طول فى النظر والأخر عنده قصر فى النظر


وانا معاك اننا نرجع كلنا بنظر ستة على ستة او بالمصطلح الاجنبى 20/20


لكن كيف يحدث هذا؟

فى انتظار ردك إذا كنت فهمت ماأعنية

وأهلا بك بين اهلك فى المنتدى

[knowjesus_knowlove]

لتوضيح أمثلة العزيزة jesus_4_us

يجب توضيح أن FiberOptics تعنى مجال صناعة الأجهزة و الكابلات المصنوعة من الفايبرجلاس التى تنقل الضوء وليس مجال طب العيون وصناعة الشنابر و النظارات الطبية Optical


أما الأخ فايبرأوبتيكس فبعد كلمته الرائعة والرد الرائع للحبيب موسى ...
إلا أننى ألوم حبيبى موسى بأنه لم يذكر قرآن وتعاليم النبى هتلر (صلعم) حتى يعطى الأخ فايبرأوبتيكس الدليل والبرهان على كل ماذكر ....

هييييه..آآآآآه يااانى .. أعمل إيه بقى ..
مكتوب على أحط اللنك بنفسى
http://www.copts.net/forum/showthread.php?t=3045

[jesus_4_us]

المشاركة الأصلية بواسطة knowjesus_knowlove

لتوضيح أمثلة العزيزة jesus_4_us

يجب توضيح أن FiberOptics تعنى مجال صناعة الأجهزة و الكابلات المصنوعة من الفايبرجلاس التى تنقل الضوء وليس مجال طب العيون وصناعة الشنابر و النظارات الطبية Optical


أما الأخ فايبرأوبتيكس فبعد كلمته الرائعة والرد الرائع للحبيب موسى ...
إلا أننى ألوم حبيبى موسى بأنه لم يذكر قرآن وتعاليم النبى هتلر (صلعم) حتى يعطى الأخ فايبرأوبتيكس الدليل والبرهان على كل ماذكر ....

هييييه..آآآآآه يااانى .. أعمل إيه بقى ..
مكتوب على أحط اللنك بنفسى
http://www.copts.net/forum/showthread.php?t=3045

الأستاذ العزيز ك ك

اود ان اوضح لك اننى اعلم مايعنيه اسم FiberOptics

لكننى من مداخلتى اردت الوصول لمعنى معين باستخدام كلمة اوبتيكس

ان كل مسلم سواء معتدل او غيره عندما يضع موضوع فى المنتدى يطرح وجهة نظره من خلال معاملته مع المسيحى القريب منه ولايريد ان يمد نظره ليرى ماذا يحدث او ماذا حدث
للمسيحى البعيد عنه الذى يسكن فى الكشح او العديسات
ولا يحاول ان يعمل على بتر سرطان العين المتسبب فى كل هذه الامراض التى استشرت فى المجتمع
ارجو ان تكون فهمت ما عنيته بمداخلتى

ولن اناقشك فى الفيبراوبتكس لان هناك دراسات لاستخدام نوع معين من هذه الكابلات الضوئية لتجربتها على فاقدى البصر تمنح الاحساس بالضوء ( هذه معلومات مؤكدة من طبيب عيون صديق لى يعمل فى هذا المجال )


واعتقد ان هتلر فهمنى

[knowjesus_knowlove]

واعتقد ان هتلر فهمنى

بالطبع يا أختى فى النازية ..

جزاكى اللات خيرا

ولكنك بكل أسف نسيتى الصلاة والسلام على سيدنا هتلر وعلى آله وأصحابه أجمعين

[The_Lonley_Wolf]

انا على فكرة مسلم وليا اصحاب مسيحيين هم اي نعم مش كتير

المسلمين دايما يقولوا كده و نبص نلاقى تانى يوم فى هجمات ارهابية عالكنايس و تطاول من شيوخهم و عقلاءهم عالمسيحية فى وسائل الاعلام و اضطهاد للأقباط فى الشارع

مما يجعلنا نتسائل هل من يقوم بالأعتداءات على الأقباط مسلمين أم هى مؤامرة من سكان زحل

[الذهبيالفم]

الأخ موس الأسود برافوا عليك كنت هقولها ...... الأخ اسماعيل احنا الأقباط نريد الحرية السلام أما قوانين الدولة الإسلامية فيهي ضد حريتنا في كل شئ .بٌضافة غلي وجود المتخلفين المتعصبين بدوافع ارهابية غبية نتيجة التعليم الإسلامي في المدارس و الجوامع .

