ويستمر مسلسل خطف بناتنا فى مصر

المشاركة الأصلية بواسطة Mrs 2ana 7or

اول مداخله ليا فى الموضع ده فى ردى على مكاكولا قلت ايات الانجيل الخاصه بالحشمه معروفه ومالوش داعى القص واللزق لكن الكلام كان عن وجه النظر القاصرة عن مفهوم الحشمه هل هى لبس وبس ولا لا؟؟؟
الحشمه فى اللبس وغطاء الراس والصوت الهادئ؟؟ ام الحشمه فى الفلب اولا ؟؟؟
اظن كتير من اللى بيتكلموا عن اللبس بس مشافوش بنات من مصر الجديده مثلا او مدينه نصر او المعادى ... بنات كلهم شياكه واناقه ولبس اخر موضه بس وبامانه كتير منهم ينقال عنهم بنت بميت راجل مش حنكر ان منهم السيئ لان صوابعك مش زى بعضها لكن لا اللبس ولا الاختلاط ولا اى شيئ بيمنعهم من الخدمه وانهم يكونوا مثل رائع لاى بنت ويوم ما بينجوزا بيكون احسن شباب قصدى ان اللبس والشياكه لا تتعارض مع القلب النظيف واللسان الطيب و الاخلاق العاليه
الحشمه لازم تبدا من القلب والعقل ويكملها اللبس وليس العكس يعنى نبدا السلم من اوله مش اخرة منروحش نكلفت البنت ونقول حشمه سايبين مخها زفت وقلبها بيشتهى كل رزيله حشمه اللبس من نظرى مكمله وليست الاساس يا فرحه ماتمت نلاقى بنت بتلبس مجرجر واى شاب يقولها بحبك تصدقه وتغلط معاه ...وبكرر بلاش النظرة الاسلاميه للمراه وقبل ماتلوموا البنت لوموا روحكم الاول لان الخطا خطا الاثنين وقبل مالوم الشاب المسلم الوم كل شاب مسيحى بيبص للبنت على انها لبس وبس او كل شاب بيبص ليها بنظرة سيئه ويقول ان المراه فى حد ذاتها من اول راسها لرجلها مصدر للشهوة وبس
يا عالم المثل بيقول انا واخويا على ابن عمى وانا وابن عمى على الغريب لو انتم بتعملوا كده فى بناتنا نستنى ايه من المسلم بس

يا مدام جزاكي الله خيرا
الحشمة في القلب تبدأ في الولد والبنت ، مش البنت بس ، من التربية
والملبس زي ما أنا قلت ، مجرد انعكاس لما داخل القلب
ما هو الواحد بيتحشم عشان مسيحي ، مش بيبقى مسيحي عشان يتحشم
يعني الموضوع بيبدأ بمخافة الله ، وايمان انسان القلب الخفي
شوفي يا مدام
كلامنا هنا عن لبس البنات مثلا
لأنه فعلا فعلا فاق الحد ، ده بنات الأقباط في أمريكا وأوروبا وأستراليا بيلبسوا أكثر حشمة من أقباط مصر
لأن أهاليهم مقدرين خطر المجتمع فحطين عينيهم في وسط راسهم ولازقين بناتهم في الكنيسة
نيجي لأقباط مصر نايمين في العسل
ومعتبرين ان المسلمين مفيش خطر في الاختلاط معاهم
ودي أكبر غلطة ممكن انسان يقع فيها
فاحنا بننصح وننصح وننصح
خلوا بالكم من بناتكم يا أقباط
امسكوا عليهم ، علموهم كويس في الصغر عشان ما نوصلش للحالة بتاعة اصل الموضوع
ويا ريت بقى ، تبعدوهم عن مسلسلات التلفزيون الخربانة وتخلوهم يتشغلوا في حاجة مفيدة
----
ملحوظة خاصة بيكي يا مدام
الشياكة لا تتعارض أبدا مع الحشمة
بس مش لازم نقلل كمية القماش المستخدمة