جرين كارد 2011

[elmafdy]

المشاركة الأصلية بواسطة joey12

انا واحد من اللي كسب وبعت الاستمارات من اكتر من اسبوع
محتاج اعرف اية الحل لان من المستحيل طبعا اننا نكسبت تاني خصوصا ان رقمي كان صغير اوي وحاليا مش قادر اوصف الحالة النفسية اللي انا فيها
ياترة في حل طبعا انا ثقتي في ربنا ملهاش حدود بس انا بدور علي اي حل ؟

اكيد ليك حق ان حالتك النفسيه تبقى صعبه جدا جدا جدا , بعد ما كسبت و ابتديت تتحرك لقيت نفسك بترجع لنقطة الصفر تانى .

و أعتقد ان مافيش حد عنده حل يقدر يساعدك بيه , اللى انا فاهمه ان اللى اعلنته الخارجيه الامريكيه ان اللوتارى كله ها يتعاد من جديد و كل اللى فات كأنه ما كانش . . .

بس الحاجه المؤكده ان أذا كان سفرك هو الخير اللى ربنا مرتبه ليك , يبقى اكيد ها تكسب تانى , و لو اتعادت اللوتارى ميت مره ها تكسب فى كل مره طالما ان دى مشيئة ربنا , و لو السفر مش هو الخير بالنسبه لك , يبقى ربنا عمل كده علشان يجنبك شر جايز انت مش شايفه , او يمكن علشان هو مرتب لك خير تانى افضل و احسن .

أنا عارف ان كلام الوعظ بتاعى ده مش وقته خالص , و أنك ممكن تكون سمعته اكتر من مره لغاية ما زهقت منه , بس صدقنى هى دى الحقيقه , الحقيقه الوحيده اللى لازم تكون مصدقها و فاكرها طول الوقت .

خلينا نحسبها بالصوره دى :

• انت عملت كل اللى عليك و قدمت و لما جالك الرد اتحركت بجديه و سرعه
• اعادة القرعه تانى و اللى ها يحصل المره الجايه حاجه مش فى ايدك خالص
• يعنى نقدر نقول ان الامور خرجت من المستطاع عندك و عند البشر كلهم , و بقت فى ايد ربنا بالتمام .
• طالما مش فى ايدك حاجه , يبقى انت كده و لا كده لازم تسيب الامور لربنا هو اللى يختار اللى شايفه صح.
• و لو انت بتثق فى قراراتك و ترتيبك للأمور , فصدقنى ترتيب ربنا اكيد احسن و افضل مليون مره
• و خليك فاكر و متأكد طول الوقت انه لو السفر هو خيرك , ربنا ها يخليك تكسب لو اتعادت القرعه مليون مره
• و لو مش خيرك يبقى ربنا عمل كده مخصوص علشان مجهز لك خير افضل و اكبر , سواء جوه مصر او فى امريكا او فى مكان تالت .

خليك فاكر طول الوقت ان كل الاشياء تعمل معا للخير للذين يحبون الله .

ربنا معاك و يبارك حياتك

المفدى

[joey12]

ميرسي جدا لكلام حضرتك وشعورك النبيل دة
بس صدقني انا عندي ثقة كاملة ان ربنا هو الوحيد اليل في ايده كل شي ممكن وتريته اعظم تريب بس اللي تعابني اوي ان كل خطوة كانت فيها مشكلات وكان ربنا هو اللي بيدبره يعني البداية انا شوفت النتيجة افتكرت اني متقبلتش وبعد الحاح احد اصدقائي بعد ساعات كتيرة اخد بيانتي وداخل واكتشف اني كسبت
وبعدين انا اساسا معنديش اي شخص هناك او معارف بس بردوا لقيت ربنا بيدبرها وكل شي بيمشي وفعلا كل حاجة مشيت وبعت اوراقي يوم 5-5 يعني تقريبا من اول الناس في مصر واورقي وصلت هناك يوم 9-5 كل دة و انا شايف ايد ربنا في الموضوع وطبعا كل الموقف كانت تحت ارشاد اب اعترافي اللي كان فرحان جدا ليا
بس دة كل الحكاية
ومش عارف هو ربنا كان في الموضوع ولا لا طيب لو كان في الموضوع لية تبقة دة النهاية
صدقني انا عشت اجمل 13 يوم في حياتي بعد النتيجة لحد يوم الجمعه 13-5
اصعب لحظات حياتي
اسف علي الصداع والدوشة بتاعتي
صلوا من اجل صعفي