[مار مينا]

اخرستوس انيستي
الاخ FiberOptics
اهلا بيك معانا ........انت بكلامك ده بتعبر عن الانسان المصري الطيب المسالم ..
ومشاعرك دي جميله ......لكن ينقص كلامك طرح حل عملي لما نحيا فيه من تمييز وتفرقه في القوانين وفي الحياة اليومية ......................

فهل من افكار ...؟؟؟؟؟؟؟؟؟
اليثوس انيستي

[honeyweill]

welcom
اهلا بيك في منتداك
حماده المصري

[FiberOptics]

انا اي نعم عندي امتحان بكرة .. بس يلا ححاول ارد برضه .. عشان بس انبسطت لما ملقتش حد بيستهزا زي ما شوفت في اغلب المواضيع هنا ..

الصديق موسى : انت كتبت

ولماذا الصدمة أخي !
وماذا نفعل نحن فقد صدمنا منكم و بافعال اخوانك المسلمين من اعتداءات علي الكنائس و هدم وحرق و قتل و خطف بنات و اضطهاد في كل مكان في المدرس - العمل - التعيين - حتي وسائل المواصلات وجدنا هناك الاضطهاد فلماذا لم تصدم من ذلك ايضا .
لماذا لم تصدم ونحن في عام 2006 ولا نستطيع بناء دورة مياة بكنيسة الا بتصريح من معالي الرئيس . لماذا لم تصدم و قد كثر المتخلفين عقليا يهددون الكنيسة و المصلين الأمنين العزل من السلاح . لماذا لم تصدم و الدولة تعامل المسيحيين بالكبت الاعلامي .
احكم بنفسك هل هناك مساواه بين القبطي و المسلم في مصر .

انا معاك ان كل الي بتقول عليه ده صدمات بس هل الصدمات دي حنصلحها ونحلها بالصدمات الي انا شوفتها وقصدي عليها هنا .. احنا مش المفروض دلوقت على النت .. هل انا جيت وسبيت او شتمت هنا هل جيت انا هديت المنتدى مثلا .. عشان الاقي مواضيع وردود بعيدة كل البعد عن البناء والإصلاح
انا معاك ان الي بيحصل في شوارعنا المصرية هو صدمة ومهزلة .. ولكن اريد ان انوه الى نقطة هامة ارجو ان لا تحاول ان تتجاهلها ..
الأخطاء الموجودة انا كمان كمسلم بعاني منها ومستاء منها .. فمش معنى انها موجودة اننا كمسلمين راضيين بها ومقتنعين بها .. كما قلت هناك جزء من الشعب المصري بشقيه المسلم والقبطي غير راضي عن ما يحصل واصحاب السطلة هم السبب مش عشان لانهم مسلمين الافعال السيئة لا ترتبط بدين صديقي .. الافعال السيئة حاجة موجودة كل البشر .. واحنا كبشر عاقل وواعي لازم نواجهها هي ..

