|
مش عايز تهنئتك دي لانها متلزمنيش يا اسمك اية ...... اما موضوع جمهورية مصر العربية فهو امر واقع برضاك او غصب عنك ولو تقدر تعمل حاجة .. انا منتظر واحب اشوف هتعمل اية .. اما لو مفيش في ايدك حاجة يبقي تقول تحيا جمهورية مصر العربية زي ما كنت بتقولها وانت صغير في المدرسة .... دة طبعا لو انت كنت في يوم من الايام مصري ...
الشق التانى انا مش عارف ازاي الواحد يبقي الشمس حرقت وشة من كتر نورها وبرضة يقولك فين الشمس مفيش حاجة اسمها شمس ,,,
سبب حرب 73 هو استرداد ارضنا اللي اسرائيل اخذتها في 67 .. وبالفعل حققنا الانتصار دة بالحرب والسلام معا ... واذا كنت بتشكك في زيارة اسرائيل وخطابة التاريخي في الكنيست وانه راح يعتذر لهم لانه خايف .. اسمح لي بقي دة يبقي استعباط .......
وتصويرك للجيش الاسرائيلي انه دايما بطل وانه مش بيتهزم وانه بيحارب بشرف وكرامة كل دة كلام مش جايب تمنة .. واعتقد ان في اصوات كتيرة في اسرائيل بتقول الكلام دة .. وفي جنود رفضوا الخدمة بالفعل في الجيش الاسرائيلي في مناطق فلسطين المحتلة استنكرا لما يحدث ....
وارجع اسألك سؤال بسيط يا صفصف ياتري سيناء من حق مصر ولا اسرائيل ... ولو كانت من حق مصر .. لية اسرائيل هاجمت مصر واستولت عليها ... مش دة برضة يعطينا الحق في تلقينها درسا قاسيا لا ينسي ....
بالمناسبة في كتاب قديم شوية اسمة المحدال (التقصير ) أقرأ الفصل الثاني كويس
او مذكرات موشي ديان اللى كنتبتها بنتة ... وانت تفهم شوية الوضع كان عامل ازاي
|
16-10-2005
النمط المتطور