[TERMINATOR]

المشاركة الأصلية بواسطة joey12

ميرسي جدا لكلام حضرتك وشعورك النبيل دة
بس صدقني انا عندي ثقة كاملة ان ربنا هو الوحيد اليل في ايده كل شي ممكن وتريته اعظم تريب بس اللي تعابني اوي ان كل خطوة كانت فيها مشكلات وكان ربنا هو اللي بيدبره يعني البداية انا شوفت النتيجة افتكرت اني متقبلتش وبعد الحاح احد اصدقائي بعد ساعات كتيرة اخد بيانتي وداخل واكتشف اني كسبت
وبعدين انا اساسا معنديش اي شخص هناك او معارف بس بردوا لقيت ربنا بيدبرها وكل شي بيمشي وفعلا كل حاجة مشيت وبعت اوراقي يوم 5-5 يعني تقريبا من اول الناس في مصر واورقي وصلت هناك يوم 9-5 كل دة و انا شايف ايد ربنا في الموضوع وطبعا كل الموقف كانت تحت ارشاد اب اعترافي اللي كان فرحان جدا ليا
بس دة كل الحكاية
ومش عارف هو ربنا كان في الموضوع ولا لا طيب لو كان في الموضوع لية تبقة دة النهاية
صدقني انا عشت اجمل 13 يوم في حياتي بعد النتيجة لحد يوم الجمعه 13-5
اصعب لحظات حياتي
اسف علي الصداع والدوشة بتاعتي
صلوا من اجل صعفي

حبيبي الغالى قلبى معك ..
بجد موضوع صعب ، بس خلينا فى اجراء عملى ، يعنى انا مش عارف ممكن يجيب نتيجة ولا ايه بس جرب .
شوف امريكا قامت بالغاء اللوترى علشان شايفه ان دا ظلم لباقى الناس ، انت بقى هتلعب على النقطة دى ، روح السفارة وحاول تقابل السفيرة وتشرح لها الاضرار النفسية اللى وقعت عليك من الموضوع ده وانت مضطر تروح لطبيب نفسانى يعالجك من الصدمة وحال البلد دلوقتى وانك تعبان ومضطهد ومش قادر تعيش وان الجيران بيحدفوك بالطوب ............... لقيتها استجابت ماشى يبقى خير ولو حتى تعاطف مقبل
غير كده وطالما ضربوك على عينك ، هدد انك هترفع قضية لانك ليس لك ذنب فى الخطأ بتاع الكمبيوتر وابدأ فى مراسلة محامى هناك بس طبعا اجرهم غالى جدا
او كما قال لك اخونا المفدى دى ارادة ربنا وتقبلها بصدر رحب

وربنا معك

[المعلم يعقوب القبطى]