انا على فكرة بشتغل في مجال الكمبيوتر واول شركة اتعلمت فيها وفهمت فيها كان شركة لناس أقباط بحبهم ومتاكد من انهم بيحبوني وبنعيد على بعض لحد دلوقت وبزورهم ومينا صديقي كان شغال معايا برضه ووالله انا مش بفتعل أكاذيب عشان اقنعكم بصداقات حقيقة ليا بس انا بحاول اقول ان مش بالاستهزاء او السخرية حنقدر نحل مشاكل مجتمعنا كله بيعاني منها احنا كلنا في مركب واحد يا نغرق كلنا يا نعيش كلنا .. ومستحيل حندي فرصة لمجموعة تقتل الباقي على حساب فرض رأيها او تنفيذ إرهابها الفكري

انت كتبت

وماذا يقول الاسلام في الكتاب المقدس الذي توصفونه بالتحريف ان مجرد الدفاع عن الكتاب المقدس هو هدم للعقيدة الاسلامية . اخي لا تحزن فهذه حقيقة مؤكدة ولابد من الاعتراف بها انتم تدعون علينا مثل هذا و من حقنا الدفاع فلا تعتبر ذلك اهانة والا اعتبرنا ادعائك اهانة موجه لعقيدتنا .

انا زي ما قلت غير مطلع وغير مثقف دينيا بطريقة تسمح لي بان افتي او اقول افترا بس الي اعرفه اننا بنؤمن بالديانة المسيحية وبنؤمن بالمسيح عليه السلام اما اذا كان هناك تحريف عندكم فهذه شيء تعالجونه انتم بنفسكم وانا مليش اي دخل في اني اقول محرف او لا .. مش من حقي يعني اقول كده .. وانا مش بقول كده دلوقت انا بس بخلي ذمتي من الي انت بتقوله لاني مش بقول كده كمسلم مش بقول ان الانجيل


انت كتبت

اخي انت كما أعلمتنا انك جديد بمنتدانا فمن اين لك ان هناك كلام لهو وعبث ان الكلام الذي تدعي عليه بذلك موثق بالكتب و الادلة المادية الاسلامية فحدد اللهو و العبث من فضلك و لا يكون كلامك عائما .

انا تصفحت المنتدى .. وفيه ناس كتير بتفضل تضحك خلال المواضيع في امور لا تدعو الى الضحك ابدا .. انا ده الي شوفته .. وانا مش جديد على المنتديات يعني بقالي سنين مقضيها بكتب في منتديات ومش شايف اي داعي للضحك والسخرية من أمور نحن كمسلمين وأقباط المفروض منضحكش فيها واحنا بنتكلم عليها بالمرة ومفيش داعي اجيبلك وصلات عشان تشوف انت اتصفح وشوف ولو عجزت انا رؤية ذلك .. انا حجبلك وصلات تشوف بنفسك .. ده غير ان فيه اهانات ناس كتير بتقولها عن الرسول الكريم محمد وعن معتقداتنا احنا كمسلمين
والدفاع عن دين او عقيدة او فكر .. لا اعتقد انه بيكون بتفنيد الرأي الاخر والفكر الاخر .. يعني الدفاع لا يحتاج لهجوم لأثبات الحقائق


انت كتبت

قصة جميلة فعلا وماذا فعل صديقك مينا بعد حرق كنيسة العصافرة لسه بيضحك علي خيبته . المتعصبين والاغبياء المسلمين هم اللذين يعرفون امور دينك ودنياك وانت اعترفت انك غير مطلع كليتا علي امور دينك اذن فلست متعصب فهل سياتي يوم لك لتطلع علي امور دينك و تقرأ سورة التوبة آية 29 لتتعلم امور دينك السمح .

قرأت الاية يا صديقي الاية لا يوجد فيها اي تعدي على الديانة القبطية او المسيحية الاية تفيد او تحثنا في رايي على مقاتلة من لا يؤمن بالله وانتم تؤمنون بالله وايضا تحثنا على مقاتلة الذين لا يؤمنون باليوم الاخر ( يوم القيامة يعني ) وانتم تؤمنون باليوم الاخر
وعايز اقولك برضه على حاجة حاول تقرا الاية السابقة لهذه الاية فالايه الي بتقول عليها نزلت في سياق احداث تاريخية اقرا الاية السابقة لها وانت حتفهم قصدي ايه تحديدا

انت كتبت

استاذي الفاضل هات لي مسيحي ارهابي .. هات لي مسيحي حرق مسجد .. او قتل شخصا داخل المسجد .. هات لي مسيحي يضطهد مسلم . لن تجد . أتعرف لماذا لأن ايماننا ليس كذلك بل ايماننا محبة الآخر بل محبة الاعداء فهل ايمانك مثل ايماننا .

