الصيف والسيف

المشاركة الأصلية بواسطة NasaGirl

على فكرة الكلام دا كلة نصب
الاسكندرية بقت مصيف انضف غير بس البحر معفن و انفاق عبور المشاة دى لمصلحتكم انا شفت قدام عينى 3 حوادث بشعة و لو عايز مصيف رخيص عندك راس البر و العريش بعد شهر 7 علشان القناديل بتمشى مع اخر الثانوية العامة و مرسي مطروح
و على التاكسيات فسعر التاكسي بعشرة جنية مواصلتين و تلاتة جنية مواصلة واحدة

لازم تصيف يا موظف?? و مالها حديقة الحيوان بربع جنية??

العزيزة ناسا تتهمنى بالكدب ثم تدعونى لان اصيف فى راس البر
وهى لم تفهم الغرض من الموضوع
الغرض يا سيدتى الفاضلة ان الاسكندريه كانت عروس البحر ثم من اهمالنا لها توسخ ثوبها ووضعنا فيه الرقع فلم تعد تستحم بعد ان كانت كل ميادينها تستحم بالماء والشامبو ، ووقت ان كان التاكسى نظيفا ،والشوارع قدوة لنظافة منازلنا ، ووسائل المواصلات العامة هى الرئيسية ، وقتها لم نسمع عن هذا الجسم الغريب المسمى ميكروباص،ووقت لم نرمى بمياة الصرف فى البحر بدلا من التخلص منها الصحراء .
وياسيدتى عجيب ان تطلبى من اسكندرانيا ان يصيف فى راس البر ، يعنى البيت بيت ابونا والغرب يكرشونا
ثم انا مش موظف ،ولا اشكو من الاسعار ولكن المعنى كان شكوى الاستغلال ،فلا يوجد مصيف فى العالم يدفع الجلد والسقط عشان يضرب غطس فى بحر مخلوط بالمجارى
وبصراحه كده احنا مخنوقين منكم ،ومش عايزينكم تيجوا عندنا ،روحوا راس البر وانعمى بالناموس هناك
قال راس البر قال

[amoni]

معذرة فا انا لا اتهمك بالكدب و لكن الى حاجات الى انا شفتها دى حقيقية و حوادث شارع البحر و انا كررت ان البحر زبالة و عندى صديقة امريكية زارت هناك و كانت عايزة ترفع قضية على الحكومة علشان عدم نضافة البحر حتى فى المنتزة البحر و رملة وسخ

و لكن ها نعمل اية
عندك راس البر ارخص بس بردوا ما تنزلش البحر و لكن خد الجيتار و العب على شاطئ النيل
او روح العريش او مرسي مطروح او الخرطوم

المشاركة الأصلية بواسطة NasaGirl

معذرة فا انا لا اتهمك بالكدب و لكن الى حاجات الى انا شفتها دى حقيقية و حوادث شارع البحر و انا كررت ان البحر زبالة و عندى صديقة امريكية زارت هناك و كانت عايزة ترفع قضية على الحكومة علشان عدم نضافة البحر حتى فى المنتزة البحر و رملة وسخ

و لكن ها نعمل اية
عندك راس البر ارخص بس بردوا ما تنزلش البحر و لكن خد الجيتار و العب على شاطئ النيل
او روح العريش او مرسي مطروح او الخرطوم

هاعيط بجد
انا ماليش دعوه بأى حتة تانية
انا اسكندرانى وعايزها زى زمان ، ياريت تفهمينى يا عزيزتى
وادينا فى موسم الانتخابات المباركية ،وهى فرصة لان نصرخ فى وجه اى مسئول ان يكون مسئول بجد ،يعنى يرضى حضرتك القذارة التى تعيش فيها العروس السابق ، يرضى حضرتك انى اسكن فى موقع يرى البحر ولا يمكننى ان انزل بالشورت _زى زمان _واضرب غطسين واروح ،يعنى ابقى ابن البلد وادفع رسم دخول للشاطئ، وبعدين الرسم ليس مقابل اى خدمة ،فالبحر بحر ربنا وملك المصريين كلهم ، والا احنا بقينا اجانب فى بلادنا
لعلمك فى اليونان اجمل شاطئ برسم تلاته يورو ، شمسيه وكراسى نوم وحمامات ودورات مياه وحنفيات مياة مثلجه وحدائق خضراء واماكن للعب الاطفال ومنطات متزحلقه،ومكان لجراج السيارات ، كل ده بتلاته يورو ، وقارنى الدخل ، وقارنى الخدمات المقدمة ،هتعرفى اننا لازم ننتحر غيظا وكمدا على نفسنا