المشاركة الأصلية بواسطة joey12

ميرسي جدا لكلام حضرتك وشعورك النبيل دة بس صدقني انا عندي ثقة كاملة ان ربنا هو الوحيد اليل في ايده كل شي ممكن وتريته اعظم تريب بس اللي تعابني اوي ان كل خطوة كانت فيها مشكلات وكان ربنا هو اللي بيدبره يعني البداية انا شوفت النتيجة افتكرت اني متقبلتش وبعد الحاح احد اصدقائي بعد ساعات كتيرة اخد بيانتي وداخل واكتشف اني كسبت
وبعدين انا اساسا معنديش اي شخص هناك او معارف بس بردوا لقيت ربنا بيدبرها وكل شي بيمشي وفعلا كل حاجة مشيت وبعت اوراقي يوم 5-5 يعني تقريبا من اول الناس في مصر واورقي وصلت هناك يوم 9-5 كل دة و انا شايف ايد ربنا في الموضوع وطبعا كل الموقف كانت تحت ارشاد اب اعترافي اللي كان فرحان جدا ليا بس دة كل الحكاية ومش عارف هو ربنا كان في الموضوع ولا لا طيب لو كان في الموضوع لية تبقة دة النهاية صدقني انا عشت اجمل 13 يوم في حياتي بعد النتيجة لحد يوم الجمعه 13-5 اصعب لحظات حياتي اسف علي الصداع والدوشة بتاعتي صلوا من اجل صعفي

أخى العزيز
معلوم بالطبع أن فى ذهنك أنهم كمن أعادوك من على باب الجنه
وأعلم أنك فى حاله لن تتقبل فيها أى كلام
سيبها على الله وهو يعمل اللى فيه الخير
ويعينك فى التجربه دى
لى صديق منذ حوالى الخمس سنوات فاز فى اللوتارى
وبعت أول جواب
وبالصدقه قابل أحد الآباء
ففوجئ الكاهن ده ده بيقول له
أنا مش عايزك تسافر
أقعد معانا أحسن
رغم إنه فى مصر ماعندوش حاجه يبكى عليها خالص
والحاله الماديه ماشيه بالعافيه
ولم يأتيه رد من السفاره
فإعتبر هذه إراده الله فى حياته


ربنا يختار ليك الصالح
ويسندك فى التجربه
بس إعمل الى عليك علشان ماتندمش إنك سيبت طريق كان ممكن تمشى فيه

[TERMINATOR]

يا جماعه اللى فقد رقم confirmation الخاص به سواء بقصد او بدون قصد سيصل له رسالة فى البريد اللى سجله فى الاستماره فيه وسيجدها بعنوان : no-reply
ومرسلة من : no-reply@state.gov

وفيها شرح للى حصل وليه تم الغاء النتائج وسيجد فيها رابط تحت عنوان :
If you lost or destroyed your confirmation number, please click here:

يضغط على الرابط سيظهر له رقم confirmation الخاص به

[elmafdy]

اخى ترمينتور .. . اخوتى الاحباء

لو حد يعرف ليه بعض الناس بيوصل لهم الميل بتاع الاعتذار ده و بعض الناس مش بيوصل لهم الميل ياريت يفيدنا بالسبب .

يعنى هل مثلا اللى ما وصلوش الميل ده كان طلبه مرفوض من الاول , كان فيه غلط فى الابلكيشن بتاعه مثلا او حاجه زى كده .

و لا كل الناس ها يوصل لها الميل بس الامر بياخد وقت , يعنى على فترات , و لا ايه الفرق تحديدا بين اللى وصل لهم ميل اعتذار من السفاره و اللى ما وصلهمش .

اللى عنده معلومات عن الموضوع ده ياريت يفيدنا

المفدى

[TERMINATOR]

حبيبى الغالى اعتقد ان الميل ده هيوصل لكل الناس بس انتعارف دول 14 مليون على مستوى العالم
شوف فى راى ممكن تكون انت مسجل بالبريد بتاعك للاكثر من شخص مثلا انا سجلت باسمى وباسم المدام بالبريد بتاعى وصلى لى ولم يصل باسم المدام .
كمان ممكن تلاقيه فى الجانك ميل .
بس انشاء الله يوصلك وبعدين هو انت فقدت رقمك ولا ايه ؟

[abomeret]

انا وصلى ايميلين .. واحد بأسمى والتانى بأسم المدام .. وربنا يعمل الصالح ...