صديقي اجبلك ازاي مسيحي بيعمل كده .. عارف ليه مقدرش اجبلك عشان مش حينفع يبقى مسيحي ويعمل كده مش حقول عليه انا قبطي او مسلم .. حقول عليه متخلف او غبي الي يعمل كده

انت كتبت

صدقني انا نفسي كل مصر تعيش في سلام ومحبة و اخوية لكن أتضمن ان الحكومة المصرية تعطي حق الاقباط لهم مستقبلا و تلغي الخط الهمايوني . اتضمن ان لا يظهر متخلف مسلم آخر و يقتل شيخا مسنا وهو يقول فداك ابي وامي يا رسول الله .
اخي فلنتكلم بالعقل و القلب معا و ليس بالقلب فقط فالقلب لغة احادية لا تنتظر منها سوي الكلام فقط بدون فعل
فماذا فعلت انت بعد احداث الاسكندرية وبحسب كلامك انك اسكندراني .

وانا كمان نفسي مصر وكل الشعوب العربية تعييش في سلام وأمن وحرية ومساواة
ولكن مش مش حيحصل طول ما احنا بنتقاتل على النت .. يعني على الاقل احنا دلوقت على النت عشان على الاقل نتفاهم ونتكلم بلاش نحل مشاكل على الاقل نعزز حبنا لبعض ولـ وطنا مصر ..
المسلم الي حيقتل دون ده مش مسلم يا صديقي .. متقولش عليه مسلم ..
المفروض ان فيه قضاء هو الي يحكم دلوقت .. ومفيش اي حق لاي حد انه يحلل دماء انسان ويقتله
وعايز اقول كمان ان يوم الي حصل في الكنيسة في محرم بك صديقي مينا كان مستاء من الي حصل من اخوانا المسيحيين في الكنيسة ( المسرحية ) ( وهي مش موضعنا دلوقت ) وانا كنت مستاء من الرد الفعل الغير عاقل من الي قامو بتهديد الكنيسة يعني اانا وصديقي كان مش عاجبنا الطرفين واحنا مقعدناش نضحك طول الوقت اتكلمنا شوية عن الي حصل وبعدين هو قالي وهو بيضحك متيجي توصلني يا ابني لحد البيت انا خايف حد يطلعلي بسيف ولا حاجة .. قلتله متخفش ابقى رنلي وضحكنا وكل واحد روح على بيته

الصديق موسى في النهاية :انا بعرض عليك صداقتي .. كمسلم وقبطي واتمنى ابقى اشوفلك مواضيع تحث على الحب والإخاء والحرية والمساواة زي ما كلنا عارفين ان سيدنا المسيح عليه السليم كان بيدعو وزي ما سيدنا محمد كان دايما برضه بيقول ويدعو الناس كلها لذلك

وححاول ارد على باقي الاصدقاء ان شاء الله

[FiberOptics]