[rizk nabil]

المشاركة الأصلية بواسطة power_40

لعلمك فى اليونان اجمل شاطئ برسم تلاته يورو ، شمسيه وكراسى نوم وحمامات ودورات مياه وحنفيات مياة مثلجه وحدائق خضراء واماكن للعب الاطفال ومنطات متزحلقه،ومكان لجراج السيارات ، كل ده بتلاته يورو ، وقارنى الدخل ، وقارنى الخدمات المقدمة ،هتعرفى اننا لازم ننتحر غيظا وكمدا على نفسنا

علشان اليونان حكامها مسيحيين جرب كده وخلى
المسيحيين يحكموا مصر هتلاقى نفسك مبسوط خالص

[fanous2102]

الا باور 40
بيلبس مايوه زي كل الخلق و الا بينزل البحر بالجلابيه



مافيش زي حلاوتك يا اسكندريه بعد دخول المدارس
كنت دايما اروح انا و مراتي في اواخر 9 و اوائل 10
روعه
ياسلام علي قدوره في المنشيه
و التمشيه ليلا ...كانت...قبل االمسلمين مايحكموا في كل شئ
و الشورت الشرعي و الجلابيه الخ الخ

ياعم بلبل مال الاسلام والمسيحية فى كده
والله موظفة بنك مسيحية تتعامل بالرشوة فى بنك محترم لتسهيل الامور والخروج عن انتظار الدور تصور؟
وبعدين يعنى حكام البرازيل هندوس ؟
والا حكام الصومال سيخ؟
والا حكام روسيا مسلمين اتقياء وعلامات الصلاة فى وجوههم
ما اكثر من 130 دوله فى العالم تدين بالمسيحية العصماء وكلهم ضاربهم السلك
وبعدين يا فانوس انا بانزل بالبكينى ياعم وقطعه واحده كمان ، وانا باصرخ بيها ،انا مسلم اتمنى من الله ان يتوب عليا وارجع الى مرحلة الهدوء النفسى الذى نعمت به فى مرحلة الشباب ،فليس سلوكى فى الرد على البعض هنا هو سلوك الاسلام ،ولو كنت مسلم حقا لما المت احدكم بكلماتى هنا وهناك .
هل تريد اعتراف اكثر من هذا
كل الامل ان يتوب الله عليا ،وياريت تدعيلى

الموضوع يا جماعه مش دين
الموضوع اننا بقينا مخنعين
احكيلك نكته ،الريس شعبيته قلت ،اشاروا عليه يعين وزير ويخليه يصدر قرارات متعسفه ثم يقيله فتزيد شعبيته
جاب الوزير وقاله عايزك تعكر مزاج الكـــــــــــلاب دول ،.
الوزير اصدر اول قرار بدفع رسم عبور الكبارى مائه جنيه ،مرت سنه ولم يشتكى احد،اصدر قراره الثانى بدفع رسم مغادره الكبارى مائه جنيه اخرى ،لم يتكلم احد ، اصدر القرار الثالث بضرب المارين على الكبارى عشر قفيان على قفاهم
اجتمع الريس بالشعب ، وفى نهايه حواره ،سال الشعب ، حد مزعلكم ؟ فيه اى وزير مضايقكم ؟
واحد رفع ايده وقاله
ياريس انتم فرضتم ميتين جنيه عبور الكبارى وضربنا على قفانا ، ولنا طلب عند سيادتك انك تزود عدد الناس الى بتضربنا عشان نلحق شغلنا
فهمت مدى الخناعة؟
وتانى مرة واحد زعق فى وشه -ياريس التغيير سنة الحياة
رد عليه اذا كان التغيير سنة فانا فرض