المشاركة الأصلية بواسطة jesus_4_us

الأخ العزيز فايبرأوبتيك FiberOptics

موضوعك يحمل قيمة عظيمة لكن دعنى أرد عليك من إسمك

دعنا نقسم نوعية البشر كشنابر نظارات

فإنك ستجد شنبر بلاستيك وشنبر معدن ودة بيختلف حسب نوع المعدن وقيمته المادية

وستجد أيضا من أجرى عملية ليزر لتحسين الرؤية

وستجد من يعانى من كاتراكت

لكن الأصعب هو من يعانى من سرطان فى العين

لذلك كل نوعية تحتاج الى طبيب العيون الخاص بها والجراح المداوى

لذلك كل واحد بيختار العدسة التى تلائم نظره

يعنى واحد عنده طول فى النظر والأخر عنده قصر فى النظر


وانا معاك اننا نرجع كلنا بنظر ستة على ستة او بالمصطلح الاجنبى 20/20


لكن كيف يحدث هذا؟

فى انتظار ردك إذا كنت فهمت ماأعنية

وأهلا بك بين اهلك فى المنتدى

تقدر تقول فهمت جزء لا بأس به من الي انت تقصده ..
بس هل معنى كلامك ده لو مقدرناش نرجع كلنا ستة على ستة .. حيفضل ناس تهدد فينا وتقتل فينا وتسلب من مجتمعنا حريته ومساواته اكتر ما هي مسلوبة .. صديقي احنا نحاول نصلح الي شايفنه غلط مش بغلط زيه ومش بتعدي .. بحاور ومناقشة ونبعد بقى عن السب والغهانة عشان ناخد حقنا

انا معاكم يا جماعة انا شايف ان مفيش مساواة حقيقة .. بس هل عدم المساواة دي بس موجودة عشان تفرق بين مسلمين وأقباط مصر .. انا شايف ان عدم المساواة وخنق وقتل الحرية الحقيقة شيء موجود بين مختلف الطبقات والفئات في مجتمعنا .. والأخطاء موجودة حوالينا في كل حاجة .. مش بقول بقى عايزين نبقى مجتمع مثالي لان صعب وصعب المجتمعات تصلح نفسها من يوم وليلة .. بس على الاقل نزرع في أطفالنا الحب والإخاء والمساواة .. عشان ميجيش عليهم يوم ويتقالتو ويختلفو زي ما احنا بنعاني دلوقت من عدم وجود الحب والمودة والمحبة بين مجموعات في المجتمع .. وانا أولادي ان شاء الله حزرع فيهم حب الخير وحب الغير زي ما والدي كان بيقولي ويعلمني والحمدلله عمره ما حاول يكرهني في فئة او في دين .. وعشت عمري بحب كل البشر وكل الديانات السماوية ومش بكره انسان عشان هو مسيحي او بهودي او امريكي .. احنا بشر وعاقلة .. ولازم نعمل الي يخلينا نعيش في حب ومودة وسلام الى ان نموت راضيين عن حياتنا وبنحمد ربنا على كل شيء

شكرا يا جيوس على المشاركة والرد .. واتمنى اشوفلك مواضيع وردود تانية وبرضه حرد بكل الحب والمحبة ;)

[FiberOptics]

المشاركة الأصلية بواسطة knowjesus_knowlove

لتوضيح أمثلة العزيزة jesus_4_us

يجب توضيح أن FiberOptics تعنى مجال صناعة الأجهزة و الكابلات المصنوعة من الفايبرجلاس التى تنقل الضوء وليس مجال طب العيون وصناعة الشنابر و النظارات الطبية Optical


أما الأخ فايبرأوبتيكس فبعد كلمته الرائعة والرد الرائع للحبيب موسى ...
إلا أننى ألوم حبيبى موسى بأنه لم يذكر قرآن وتعاليم النبى هتلر (صلعم) حتى يعطى الأخ فايبرأوبتيكس الدليل والبرهان على كل ماذكر ....

هييييه..آآآآآه يااانى .. أعمل إيه بقى ..
مكتوب على أحط اللنك بنفسى
http://www.copts.net/forum/showthread.php?t=3045

اهو ده يا موسى موضوع من مواضيع الصدمات
يعني يا جيوس تتوقع اني ارد ازاي دلوقت .. شوف قم بتعديل الموضوع واكتبه بالطريقة البعيدة عن الاستهزاء وانا ححاول ارد .. ومتشكر يا عم على الوصلة
انا اكتشف ان مش انت الي كاتب الموضوع .. بس انا بعد كده حرد بس على المواضيع الي احس ان الي كاتبها بيحترم اعتقاداتي وبيدعوني للمناقشة .. وححاول ابعد على اد ما اقدر من المواضيع الدينية البحتة لعدم معرفتي الكافية .. بس برضه ححاول يبقى عندي فكرة عشان ارد

اما الفايبر اوبتكس .. انا في رايي هو ثورة في عالم الاتصالات وان شاء الله احاول اكتب عليه في قسم التكنولوجيا .. وهو ببساطة شديدة

امكانية نقل المعلومات والبيانات بسرعة الضوء باستخدام نظرية تقول ان الضوء ممكن ينعكس انعكاس كلي عن الزجاج اذا كان الزجاج له معامل انكسار معين وبناء على هذه النظرية
احنا لو دخلنا ضوء داخل انبوب زجاجي بزاوية معينة .. ممكن الضوء يفضل ينعكس داخل الانبوب انعاكاسات متتالية بسرعته الى ان ينتقل للطرف الاخر للأنبوب وبهذا ممكن لو حملنا الضوء معلومات معينة .. نقدر ننقلها بسرعة الضوء للطرف الثاني

وحبقى اكتب اكتر عن ده بعد كده

[FiberOptics]

المشاركة الأصلية بواسطة The_Lonley_Wolf

المسلمين دايما يقولوا كده و نبص نلاقى تانى يوم فى هجمات ارهابية عالكنايس و تطاول من شيوخهم و عقلاءهم عالمسيحية فى وسائل الاعلام و اضطهاد للأقباط فى الشارع

مما يجعلنا نتسائل هل من يقوم بالأعتداءات على الأقباط مسلمين أم هى مؤامرة من سكان زحل

ههههه .. لا هم مش من زحل .. زي ما كل الناس هنا دلوقت من مش زحل :D

صديقي مش انا الي بعمل الهجمات دي الي انت بتقول عليها .. ومفيش مسلم وحقيقي مسلم يعمل كده ولا قبطي .. انا ضد كل انوع العنف بأشكاله واتمنى ان يكون ده كمان رايك ونحاول انا وانت بقى نوضح ده لمجتمعنا .. وعلى فكرة .. انا اعرف شيوخ برضه مسلمين .. وعمر ما حد فيهم حثني على قتل او هجمات بالعكس كل الشيوخ الملسمين ضد العنف او القتل .. والي بيحصل ده من مجموعات صدقني مش بتفهم مع اني تحديدا معرفش كل الي بيحصل .. بس الي بسمعه .. ويا صديقي العنف موجود في كل مجتمعاتنا العربية .. انت مش بتشوف في العراق بيحصل ايه دلوقت .. مش معايا ان الناس هناك الي بتعمل كده برضه متخلفة واغبياء ..
صديقي .. انا بحب كل الأقباط وضد اي حد يهدد حريتهم او يقوم بإرهابهم او تخوفيهم .. وان شاء الله حيجي اليوم الي مش حنسمع فيه عن اي تهديد او خوف .. ادعوا معايا نعيش بقى في سلام ونبص للمستقبل .. ولقدام عشان اطفالنا وأحفادنا تعيش في سلام ..

ملاحظة : انا اسف اني خاطبت الصديقة جيوس على اساس انها ولد :D انا مكنتش اعرف انها بنت

[FiberOptics]

المشاركة الأصلية بواسطة الذهبيالفم

الأخ موس الأسود برافوا عليك كنت هقولها ...... الأخ اسماعيل احنا الأقباط نريد الحرية السلام أما قوانين الدولة الإسلامية فيهي ضد حريتنا في كل شئ .بٌضافة غلي وجود المتخلفين المتعصبين بدوافع ارهابية غبية نتيجة التعليم الإسلامي في المدارس و الجوامع .

صديقي صدقني التعاليم الاسلامية لا تحث ابدا على القتل او العنف .. باي حال من الاحوال صدقني انت فاهم غلط .. انا بدخل جوامع برضه وعمر يعني ما شيخ قالنا روح اقف قدام كنيسة وخوف الناس :D بالعكس الدين لله .. والاخطاء والقوانين الموجودة انا كمان كمسلم ممكن اكون شايف انها غلط .. وواجب علينا كمصريين نتكلم عن القوانين دي مثلا .. ونحاول نلاقي حلول ليها وبدائل ترضينا .. كشعب واحد